孤單

人，
是孤單的。
一個人時孤單，兩個人時孤單。
可是，
越多人陪伴，卻越是孤單。

我，
在眾人中吶喊，無人聽見。
在眾人中落淚，無人知曉。
能了解，
身處人群時卻還是孤單的痛楚嗎？

想想，
還是一個人時，會過得比較好。
那就讓我一個人吧。

難得無記咁好死, 肯買咁正的animation, 點知都係...死性不改

《鋼之煉金術師》主題曲惹爭議

　　無線今日開始首播日本動畫《鋼之煉金術師》，但未播出街本報就收到讀者投訴，認為無線找陳奕迅主唱主題曲，有辱此動畫大師之成分，廣管局方面至昨日為止亦收到十六宗投訴，主要都是指無線應採用日本之主題曲。

　 　無線外事部助理總監曾醒明對此表示：「依家香港播買0左0既外國節目，都系用番本地元素0既包裝包括粵語配音、主題曲等，好似最近《大長今》我0地都搵 陳慧琳唱，又好似以前0既《足球小將》、《IQ博士》都系一樣，我0地絕對冇侮辱成分，只系我0地都需要盡量照顧本地觀眾，況且陳奕迅去主唱都繫好適 合。」

　　至於《鋼之煉金術師》被改編成動畫版後於日本掀起一片「鋼煉熱潮」，不僅原聲唱片賣出廿萬張，來港配合宣傳的勝股英夫監製更指 作品於當地產生不少社會現象，他望《鋼》片亦能在港大受歡迎。被問到《鋼》片中未有加入愛情故事，勝股監製笑謂：「睇愛情故事？不如睇韓劇啦！」

　　而陳奕迅所屬新藝寶唱片公司表示因今次是無線方面屬意找陳奕迅主唱，所以唱片公司不方便發表任何意見。

好在老早已經睇哂, 唔係一定嘔血!

星期美點 WEEK 8(19/2 ~ 25/2)

• 工作平淡的一星期, 無驚無喜的渡過
• 唔知點解一見到公司個秘書就好想串佢, 仲要係控制唔到o個隻!
• 兩個test都無乜點溫過, 呢鋪大檸樂
  
• 為 甚麼要internet explorer? 為甚麼還要用outlook express? 我就是不爽你microsoft無得customize, 就是喜歡mozilla firefox, 就是喜歡 mozilla thunderbird, 自己打造及加入自己喜愛的extension
  
• 自己notebook用緊FF0.9.1, 公司部腦用緊1.0, 宜家連1.0.1都出埋, mozilla出新version出得咁密, 好難追番哂o的extension喎!
  
• 街上在MK走過兩次聽到燕姿的<我的愛>mp3 ringtone, 精神為之一振, 亦勾起了換部有mp3 ringtone電話的意欲
• 王心凌新碟出了, 不知有否保持上一隻碟的水準? <明天見>真的十分好聽, 百聽不厭
• 上網見到o的搞笑嘢, 竟然仲有o的白痴仔話 AMD o的CPU會熱過 intel o個o的, 笑到我碌地
• philips來香港搞總部, 乜咁睇得起我地呀?
• 歐聯令人開心的一星期, 雲達不萊梅主場吞三蛋, 抵你死啦, 鏟傷我維辛迪呀啦
• freefantasyfootball 本週排名 : 4772 (升到歷史新高, 特別鳴謝Berbatov梅開二度, 認真百無禁忌? 另將Juan換走了, 換入Cordoba, 因為利華古遜後防不穏, 再踢埋歐聯肯定更加不知所謂)
• 終於加到個web-counter, 之前試過三次都唔得, 唔識寫程式真係好慘
• 真三國無雙4出咗, 好似好過上集, 不過都係吸引唔到我去玩
• 盛怒之下費了一小時打了一篇e-mail給網上爬, 也許續約網上爬是我05年第一個遺憾, 很很很很很很很......失望
  

星期美點 WEEK 7(12/2 ~ 18/2)

• 兩大老細出trip, 呢鋪仲唔...
• 發雞盲, 出statement時竟然就咁copy & paste唔記得改公司名, 失敗
• 今年利是少成半有多呀, 陰公
• 禮拜三晚春茗, 好耐無隊過啤, 胡裡胡塗叫了啤酒飲, 一邊隊啤一邊睇馬仔, 爽
• 老細都好飲得下, 周圍撩人同佢鬥飲都只係半分醉, 抵佢咁牙擦嘅
• 連ex-staff都有份去春茗, 真係一間好有人情味的公司
• 睇 咗畢爾包對貝迪斯0個場波, 畢爾包有迪賀奴, 伊拉奧拿, 耶斯迪, 貝迪斯有桑尼圖, 祖昆, 奧利華拉, 兩隊都有好多有質數嘅球員, 結果開場4比4, 捱眼瞓都值啦(MOM我會俾耶斯迪, 雖然奧利華拉入三球大演帽子戲法, 但係Yeste都有3 assists and 1 goal, 平均表現更勝一籌, 不愧為我 freefantasyfootball嘅second best midfielder)
• 經過一輪急攻後排名由一萬幾上反去六千幾, 真開心

為甚麼firefox上不了一些網頁?

免費中文版 跨平台可使用

編譯陳成良╱特譯

由於微軟ＩＥ安全問題不斷，漏洞修補機制又不完善，加上微軟的未來政策等因素，許多的專家、玩家、使用者皆紛紛琵琶別抱，捨ＩＥ改採用Firefox。

不 過，有些網頁並沒有按照全球資訊網聯盟（W3C）制定的標準設計網頁，只根據ＩＥ來做設計而寫出不合標準的javascript語法，造成應該是標準的瀏 覽器反而不能閱讀。Mozilla基金會計畫在明年解決這些問題。為了解決相容性問題，Mozilla基金會將雇用新員工，挑出只能用ＩＥ瀏覽的網站，然 後向它們的開發者推薦基於標準的開發方法。

支持Firefox的自由軟體工程師也開發出了相關擴充套件，可以在網頁不支持Firefox時，選擇以ＩＥ開啟。Firefox正式版本推出後的十天，台灣也有了中文版，幕後要歸功於兩位大學生的努力，台大資工系畢業的林弘德及中山大學資管系在校生趙柏強。

（目前Firefox 1.0中文版只要連上網址http://moztw.org，就可下載。Firefox中文官方討論區網址為http://forum.moztw.org/）

剝花生, 等睇戲

非主流瀏覽器聯手反撲IE

星期美點 WEEK 6(5/2 ~ 11/2)

• 新年又到喇, 恭喜發財
• 難得的三天話都無咁快又過完, 瞓咗一日, 玩咗日半, 溫書只有半日, 又嘥咗一個寶貴的假期
• 雖然今個星期唔使返學, 但係下堂taxation就test喇, 都無得抖下添
• 都係Butt Sir講得好, 越係沈悶嘅嘢, 就越值錢, 唔係阿豬阿狗都讀得掂啦
• Oracle都好cheap下啫, 借住敵意收購Peoplesoft, 又要laid off自己員工cut budget, 甚麼全球第二大軟件生產商, 我呸!
• 肥度唔嚟香港, 謝天謝地, 咪鬼霸住個正選位添呀, 比我睇奧利華拉同巴迪斯達好過
• 邪氣纏身, 連中三隻渣古, 黑到貼地
• 死唔信邪, 再度努力下中番隻force impulse, 感覺良好

星期美點 WEEK 5(29/1 ~ 4/2)

• 原來入單係一o的都唔簡單, 剩係搵番個invoice no.都揾到你眼都花, 又法文, 又意文, 又西班牙文, 莫講話係單入面o的items啦...
• 終於出糧了, 不過都完全無時間check番出咗幾多囉
• 出埋糧都未出contract, 老細都好不忙碌喎
  
• 趕功課趕到隻狗咁, 為咗o個區區五分好似又唔多值得咁
• 上堂drop個o的notes都未得閒執過, 睇怕又要留番過年囉
• 讀taxation仲慘過讀law, 剩係記o個o的ordinance嘅section no.都記到你暈
• 考試時間表又出咗, 好過上期少少, 由衰到無倫進步到衰到貼地, 都係未到一半就考哂, 搵笨
  
• ACG中, A同G今個星期繼續停頓, 剩係有時間睇咗網球王子#26, 真田都好惡下啫, 風林火山屈哂機啦, 使鬼打咩?
• 時間真是十分寶貴, 尤其是當你返工的時候
  

星期美點 WEEK 4(22/1 ~ 28/1)

• 脫期了, 要趕稿, 好似o的漫畫編輯咁, 救命!
• 其實返工係無乜嘢做, 但係都成日要OT, 遲下pick up哂o的嘢咪...
• 終於有自己的電腦用, 竟然有1.5GHz, 有點意外
• 先使未來「糧」, 買咗一大堆無謂嘢, 又無咗五千個大洋, 下期咭數真甘

• 成個禮拜無上個網, 無開個部notebook, 返工又返學的日子真係悲哀
• Viewtiful Joe 2 只係過咗兩版, Bio Hazard 4 更只是睇完opening就無掂過, 真係嘥哂
• 開始覺得每日瞓八粒鐘係一件十分奢侈的事
• 香港樂壇真係無得救, 所謂的十大金曲無首聽得入耳, 好心啦, 早o的摺埋佢咪係到獻世失禮人