星期美點 WEEK 30(20/7 ~ 26/7)

• 今屆立會會計界都算有啲睇頭, 有大狀黨Mandy, 前公會會長Bobo, 再加個財演方卓如, 競爭幾激烈, 打官司單嘢肯定係火頭之下, 主觀意願係唔想Bobo贏, 希望其餘兩人夾手夾腳做返場好戲
• 做緊間花旗國list co.的香港branch audit, 做到想嘔血, 對來對去都對唔到個purchase, 都唔明間嘢點搞, 做做下又outsource個a/c dept去一間四大的accounting firm, 更不明的是那間所謂四大所做的ledger and voucher係兒戲到你唔信, Invoice唔齊又無supporting doc入數都得, 難為的就是做audit執屎的了, 幸好大老細一早獅子開大口抬高個價, 唔係我一定爆time cost被炳死
• 越來越近D case tax deadline, 不斷的開新file下, 十幾個files在手已視在等閒, 自己不斷OT的同事, 其他同事也一齊不能避免, 很可能最忙是這一段日子了
• 雖然很忙, 但一定要抽時間同Ms Wong拍下拖, 行街睇戲, 可能好普通, 但失而復得的感覺十分強烈, 萬幸
• 又要籌錢準備交ACCA下半年會費, 就算只剩半年也要收足全年費用64英鎊, 埋單又無近千港元, 尚未計入考試費用在內, 就算不合理都要焗住俾

星期美點 WEEK 29(13/7 ~ 19/7)

• 箍煲成功, 用誠意打動了Ms Wong的心, 事後才知道是有第三者的介入, 該為Ms Wong如此受人憐愛而高興, 還是為那第三者的懦夫行為而悲哀? 當然我不否認過往對Ms Wong的呵護不夠, 但是我又覺得佢在此事上實在太儍, 要是我恪守承諾, 實現了2個月的冷靜期, 恐怕...
• 一口氣追哂套《Last Friends》, 都值得有2x%的收視嘅, DV男最後自殺身亡, 博得了我幾分的同情, 倒是十分喜愛此劇的presentation, 在愛情、友情及親情上, 都明確地表達了各人千絲萬縷的關係, 算是近期一套幾滿意的一套日劇
• 在ipod touch上加上了百萬富翁, 都頗難玩, 有時第一題就瓜咗, 最抵死係有個錦囊係打電話問朋友, 一按就出現了打電話的theme, 可惜我的不是iphone
• 要從一般電腦格式轉檔至ipod touch播放模式, 基本上同由頭到尾重播一次無乜分別, 那我為甚麼要轉來轉去呢? 很不user-friendly下, 唔怪得有人要放source去dl啦！
• 用$82買咗本值九英鎊的《The Undercover Economist》, 超值到爆, 抵到無朋友
  
• 很多衫想買, 不過得個想字, 完全無水入貨, 等埋睇下有無final sale先? 忍手不買的確難奈, 尤其是在credit card剛截數的誇惑下, 要努力做到心如止水談何容易
• 買咗無耐自己次次都錫住著件恤衫乾洗完後無咗粒方型袖口鈕, 去到理論之後看來揾得返的機會近零, 超揼心, 要blacklist間乾洗店一個月
• 有個同事很有主見地覺得iphone可以一年內不用$2000以下無簽contract買到, 我聽完差啲笑咗出來, Steve Jobs有無咁傻仔自斷財路呀!
  
• 好驚訝, 星期一晚在家中驚見閃電, 成個天頓時白了一下, 雷聲轟了幾轟, 自己都心寒了一下, 未試過有此感覺
  

星期美點 WEEK 28(6/7 ~ 12/7)

• 經過一夜思量後, 我決定短暫地不找Ms Wong見面, 甚至是任何方式的聯絡了, 時間有可能是一日, 一星期, 一個月, 甚至更久, 視乎她在我心目中的所佔的位置, 這次可能無法挽回的一次冷靜期了
  
• 這一星期的冷靜, 由費一哥失落Wimbledon的一刻開始, 不能否認是雙重打擊, 三年幾一起的時間, 彷彿已經走到了終點, 是我太過的專橫霸道, 讓她受到太大的壓力? 還是她覺得大家一齊已經無咗一份齊齊開心的喜悅? 我不知道, 幸好, 這一星期啲job趕到甩肺, 正好是埋首工作, 放開一切的時候
  
• 我只睇了Federer同Nadal Wimbledon final的頭四盤, 在落後0-2的時候, 我真的感到為費一哥的絕望了, 不過, 真不愧為費天王, 在瀕死的邊緣下可以連取兩個tie-break, 追成2-2, 奪冠的機會又放在眼前了, 雖然無睇到關鍵性的Set 5(已是Sunday深夜四點幾了), 見證了那種永不放棄的精神實在太好了, 可能, 我對Ms Wong就是欠缺這份精神了
• Federer發揮只屬一般, 無咗鬥搓底線的自信, 太多UE了, 又頻頻胡亂上網送分, 相對下Nadal打出了超水準, 的確是佢較值得贏的, 輸波對Roger來說, 固然痛苦, 但未嘗不是好事, 至少那些連續多少年奪冠的壓力一掃而空了, 好好的調整狀態, 為BJ Olympics衝金準備
  
• 《轉貼1》
  6-4/6-4/6-7/6-7/9-7，在一場史詩般的五盤大戰後，22歲的西班牙球王Nadal終於攻陷了Wimbledon，在這場耗時228分鍾的超經典對決 中，Nadal浪費了3個賽點，並且在第三盤的關鍵局中浪費了多個破發機會，如果Nadal能早些把握住，比賽很可能會是一場3-0式的完勝。
• 《轉貼2》
  另外, 外國有些網友根據他們的經驗表示, Federer右眼對下的小腫塊, 是與他今年初所患的大病有關. 出現腫塊, 代表這個mono病毒正要排出他的體外, i.e.康復中. Federer打泥地賽時這腫塊仍然很明顯, 可能代表他當時還未完全康復. 今天已經看不到這腫塊, 但仍有少許暗紅的疤. 慢慢再調理的話, 相信Federer距離top-fit的日子應該不遠了!
  
  相信Federer應該清楚知道這些的, 但他仍常常說自己很fit. 相信他是不想讓人覺得輸波找藉口吧? 看到他落莫的樣子, 有點不忍. 但這一切使他更值得尊敬!

星期美點 WEEK 27(29/6 ~ 5/7)

• 沒有D. Villa的西班牙, 依然清脆地1-0 KO德國, 沉寂多年的鬥牛勇士終於甦醒, 阿拉干尼斯好嘢, 在開賽前一致睇淡下捧盃而回, 吐氣揚眉, 未知下任接手者會否重演意大利鄧納東尼之悲劇, 失敗而回
• 波歷克真係黑到你唔信, 今年又做四亞王, 又延續了六年前的惡夢, 仲要係第13個亞軍添, 好邪!!
  
  2000 Bundesliga
  
  2002 German Cup
  2002 Bundesliga
  2002 UEFA Champions League
  2002 FIFA World Cup
  
  2004 Bundesliga
  
  2006 Community Shield
  2007 Premier League
  
  2007 Community Shield
  
  2008 UEFA Champions League
  2008 Premier League
  2008 Carling Cup
  2008 UEFA European Championship
• 終於出返哂太陽了, 好想即刻走去打返場tennis, 不過很無奈地俾啲免費book場的人霸住哂, 有啲人就唔使錢book場唔去打, 有啲人想打的人又book唔到場的人唯有媽媽聲, 等呢個無得救的白痴正苦免租期完結, 相信要等到十月了
• 擦馬屁擦到咁肉酸, 首推厚顏無恥的憎特首莫屬, 睇都唔使睇就400億捐俾阿爺賑災, 有無問過啲納稅人意思先? 你估啲錢天上跌落嚟, 樹生出嚟o架? 加嗰少少生果金又唔好見你咁疏爽, 四川同你有親咩, 使唔使親疏有別成咁
• 費天王清脆地掃走沙芬, 搞到沙芬連扔拍的機會都無, 我都有少少意外
• Ms Wong忽然問我一齊是否無以前咁開心, 我即時呆了一呆, 都唔知點答佢好, 有種茫茫然的感覺, 不知所措