星期美點 WEEK 24(9/6 ~ 16/6)

• 出於對繁體字的堅持, 狠下心腸都係買咗《蘋果橘子經濟學》繁體版, 白白付多了七十元, 這個堅持有點貴, 不過都算值得
• 睇完第一章後真的大有收獲, 如果道德代表人們理想中的世界運作方式, 經濟學就代表真實的世界運作方式。理想同真實始終都係兩回事, 不能不讚嘆作者的精癖見解
  
• 買了namco出的DS「-右脳の達人- ガンバれっトレーナー」, 初初以為係新game來的, 後來先知原來已經出咗成個月喇, 太out了, 不過佢啲mini games都幾多, 希望會幾襟玩
  
• 對《The Omen》有點失望, 完全沒有令人覺得有咩咁恐怖, 既不是恐怖片, 卻打正恐怖片旗號在06-06-06上映, 片中的戴民雖然已經目無表情, 卻沒有帶出撤旦之子的震慄, 實在係致命傷, 故事之發展亦如一條直線, 平淡無奇, 只有一兩處地方配合音效輕輕的嚇你一嚇, 之後就差不多悶到瞓著, 絕對屬於雷聲大, 雨點少的代表作, 可能睇《海神號》仲好, 起碼都仲有啲潛水鏡頭睇下, 呢套就真係唔知有咩噱頭引人入場睇, 雖不至不知所謂, 但對我而言絕對係大失所望
  
  
• Germany 4 - 2 Costa Rica
  贏得有點吃力, 不過這是德國一貫風格, 有得贏已經相當俾面了, 費特列治的兩球包越位式的助攻俾雲祖柏是比賽亮點之一, 當然奇帥七情上面之表情亦值回票價, 估你唔到的是首名入球球員竟然係後衛拿姆, 無Ballack的德國可以踢到行雲流水咁流暢, 精彩!!
  
  
• Poland 0 - 2 Ecuador
  太夜開波無睇到, 不過肯定滿地眼鏡, 卮瓜多爾原來唔係門口狗, 出到歐洲都仲識踼波, 神奇, 最型都係佢地龍門囉, 油埋支國旗落塊面到, 搶鏡!!
  
• England 1 - 0 Paraguay
  英格蘭對對住巴拉圭都係食魚生粥, 仲要係靠對方擺烏龍添, 中前場完全無組織, 何來捧到咁熱? 不過都要祝賀下碧咸上半場三分鐘完成了世盃史上最快的鳥龍球, 又可名留青史啦, 幾好?
  
• United States 0 - 3 Czech Republic
  路斯基踢到曉飛咁, 入兩球之餘仲有球中柱, 差點兒帽子戲法, 不過最慘情係真高拿重戰之下傷埋, 連埋正選的巴路士下場齊齊避戰, 兵源捉襟見肘, 仲有兩場大戰點頂!!
  
• Australia 3 - 1 Japan
  由領先一比零之情況下(雖然入嗰球都有犯規之嫌), 捱到八十四分鐘, 諗住贏啦, 點知之後九分鐘內連失三球 , 真的十分失望, 之後仲有克羅羅地亞同巴西, 睇嚟都係踼完分組賽就拜拜!
  
• Brazil 1 - 0 Croatia
  巴西處子登場, 果然令人大失所望, 肥度跑唔郁時, 癲佬又失哂蹤添, 靠卡卡的一個入球小勝, 克羅地亞雖然輸咗, 不過亦踢得有板有眼, 次名出線應該有望
  
• Spain 4 - 0 Ukraine
  西班牙果然踢出氣勢大破烏克蘭, 拖利斯同韋拿點都好過老矣多多聲, 最估唔到係佩奧爾殺得性起走上去前一個扭你幾個助攻俾拖利斯窩利射入, 絕對係今屆世盃頭一輪比賽最精彩入球, 今年的西班牙實在強勁, 烏克蘭踢到唔願郁咁, 會唔會同天氣太熱有關, 舒夫真高的處子登場一定印象難忘, 可憐我件烏克蘭舒夫真高波衫就無面目着出街了
  
• Sweden 1 - 0 Paraguay
  瑞典要踢到八十九分鐘先由龍格保入一球, 肉酸情度不差於英格蘭, 兩場加埋只入一球, 鋒線之差無所遁形, 拿臣同伊巴睇到人眼冤, 無怪乎瑞典教練下半場一開始就換走後者了, 巴拉圭兩戰皆北, 無緣出線, 亦是意料之外, 兩場波一球都入唔到, 仲邊有面目留低呀?
  
  

星期美點 WEEK 23(3/6 ~ 8/6)

• 六四十七週年, 有機會待到平反的一天嗎?
• 不知為何忽然儲起M記的世界盃咭來, 好耐都無這種熱衷去儲咭了, 不過要儲得齊三十三張真的是不可能了, 日日食都要張張中至得, 盡力而為吧, 第一張真係發夢都諗唔到......竟然係......千里達, 很好很好, 繼續努力
• 一口氣抽到西班牙, 捷克同阿根廷, 已經超額完成了, 相信呢幾隊都夠我食到半個月了
  
• Google開始反擊了>>Google spreadsheet實在令人萬分意外, 初步看來用家評語不俗, 簡單不花巧, 典型Google 的風格, 真有你的, 不過我相信這只是牛刀小試, 好戲還在後頭, anyway, Google加油, 帶領我們超越微軟吧!!
  
  


• 民調：Google試算表可能侵蝕Excel市佔率
  
  CNET新聞專區：Dawn Kawamoto　　08/06/2006
  
  CNET News.com非正式的讀者意見調查結果顯示，Google Spreadsheets推出之後，微軟Excel試算表軟體用戶可能流失一部分。
  
  在參與這項民調的1,891名讀者中，多達30%的受訪者表示，打算捨棄微軟的Excel程式，改用本週首度亮相的Google Spreadsheets。
  
  另有40%的受訪者說，他們可能對微軟Office的替代品有興趣。微軟Office套餐軟體包括Excel、Word以及其他程式。
  
  Google的試算表軟體架構在全球資訊網(Web)上，用意是讓使用者在進行「文件內」聊天("in-document" chat)的同時，也能閱讀並編輯資訊。Google Spreadsheets也支援Excel .xls格式文件的匯入與匯出。
  
  化名「藍色指導者」的News.com讀者寫貼文說：「如果Google Spreadsheets的使用率高於預期，我不會感到意外。對那些不希望專屬內容穿越防火牆的人士而言，總有一天會尋求Google Office Appliance。」
  
  其他讀者則預期，使用者會並用Google Spreadsheet和Excel，不會完全拋棄Excel。
  
  筆名「ab鎖」的讀者寫道：「我試用了Google的試算表軟體，感覺相當好。雖然功能不像Excel那麼完整，但協同作業 (collaboration)功能很不賴。我認為，要集體編輯一份試算表時，這很有用，似乎遠比互傳電子郵件或圍在螢幕旁邊七嘴八舌來得強。我想，以後在辦公室外頭需要合力編輯檔案和製作重要檔案時，可用Google的套餐軟體搭配Office使用。」
  
  但一位讀者主張用開放原始碼辦公室套餐軟體OpenOffice，而不是Google Spreadsheet或微軟Office。
  
  化名「史巴克船長」的讀者說：「如果能以49美元的OpenOffice.org Solution，得到(甚至可能比這個Google Spreadsheet)更好的結果，為什麼要花幾百塊買微軟軟體。」
  
  但還是有讀者對Google新推出的服務興趣缺缺。
  
  化名「艾蓮娜斯」的讀者在News.com網路上張貼文章說：「Google以為什麼東西搬到網路上就變得很酷......我現在用的是Office 2007 beta 2，我可不想換用某種跛腳的產品，即使可免費使用也一樣。」（唐慧文）
• 推薦另一usefulFF extension - Googlepedia
  
  Googlepedia這插件十分有用，尤其是你喜歡維基百科的話。當你在Google搜尋東西時，Googlepedia會把頁面分割左右兩半，並在右半顯示你搜尋的關鍵字在維基百科上的資料。
  
• 工作之忙碌完全超乎想像, 一個月埋單總共OT咗20小時之多, 自有紀錄以來都未試過咁犀利, 真的很累, 完全無福消受
• 諗諗下, 朝早七點幾出門口返工, 七點幾八點至返得屋企, 返到屋企食啲嘢十點都嚟緊, 仲慘過做看更, 我都唔知點樣再嘔啲時間出嚟讀書, 李生叫大家勤力啲, 真係無講錯, 可能我真的太懶了
• 人工固然是重要, 但私人時間又是否同樣重要呢? 兩者之平衡如何取捨, 人人各有不同, 對我而言, 後者是我必然首選, 無時間去做自己想做的事乜都係假
• 終於都買了NDSL, 我相信論遊戲性點都係以任記行先, Sony點都係差好遠, 而且連線雙打的game亦是一大賣點, 很適合一pair pair人玩
• XBOX360的Top Spin 2比起Sega Virtual Tennis真的難玩很多, 尤其是要控制埋方向的力度, 非常難以掌握, 初玩幾次都輸得幾難睇, 俾我用費達拿都死
• 最update book list:
  每天多賺2小時：讓你每天準時下班的超高效率工作妙方(ISBN：9861572546)
  有心機 不使壞(ISBN：986124641X)
  日安,懶惰 每週只要上班2又1/2天(ISBN：9867458532)
  DO的學問(ISBN：9867059158)
  

星期美點 WEEK 22(27/5 ~ 2/6)

• 可能對《The Da Vinci Code》有太大的期望, 睇完反而不覺得如外間的好評, 兩個半小時的片長, 故事交待尚算完整, 奈何卻不足以拍完整本小說的內容, 因此劇情都流於公式化, 沒有太大的驚喜
• 睇完之後我其實有個疑問-那些龐大的億億聲製作費去咗邊呢? 係落咗落湯漢斯定丹布朗個袋呢? 完全feel唔到有乜咁巴閉的製作
  
• 搞乜鬼成個禮拜不停落雨, 心情就好不其然好似個天咁又黑又灰, 又熱又濕, 心情格外煩躁
• 五月都未完都落咗咁多雨, 呢個夏天想唔水浸都幾難, 再咁落法香港唔使再買貴水啦, 飲香港水算啦, 唔使倒哂啲東江水落海咁嘥料
  
• 果然個新同事話口未完已經無做lu, 又有一個新人replace咗, 是幸定不幸呢? 下一個又會唔係我呢?
• 終於出糧了, 好耐無試過有咁多錢使, 不過有一半要用來找咭數, 可以真真正正落袋的就.......太悽慘了
• 端午節人地就包糭, 我都有嘢包, 不過係包書, 一包就包咗十幾本, 唔覺唔覺買咗咁多書添, 有排睇
• 除咗包書外, 仲一口氣寫返哂五月份的blog, 原來要記返一個月發生的事都不是那麽簡單, 記憶力衰退得緊要, 認真要dl PSP隻腦錬測試下至得
• 睇完《世界是平的》, 發覺世界真的變得很快, 快得令人難以捉摸, 今天你擁有的一切, 明天你可能會全部失去, 工作變得越來越demanding, 真的令人十分無奈, 人生就是這樣的, 各位, 加油吧!!
• 選擇了在到期前尾二的一天去CWB換智能ID咭, 過程大致順利, 陪我輪候的只有小貓三四隻, 唯獨打指模時試了十幾廿次至成功, 好一個智能ID, 智障構思, 咁唔efficient好心就諗下改善啦, 嘥哂啲時間, 真係火都嚟埋
  
• 中行(3988)上市了, 我都順手攞咗本招股書, 不過無本錢同人爭lu, 明知升硬都無用, 嘥氣, 祝君好運! 假如22倍P倍PE同內地壞帳比率來看, 實在沒有長線投資的價值, 如果唔想同人爭, 可以留意港燈(006)、中電(002), 夏天一到, 又係用電高峰期, 諗得過
• 世盃倒數一星期, 今年決定睇淡所有強隊, 支持捷克同西班牙, 應該有一隊入到四強啩!