星期美點 WEEK 9(24/2 ~ 1/3)

• 睇咗《魔法奇緣》, 果然係一個典型歒視你的童話故事, 毫無驚喜可言, 印象最深的算是那個醜到不能再醜的王子(真係響街執件MK都好過佢), 最後個王子仲要執人二攤, 夾硬砌個happy ending出來, 又有可能我個人無乜童真, 諗多咗嘢, 看來以後者機會較大
• Mos burger都有《Lost Odyssey》ad, 不能不佩服M記的marketing, 假如慢遜有一半咁勁就好lu
  
  
• 今個星期上了深圳做嘢, 去齊落馬洲, 黃崗同羅湖三個關卡, 落馬洲同羅湖比較方便, 因有深圳地鐵接駁, 到深圳公司只需15-20min, 儘管如此, 都要倒塔咁早七點半出門口, 重要拎埋部NB, 非常辛苦, 雖然六點多就鬆人, 放工時間先恐怖, 等成5min先上到深圳mtr走, 仲逼過朝早搭東涌線mtr, 返到屋企都八點了, 攰到死人一樣
  
  深圳公司的view, 樓下的地盤係中航同和黃合作交給中鐵搞的, 相信遲早會成為地標
• 深鐵的車票, 像一個coin一樣, 幾有趣<---大鄉里一名
  
• 深鐵的slogan, 見到嗰刻差啲笑咗出來, 唔使行萬里路都大開眼界
  
  節約是一種美德
  節儉是一種精神
  節省是一種優點
  浪費是一種劣習
  揮霍是一種惡行
  奢侈是一種缺陷
  
  要用加法計算我們的累積
  用減法計算我們的消費
  用乘法計算我們的投資
  用除法計算我們的資源
  
• 《轉貼》【明報專訊】招聘廣播處長，變成鬧劇。回歸10年，再次證明政府的決策程序決策品質出現嚴重紕漏重大危機，再次證明香港繼續沉淪，未有停止舻象。
  
  去年10月，政府刊出招聘廣告：「最少15年任職高層職位經驗……持有由本港大學頒授的學士或深造學位」，白紙黑字，清清楚楚。招聘截止前，有20名符合資格人士應徵，包括現任署理副處長戴健文。
  
  面試、等候，其間，一點動靜都沒有。事隔4個月，政府又突然刊出另一個招聘廣告，與前一個廣告99.99%相同，但多了另一行白紙黑字：「未能符合有關學歷要求但曾任職廣播業及∕或與傳媒相關範疇最少15年者亦可申請本職位。」
  
  廣告一出，各界沸騰，輿論嘩然，卻沒有一位當事官員敢面對公眾解釋，只透過消息人士解畫：廣播業比較特殊，不少有豐富經驗的資深傳媒人，當年都未能拿到學位，把學歷門檻的要求降低，是為了更廣泛的吸納人才。
  
  狗屁不通解釋 侮辱港人智慧
  
  如此狗屁不通的解釋，簡直把全體港人當成白癡，也侮辱了港人的智慧。我在傳媒工作超過20年，由於不同原因，不少資深傳媒人都沒有大學學位，對這行業稍為有丁點認識的人，都眾所周知，並不是新生事物。
  
  若主事官員稍為做點資料蒐集，找一兩個傳媒出身的官員來問問，肯定可以充分掌握。等了4個月，才像發現新大陸似的狼狽地另訂招聘條件，如果官府說的是實情，只能證明主事官員缺乏最起碼的普通常識，表現失職，理應問責處分。官員的解釋如此牽強如此令人難以置信，不是為了一個沒有大學學位的而心儀的候選人度身訂做降低條件，還有別的可能原因嗎？
  
  事情的焦點，不在於廣播處長應否具備大學學歷，不在於是否歧視沒有大學學位的人，有人要對號入座，實屬不幸。問題的癥結，是政府不怕「核突」，不顧形象，不按常規，因人改制，做得如此拙劣，事後卻面不紅心不跳的強詞奪理，若不是有更大的政治力量在背後推動，要霸王硬上弓，不達目的誓不罷休，按照AO的傳統文化，是不應也不會發生的。
  
  當一個政府連「核突」都不怕的時候，確是相當可怕的。有人說，香港還有自由、法治和輿論監督，還可構成一個有效的矯正機制，但願這個矯正機制仍能發揮正常的作用，但願這個矯正機制仍可阻止當權者一錯到底。
  
  一個醜陋的正苦, 有乜嘢做唔出?
  
• 一個連小學生都唔會犯的錯誤, 皇馬班友真係嚇死你
  
  
• 第一次覺得唔使交稅係一件好事, 就係袋咗$6000 mpf, 多謝哂各位納稅人了!!
• J辛好嘢, 一球世界波收死當尼, 逼和羅馬, 向隊長致敬Orz
  
  

星期美點 WEEK 8(17/2 ~ 23/2)

• 去北京公幹兩星期? 呢啲咁荀嘅好嘢梗係留俾其他同事啦, 有得出公數都係咁話啦, 無咗兩日假就唔使預我lu, 上司叫我揀就梗係say no啦!
• 雖然唔使上北京, 不過都要上深圳一星期, 要即日來回, 還要拎埋部大舊衰notebook走上走落, 可能仲辛苦過上北京, 不過唔使對住老細一個星期都好, 壓力都細啲
• 上期講過Auditor大過client, 今期自己就要親自走落某大公司在金鐘的Office執返啲document, 又一次感受到Big4同細firm的分別了, 原來上環行去金鐘都幾遠, 行到身水身汗
• 國米0-2敗走晏菲路, 真不明白個球證點解可以30min兩張黃牌整走馬達拉斯, 輸波當然不是味兒, 球證水準更令人氣憤
• 在公司樓下的山崎麵包買咗個半價三文治食, 半價咗都要$8, 食完又完全唔覺有乜咁特別, 但係平時又見真係有人俾正價買曪, 吹漲
  
  
  
  

星期美點 WEEK 7(10/2 ~ 16/2)

• 收到個degree張cert了, 俾我撞彩撞返個first hons返來, 上一年的努力總算無白費, 希望幫到下揾工啦!, 再來就是下半年考ACCA了
• 今季睇落無乜一定要睇的日劇, 有時間的話, 可以留意下《鹿男與美麗的奈良》, 《愛迪生之母》同《明天的喜多善男》, 不過諗諗下都幾難有時間追三套劇, 睇下之後會點揀
• 想買隻2G手指好耐, 格咗好耐價都係忍住手先, 目標價係$80樓下, 差十幾蚊咋
• 上司突然走來嗌一齊食飯, 仲拉埋亦另一個早我少少加入公司的同事去添, 埋單仲有大食大唔使俾錢, 佢唔係當係歡迎宴呀?早知點個貴啲嘅餐啦!
• 與Ms Wong到霸王山莊提早食咗個情人節dinner, 散叫了三個小菜, 不過食落就一般, 個燈影牛肉口感非常奇怪, 不似一般牛肉而似餅乾薯片, 個年糕就炒到黑黑地, 幾醜怪, 只有個雞絲粉皮涼麵食得下, 埋單都要過兩百, Ms Wong收利是多而唔使我埋單, 大公司員工真好
  
  
  
  
  
  
  
  
• 《大亂鬥》出咗, 等唔切以炒價$5xx入手, 不過當禮物咁收而唔使俾錢, 新年假期無嘢玩就無癮, 好多人都話有機load唔到碟下, 結果一take即過, 仲非常暢順添, 努力研究中, 今集多咗Sega的Sonic同Konami的蛇叔用, 不過我覺得曉飛的角色, 例如卡比, Meta Knight, Pit等, 當然唔少得上集用慣的Donkey Kong, 玩緊亞空之使者, 兩人一齊玩幾正
• 利是數目果然創新低, 自己都無眼睇, 懶得去數
• 以前總覺得client係大過auditor, 經過AIG俾PWC challenge這個asset revaluation and impairment loss, 大跌12%後, 真係彷然大悟, P仔好勁好有guts, Big4即是Big4, YEAH!!
  
• 總不相信大新會跌到$15樓, 結果忍唔住又入一手, 結果蟹咗
  12/02/2008 買入 大新銀行集團　　 02356 400 $15.000 $6,106.54
  
• 去咗美心食恨咗好耐的肥牛火煱同韓日定食, 想不到火煱望落份量不多, 食完就覺得好飽, 味道就可以啦!!定食跟餐的人蔘雞湯幾正, 真係有人蔘同雞, 真材實料
  
  
  
  
  
  
  
  

星期美點 WEEK 6(3/2 ~ 9/2)

• 《小傳日記》花旗嚇親人，淡友過肥年！
  2月 6日 星期三
  
  《小傳日記》花旗國經濟數據嚇親人，ＩＳＭ服務業指數創出１９９７年以來最大跌幅，標普又話可能調低錢莊信用評級，經濟好可能衰退加埋信貸難度增，三大指數表演高台跳水，搞到香江場鰠年卅晚半日市也要肚瀉，兩萬四都守唔到，散場收２３４６９點，插１３３９點或５﹒４％，半日成交也有７０７億銀。計番成個豬年，個市相當波動，恆指仍然升１４﹒１％，不過同最高位升成５５﹒４％比較，已差好遠。
  
  ＊豬年甚波動仍升一成四，藍籌全墮落最傷出口股＊
  
  藍籌場全線陷落，大象（０００５）外圍同業被唱淡，無奈地被壓低４％，其他大隻佬銀號亦挫３％至５％，非大隻一族鮋渣打（２８８８）就大插７％。
  
  中移動(新聞 - 網站 - 圖片)（０９４１）同其他中字派遇到龐大拋壓，挫半成，返番百二蚊樓下；其他電訊份子也敵不過沽盤，中電信（０７２８）否認退出互聯網增值業務，仍挫７％；聯通（０７６２）同網通(新聞 - 網站 - 圖片)（０９０６）各滑５％同７％。
  
  美金玩反彈，地主們失去先前氣勢，減息效應亦漸消化，長實(新聞 - 網站 - 圖片)（０００１）、恆地（００１２）、新地（００１６）、信置（００８３）挫３％至５％；新世界（００１７）、恆隆（０１０１）各滑７％同６％；高佬話港鐵（００６６）估值高列佢入出貨名單，目標只睇２５蚊，撻半成。
  
  出口國家經濟唔明朗，加埋美金反彈，出口份子一同墜地，思捷（０３３０）、利豐(新聞 - 網站 - 圖片)（０４９４）、富士康(新聞 - 網站 - 圖片)（２０３８）齊齊撻低７％。
  
  ＊高佬不留情招商挫一成，國貨走晒樣愈大隻愈傷＊
  
  招商局(新聞 - 網站 - 圖片)（０１４４）被高佬調低評級籲沽貨，急挫一成；其他紫籌們威完幾日之後，今日亦也退避三舍，華創（０２９１）、中信泰富(新聞 - 網站 - 圖片)（０２６７）滑６％至７％。
  
  超人系逆流算比較穩定，和黃（００１３）只係軟３％，美人繼續建議買佢，目標價睇１０５蚊，水位都唔錯！另邊廂，港燈（０００２）同八號仔（０００８）亦只軟２％。
  
  深滬Ａ場已經進入春節休假，一眾國貨未得到祖國場指路，臨放長假前遭到蹂躪，國貨場重插９７３點，收１３０６７，跌幅７％。成個豬年計，國貨指數累積上升３１﹒２％，年內最高升過１﹒０７倍。
  
  石油巨企威完一日後走晒樣，外圍期油驚經濟衰退回落１％，油企也被逼撤退，中石化（０３８６）媽咪之川氣東送管道組焊突破１０００公里，無助囝囝撻低９％；中海油(新聞 - 網站 - 圖片)（０８８３）同中石油（０８５７）各插５％同９％。
  
  標普話雪災對保險份子盈利只會有輕微影響，「三保」卻一齊跟大圍跣低，平保（２３１８）同國壽（２６２８）齊滑８％；財險（２３２８）挫６％。
  
  ＊霸王頻出貨洛鉬好愁傷，電力難倖免臨尾被質低＊
  
  「六行」反彈勢頭暫時告終，普遍下插６％至８％，中行（３９８８）挫半成，已經算係好「隱陣」。
  
  中鋁（２６００）媽咪剛飱聯同花旗鋁業入股力拓１２％，依家全球礦業一哥必和必拓提出每３﹒４股換１股力拓，涉資１４７４億美金，定下超碼要買起５成力拓最低條件，中鋁睇住班大人過招，自己今日先行後退７％。其他金屬份子也相繼走低，洛鉬（３９９３）被霸菱頻頻出貨，滑７％；馬鋼(新聞 - 網站 - 圖片)（０３２３）、紫金（２８９９）、江銅（０３５８）同挫７％。
  
  電力份子早前已受雪災困擾，初段個別好似無咁傷，但點知臨尾亦要質番落，大唐（０９９１）重插９％；華能（０９０２）、國電（２３８０）、潤電（０８３６）、華電（１０７１）各滑４％至６％。
  
  股仔場方面，新怡（１０９４）用４５００萬銀新股加ＣＢ買入廣東石油貿易商７５％權益，復賽一度彈上７毛半，散場只漲５％。利來（０２２１）進軍越南(新聞 - 網站 - 圖片)地產單交易終止，但股價照樣攀高６％。環球工程(新聞 - 網站 - 圖片)（８１９２）逆流延展反彈勢頭，漲２３％。
  
• 今年收利是數目可能創新低, 初一只收到爹娘兩大封, 又唔多覺佢吔會去拜年或有人來拜年的跡象, 睇個勢可能加埋都無兩舊, 慘情!
• 繼平安夜之後, 年三十晚又有得早放兩小時, 未知下次機會又要等到何時
  
• 談會計,會計師「食鐘」文化須糾正
  
  信報 (繁體), 談會計,會計師「食鐘」文化須糾正
  經濟．企管
  譚香文
  
  　　上星期，我在地區辦事處接見市民，一位中年女士向我說，她朋友的子女是新入行不久的會計師，每天都要工作至三更半夜，做父母的自然憂心不已。回想十多年前我剛回港發展的光景，每天日做夜做，有工作、無生活的日子，對這位女士的分享實在滿有共鳴。
  　　我認為，問題的根源是：會計師行「食鐘」的情況相當嚴重。我想先解釋一下「食鐘」是什麼一回事。會計師行派會計師核數須要會計師報告完成工作所需的時 間，會計師行就是根據這些數據，計算核數工作的成本和人力需要，然後向客戶徵收合理的核數費用。同時，會計師行亦會根據這個數據，安排每個核數工作的人手 需求，並作出人力資源方面的策劃。
  　　所謂「食鐘」，就是會計師蓄意少報完成工作所需的時間。例如會計師實際需要十六小時才完成一項核數工作，卻向所屬的會計師行報告只用了十二小時。換言之，就是隱瞞自己實際的工作時間。
  　　為什麼「食鐘」會成為會計師行的工作文化？很簡單，食了鐘，就可以製造一個工作效率高的假象，上司只會看員工上報的核數紀錄，誰管我實際上用了多少時 間？只要老闆覺得我工作效率高、表現好，他朝考慮提升員工時，捨我其誰？結果，為了爭取表現，大家都「食鐘」。你又食，我又食，就形成了一種文化。
  　　這種工作文化去到極處，那些循規蹈矩、有碗話碗、有碟話碟的會計師會被認為是工作缺乏效率，最終會遭逢被淘汰的厄運。對此，我實在身同感受，我當年曾經因為這個原因而離開一間大型會計師行。
  　　其實會計師行的老闆，對「食鐘」的文化也樂此不疲。因為若會計師紛紛「食鐘」的話，從數據上看，完成一個工作所需的時間，肯定會被競爭對手短，成本自 然較低，會計師行就可以用更具競爭力的收費接生意。今天會計服務市場的競爭異常激烈，會計師行實在有很大誘因，容許員工「食鐘」。
  會計師流失率高
  　　任由「食鐘」文化在會計師行存在，無論是僱主還是僱員，都沒有好處。會計師固然要繼續承受工時嚴重過長的痛苦，會計師行也要承受會計師流失率偏高帶來的惡果。
  　　會計師「食鐘」帶來的直接影響，就是令會計師行的人力資源規劃出現偏差。舉例，一件核數工作原本需要三個工作天、二十四個工時才能完成，在「食鐘」效 應下，會計師可能報告只需十六至十八小時就能完成，作為一個在商言商的老闆，肯定會要求工作在兩個工作天內完成。結果呢？二十四個工時就要在兩天內完成， 會計師只好超時工作，每天四個小時。一項工作已是這樣，何況每個會計師都需要應付不只一項工作呢？那麼，我們又從何解決會計師工時過長的問題呢？
  得不償失
  　　不要以為因為「食鐘」導致工時過長，只是會計師的問題，會計師行的老闆可以置身事外。因為冗長的工時，是磨滅年輕會計師工作熱情的致命傷。有會計同業 與我分享，指以往一個會計師會在一間會計師行工作四年後才「跳槽」甚至轉行，但今天呢？只要兩年光景，會計師的熱誠就會被磨滅殆盡，萌生去意。
  　　對一個初出茅蘆，或者經驗尚淺的會計師而言，兩年剛剛好是在職培訓，累積經驗的時間。如果會計師只要兩年就離開，會計師行為培訓這個會計師而投放的資源，豈不是化為烏有？豈不是又要再掏腰包，培訓另一班新血？所以，老闆容許會計師「食鐘」並不划算。
  　　還有，核數是一項講求高度準確，質量要求相當高的服務，如果因為員工工時過長，或者因為僱員流失率太高影響工作質量，無論成本因為「食鐘」效應而被壓得多低，最終也是得不償失。
  　　我期望會計師，無論是老闆還是員工，都不要期望利用「食鐘」作為提升競爭力的捷徑，因為任由這個情況惡化下去，影響的是整個會計行業的質素。我認為「食鐘」的情況必須消失，一些「死症」例如工時過長和會計業界的惡性競爭才可望得到解決。
  　　要杜絕「食鐘」的情況，我認為老闆必須先行第一步，嚴厲打擊員工「食鐘」的情況，定期抽查。老實說，「食鐘」本身就是一種欺騙行為，有違會計師的專業操守，任何一個負責任的會計師都不應該容忍。
  　　會計界長久以來的「死症」，只有靠業界自己才能解決，自己不願走出第一步，任何的法律和社會政策都只是徒勞無功。
• 睇完《L change the World》,無疑是一套幾出色的電影, 不過, 完全係同死亡筆記無關係的, 可以說是一個完全獨立的故事, 掛着死亡筆記的名, 騙你入場而已, 都幾掛羊頭, 賣狗肉, 印象最深的算係教授中毒後死唔斷氣爬返起身, 掙扎咗好耐都無死, 誇咗啲