星期美點 WEEK 44(28/10 ~ 3/11)

• Boston Red Sox果然不負所望, 4-0橫掃Colorado Rockies, 勇奪世界冠軍, 雖然我不是fans, 但我也替他們高興, 因他們的表現實在是非常出色, 實至名歸
  
• 華倫終於炒咗科里斯, 值得開香檳慶祝, 呢條友真係好唔掂, 次次輸波都輸到無譜, 贏波都係贏運氣, 無一場踼得好好睇睇, 仲衰過上年, 抵炒啦!!
• 朗奴高文接手, 未知能否鎮得住班大帝, 是龍是蟲有待觀察, 不過應該點都會好過科里龜
• 韋拉又傷, 又要一頭兩個月先好得返, 成日傷傷停停, 我覺得係時候賣咗佢套現好過, 反正可以升青年軍的馬魯菲好過, 當然有無人要佢都成問題
  
• 開了facebook A/C, 不過仲摸緊點用, 看似幾簡單, 用落有少少難度, 人老了, 接受新事物的速度都慢人一籌
• 近期部notebook成日上唔度網, 上上下就斷線, update完個software都仲係咁, 估計係內裏的lan card燒咗, 狠下心腸花了$150買了張Asus lan card用, 得咗, 俾我威返次喎!
• 29/10初次入手紀錄:
  

  29/10/2007	買入				中國糧油控股	00606	1,000	$5.300	$5,406.48
  29/10/2007	買入				建設銀行	00939	1,000	$8.080	$8,189.72

  高追了939, 之前一日收市才$7.77, 寄望早日升上$10
• 1/11一次失敗交易:
  

  01/11/2007

  買入

  工商銀行

  01398

  1,000

  $7.340

  $7,448.66

  收到料好多人睇好呢隻, 點知, 唉..., 坐艇囉
• 下個目標係我另兩隻愛股, 883同3993, 暫時未夠本入, 望下先, 儲夠$先入貨
  

星期美點 WEEK 43(21/10 ~ 27/10)

• 《Ghost Squad》$420入手, 暫時玩落都算唔錯, 畫面都OK, 不過得三個mission就少咗啲, 好彩有得儲lv換新槍, 都會幾襟玩, Zapper用落就一般, 用返Wii remote手揧反而仲易玩, 任記少少失敗之處
  
• 幾時可以用到水槍呢? 好似幾正
  
• 有得in了, 係MK某大扭蛋商場樓上, 以audit firm來說, 位置都算特別, 不過in得認真一般, 啲國語同雞腸扭作一團似的, 自己都無眼睇, 希望下次表現會從容一點吧!
• 難得許生抽空千里迢迢空降SSP, 打咗一粒鐘Squash, 感覺良好, 不過自己反手仍覺力量不足, 仍須努力苦練
• 打完之後又落咗MK會一會一羣舊同學, 原來大家工作得風生水起, 有幸同一衆大人物吃個糖水, 都與有榮焉, 自己就比下去了...
• 終於決心去咗交銀開了新A/C學下投資股票, 首選目標係939, 開交通買建設, 都幾串, 趁呢個週末做下功課, 下星期一正式入市
  

星期美點 WEEK 42(14/10 ~ 20/10)

• 又有新一季日劇出場了, 初步來看一定要追的有兩套, 分別係《偵探伽利略》同《Dream Again》, 前者改編自東野圭吾短篇小說, 故事結構一定不俗, 後者以描述棒球為主要劇情, 係棒球fans的都不會錯過
• 估唔到狄倫仲報埋跑育馬者盃, 隻馬仲頂唔頂得順呀, 岳伯仁都幾唔錫馬, 想贏都幾難
• 極速地開始拆個audit schedule同開C/N, 好彩有老細幫幫手拆一半, 全部順利完成, 可以準備執執份CV揾工去
  
• Audit的工遠比我想像中的少, 一日都未必揾到一份啱心水的, 呢個時間揾工都咁難都算係意料之外, 要短時間內in完轉工看來不太可能, 還是要看看自己的際遇如何了
• 突然覺得買澳元或紐元賺下高息都係一個不俗的投資方法, 會比高追股票來得好
  

星期美點 WEEK 41(7/10 ~ 13/10)

• 發現北河街打壁球有so, 打完之後如果無人book場係無人理你, 任你打的, 結果由七點打到九點幾至走, 我諗以後唔會book通州街了
• 好彩無玩凱旋門賞, 睇好幸運奇兵, 點知岳伯仁真係底出, 跑隻狄倫出嚟, 問你死未?
• 呢排好多人問我accounting的問題, 真係煩死, 我又唔覺得自己此科有乜特別出色的見解喎, 啲人真係問道於盲啦!
• NDS的keroro捉錯處出咗, 不過隻game難度太低, 似係啱小朋友玩多啲, 一般人一定會覺得低B
• Google創新高升穿$620, 升下升下就嚟一股都買唔到
• 薄餅個廣告真係好抵死, 身為網上爬用户的一份子一定感同身受, 串得應呀!!
  
• 睇睇下個schedule下兩個月Wii應該要買6隻game, 計為《Ghost Squad》, 《Super Mario Galaxy》, 《Biohazard Umbrella Chronicle》, 《Wii Health Pack(Wii Fit)》, 《Rayman Raving Rabbids 2》同《Soul Calibur Legends》, 想儲錢都幾難
• 西貢海鮮餐終於成行, 雖然啲海鮮係唔錯, 但係埋單要三舊又好似貴咗啲, 最奇的是我覺得隻雞係最新鮮最好味, 問你死未?
• 文化大革命? 曾生, 將雙普選作為例子未免太抬舉香港民主發展了, 擦錯鞋啦！套用高登術語: 0分, 重作
  
  

星期美點 WEEK 40(30/9 ~ 6/10)

• 完成《網路巨變元年 你必須參與的大未來》, 英雄所見略同, Google果然同Microsoft係死敵, 長線來看前者應是大勢所趨, 值得睇好, 仲有千祈千祈千祈要update同學好電腦, 唔係一定比人out
• 下一個目標可能係橫濱水手05長袖Full Sponsor
  
• 迪達真係我偶像, 呢下「化骨綿掌」超越了另一偶像, 過埋龍門響禁區自己跌低的基拿甸奴的地位, AC果然地靈人傑
  
  
• 成績是有了, 但何時才攞到張cert呢?
• 今期真係好忙, 又要晚晚七八點至有得走, 下個月砌埋啲audit schedule可能會更加夜了
• 忙下忙下睇到下面單新聞都覺得自己幾幸福
  快餐集團刻薄員工「做餐死」 (2007-10-06 05:05:00)
  
  (星島日報報導)特首下周發表的《施政報告》將針對在職貧窮提出紓緩措施。十多名飲食及酒店業職工總會代表昨批評麥當勞、肯德基及吉野家等快餐集團，員工一天到晚「做餐死」，卻換來不過廿元的時薪，集團更以「陰招」剝削員工薪酬，要求政府能盡快立法訂定最低工資，保障低薪行業的生計。
  　　港人生活匆忙，要經常光顧連鎖快餐店，快餐集團賺大錢，但員工的薪酬待遇卻仍偏低。飲食及酒店業職工總會連續兩年調查本港七間連鎖快餐店的工資情況，當中包括肯德基、麥當勞、大家樂、大快活、美心快餐、必勝客及吉野家，發現各連鎖快餐店前員工平均時薪都不超過廿元。
  
  　　當中肯德基平均時薪最低，僅十六元一角八仙，比工資保障運動要求的工資低三成半。工會組織幹事卓素莧形容此為「可恥工資」，要求各連鎖店馬上給予員工合理的薪酬，並希望特首在下周《施政報告》回應上述工資問題，且盡快立法訂定三十元的最低工資。
  
  　　十多名工會代表與快餐集團員工昨先後到尖沙嘴金馬倫道一帶的連鎖快餐店抗議。工會代表指，有快餐店採用「318」模式，要求員工每上班三星期就要無薪休息一星期，藉此逃避勞工法例責任，使員工不受法例保障。
  　　在麥當勞工作近四年的全職員工王先生同樣不滿集團安排，在加薪的同時，削減員工的膳食津貼，「在劃一加薪後，我要以半價購買第二餐，一加一減，等於無加！很多同事都寧願帶飯盒和食杯麵。」他亦希望政府能盡快立法訂定最低工資，「現在月薪僅三千元，實在不合理！」
  
  　　肯德基回應指，他們在安排員工上班時要採較靈活的安排，以確保營運效益，絕非要迴避責任。麥當勞則表示，新膳食安排大大增加員工在食品方面的選擇，而員工用膳時間亦享用薪酬
  
  員 工 辛 酸
  麥 當 勞 加 薪 削 福 利19 歲 的 阿 詩 是 麥 當 勞 店 務 員 ， 他 滿 心 歡 喜 上 月 加 薪 ， 但 卻 被 僱 主減 了 一 餐 免 費 膳 食 ， 有 兼 職 員 工 甚 至 沒 錢 開 飯 要 向 他 借 錢 。 他 已 決 定 月 底 離 職 ， 「好 多 員 工 貪 佢 有 兩 餐 食 ， 如 果 唔 係 一 早 走 啦 ！ 」
  
  
  
  「 其 實 好 刻 薄 縮 骨 」
  中 五 畢 業 的 阿 詩 是 一 名 活 動 助 理 員 ， 月 薪 4,000 元 ， 但 為 了 賺 外 快 ， 兩 年 前 開 始 在麥 當 勞 當 兼 職 ， 每 日 工 作 三 至 四 小 時 ， 他 指 出 ， 雖 然 上 月 時 薪 獲 加 3 元 ， 但 公 司 上上 下 下 卻 對 突 然 被 削 減 膳 食 福 利 感 到 氣 憤 。 「 加 3 蚊 一 個 鍾 但 又 減 一 餐 ， 其 實 好 刻薄 、 好 縮 骨 ！ 」 他 最 不 滿 是 公 司 只 向 外 公 佈 加 薪 喜 訊 ， 對 減 福 利 隻 字 不 提 ， 已 決 定月 底 離 職 ， 「 出 面 做 侍 應 都 有 25 至 26 蚊 一 個 鍾 啦 ， 得 20 蚊 根 本 唔 合 理 。 」
  只 有 中 三 學 歷 的 華 仔 坦 言 ， 麥 當 勞 工 資 低 得 可 憐 ， 能 繼 續 做 純 粹 是 為 了 兩 頓 免 費 餐。 他 指 ， 麥 當 勞 現 減 了 一 餐 ， 令 他 失 去 工 作 動 力 ， 「 做 多 一 陣 都 唔 撈 ， 出 去 闖 好 過。 」 飲 食 及 酒 店 業 職 工 總 會 總 幹 事 卓 素 莧 指 現 時 在 連 鎖 快 餐 店 工 作 的 僱 員 ， 多 是 年輕 人 及 中 年 人 ， 他 們 學 歷 及 技 術 較 低 ， 因 此 無 奈 要 接 受 這 些 超 低 薪 工 作 。