星期美點 WEEK 1(31/12 ~ 6/1)

• 新年新開始, 還是回歸原點? 講緊的是一年的第一個星期又已開始了, 一年之計在於春, plan下今年目標係乜, 好似遲咗啲喎!
  
• 常識破壞之第一步完成, 絕對是2005年最後一個的驚喜
• 除夕夜的任何倒數活動, 對我而言從來都沒有一點意義, 人大了, 越覺無聊
• 2006年的第一刻就在apm渡過, 不過倒數好似快咗成幾分鐘, 定係自己隻錶慢咗, who cares? 反不及走得倦了時卻找不到甚麼甜品店落腳令人困擾, 觀塘真的是...
• 終於在除夕夜去了天后的Pumpernickel 黑麥食嘢, 原來夜晚食兩塊麵包都會好飽下, 啲麵包又真係幾新鮮下, 係差在凍咗少少, 否則一定更加完美, 不過真係估唔到要訂位咁巴閉, 有兩個位都真係好好彩
  
• 同三位老友一起慶祝生日, 兩位是該天或是即將生日的, 我就是毫不相干的路人甲, 但係都唔使出錢, 真係幾唔好意思
• 是晚最過份莫過於攞飛打邊爐, 由等十幾張枱至六十幾張都有, 香港經濟真係復蘇得好快, 好嘢!
• 終於都拍板要在下星期要上上海工作啦, TUE早機去, FRI晚機返, 足足四整天貢獻哂俾公司, 老細真係一啲都唔蝕底
• 首次飛的名額竟然是MU, 仲要天矇光七點幾飛, 肯定在飛機上瞓餐飽, 甚麼心情也沒有
• H? Puma? Mizuno? 還是Adidas? 怎樣選擇好? 看來要再快點決定才行
  
• 今年順序睇好的美股 : Google > Apple > Motorola
  

星期美點 WEEK 52(24/12 ~ 30/12)

• 公司的聖誕party就在二十四日係魚米之尊進行, 其實啲嘢食真係好麻麻, 完全不覺得有甚麽特別, 枉佢地老細懶係嘢咁自吹自擂, 甚麽響出面食唔到喎, 地方又淺窄, 包哂成個場都係啱啱好咋, 陰公!!
• 抽奬個part其實幾無聊, 我竟然抽中左大口仔, 該煨囉!!
  
• 之後同MAY MAY走左去朗豪坊行左個圈, 諗住睇下有乜鬼嘢Christmas Sale, 點知都係嘥狗氣...
• 一起嘗過的廿四味加蜜糖, 苦中帶甜, 滋味無窮
• 回到家裏等待着我的, 是那隻買了半年才玩了一次的Donkey Kong, 還是引頸以待的老媽子?
• 平安夜的韓燒雖然沒有太大的驚喜, 但是既可受教於侍應大叔, 又可捧着個大肚腩回家, 不俗不俗
• 收到了的聖誕禮物竟然會是Biotherm, 儘管我對楊千嬅並不感冒, 也一定會好好珍藏
• 其實幾欣賞新城, 可以一晚頒一百二十幾個奬, 直情係有份出席就有奬攞, 擺明係分豬肉呀, 吹咩? 總好過甚麼商台同無綫年年只益自己友, 仲要打哂鑼鼔話自己公平, 收X啦!
  
• 廿七號終於去了很想去的Cyberport睇《King Kong》, 果然音響確實一流, 其他戲院絕對不能比擬, 以後有甚麽大堆頭製作的電影一定要揀番係呢度睇
• 倒塔咁早走去睇戲, 竟然低B到搭錯車, 好彩在早出門口, 仲趕得切搭小巴去, 我會記住呢個慘痛回憶的
  
• 《King Kong》是必需在戲院觀賞的好戲, 其精彩的特技場面實在令人歎為觀止, 就算家中電視有四十二吋都難以感受大猩猩的迫力。很不明白很多人所說頭一小時很悶的說法, 我倒覺得是交待得很清晰, 總不可能由頭到尾都打打殺殺吧, 最後的結局本應是非常感動, 但卻完全沒有這種感覺, 有點惋惜, 總括而言, 這絕對是非常捧的一套戲, 尤其是King Kong單挑三惡龍同滑冰一幕真的十分難忘, Peter Jackson果然名不虛傳
• 睇完三粒鐘戲後逛了一會商場, 發現數碼港真的很大, 可惜沒有太多商舖充撑一下, 否則會更有值得一去再去的價值, 個公園其實幾正, 靠住個大海, 個VIEW真係一流, 係衰在無乜花花草草
  
• 出完旺角食啲嘢再踩入大尾篤已經四點幾了, 大夥兒的BBQ大會亦已步入尾聲, 而我同MAY MAY都不太熱衷踩單車, 於是就只同MAY MAY一齊來回行了一次水壩, 比想像中的距離還要遠, 來回加埋有成個幾鐘, 出去沙田時已經八點了, 行左陣新城市跟住就食dinner, 仲要頂咗兩件我不好的豆沙餅, 認真難忘!
  
• 新年就到, 祝願新年進步!!
  

星期美點 WEEK 51(17/12 ~ 23/12)

• 考完試的生活果然特別頹廢, 完全沒有了奮鬥的目標, 這種生活還要再繼續到何時?
• 其實班O記同差佬都幾無sense下, 人地農民都搭飛機走啦, 仲要硬膠膠咁走去機場搜人身, 究竟係信唔過海關, 定係得閒得滯做埋啲咁戇居嘅嘢, 俾人話係shame都係自己攞嚟! What a shame on you!
• 迎接聖誕的準備正式開始, 看見好友那麼重手出擊, 我也要加把勁至得
• 亳無疑問, 魔戒同比卡超俾我買一定唔使諗咁多嘢買後者, 奈何......
  
• 從生滋堂同靚襟兩者之中選擇了後者, 絕對是遺背自己良心的選擇, 而聖誕節的大堆頭製作亦宣告完成, 花了不少的時間同腳骨力呀, 陰公!
  
• 很高興看到政改方案被否決, 讓那些自以為是的政府高官不能再逆民意而行, 面目可憎的林公公依然故我, 一副貓哭老鼠的樣子一如往昔神憎鬼厭, 「橋王」發表的委任區議員工作表現比較好的謬論亦令人啼笑皆非, 係咪漏咗一個「屎」字係前面呀?
  
• 泛民主派真係要繼續團結一致, 免得香港市民的福祉落入一派左狗的身上
• 一單幾低B的港聞 : 北角兩小巴司機賽車判囚, 鬥車自己死就好啦, 一個唔覺意連累埋車上乘客的安全就真係無陰公, 抵拉!
• 《Gallop Racer 8》進展不俗, 玩了多場memory quest之後, 儲了一萬六千幾分後, 即刻花乾花淨買了神鷹, 展開屈機之旅
• 其實我很佩服那些每天寫blog, xanga的人, 至少我這種一星期才update一次的死懶鬼就一定沒有這份能耐
• 下星期就是一週年了, Congratulations!!