星期美點 WEEK 26(22/6 ~ 28/6)

• 西班牙總有出頭天, 十二碼贏咗意大利, 係就係險咗少少, 不過贏得總算合理, 起碼保方有球甩手差啲燒鬚呀, 應該離冠軍不遠已
• 睇埋近期想睇的《The Chronicles of Narnia: Prince Caspian》, 真不愧為敵視你電影, 完全以一個小朋友的角度去睇, 會好開心, 獅子王一出, 勁過你用金手指打機, 同蘇軾《念奴嬌》大江東去詞一樣： 羽扇綸巾談笑間， 強虜灰飛煙滅, 都唔明班主角打生打死為乜, 一早揾獅子王打哂咪得囉, 嘥氣
• 今期出job到Kowloon Bay, 可憐係放工時間行過德福去搭mtr真係逼到想死, 同朝早在香港站行去中環站無乜分別, 等一些還在興建中的商業大廈落成, 還有行得出來的機會?
• lunch全在Megabox入面搞掂, 可能係我最豪氣的一星期了, 扣埋messing allowance同慳返的車費, 其實有賺了
  24/6
  
  25/6
  
  27/6
  
• 有一天更因掛八號風球放了半日假, 多謝天文台, 很久沒試過打風放假的日子, 哪怕半天也好, 瞓多陣抖抖都好, 七八月可是一天public holiday也沒有啊!
  
• 在deflation的日子, 讓我多麼懷念inflation有人工加的期望, 在inflation的日子, 我又多麼懷念deflation的低物價, 在supermarket內, 看到出前一丁賣四個幾, 杯麵賣七個幾, 人工又無乜點加過, 至少這一刻我是這麼想
• 伊雲奴域絲果然無想像中咁強, 水準飄忽至1-6, 4-6輸俾鄭潔, 呢個NO.1相信不會坐得太久, 沒有軒寜的世界, 其他人的差距不會差太遠
• 出咗套講auditor的日劇, 在會計界都有很大迴響, 有興趣DL睇睇, 不過悶到差啲瞓著, 這是預計之內了, 這一個行業還有甚麼驚喜可言, 倒是很佩服NHK的勇氣去拍出這個不為人知的行業, 好過甚麼TXB拍醫生都可以拍到爛, 不悶嗎?
  
• 迪生創建<00113.hk>公佈截至08年3月底止全年業績，錄得純利2.106億元，較07年同期增長13.11%，每股盈利62.2仙，維持派末期息27.5仙。
  113業績出了, keep到有一成多NP, 但final dividend無增加, 少少失望, 不過與其放$在bank無息收, 不如入多手收下息好過
  27/06/2008 00113 迪生創建　1,000 $5.400 全數成交
• Awesome work - we're almost there!

  Thanks to the support of the always amazing Mozilla community, we got more than 8 million Firefox 3 downloads in 24 hours. That's more Firefox downloads than we've ever had in a single day -- an impressive feat indeed!

  Please be patient while the good people of Guinness review our World Record attempt. This might take a few days so please check back here. And, a huge thanks for all of your support!

星期美點 WEEK 25(15/6 ~ 21/6)

• 19/06/2008 15:24:27 E 買入 00113 迪生創建　　　　 1,000 1,000 $5.750
  見到舊公司跌到咁抵, 自己都忍唔住入返兩手, 以上年final dividend計, 有差不多5厘息收, 好過放錢入bank掛
• 17.06.2008完成的壯舉, 一日內完成八百萬次下載, FF無得頂, 有幸自己都成為一份子
  
  
• 越南指數, 連跌廿五日, 使唔使呀?真係跌足個幾月, 成個五月, 聞者傷心, 聽到流淚, 見到都眼冤
  
  

  Date	Closing Price	升跌
  6-11-2008	370.45	-0.68%
  6-10-2008	373	-1.61%
  6-9-2008	379.12	-1.33%
  6-6-2008	384.24	-1.50%
  6-5-2008	390.08	-1.41%
  6-4-2008	395.66	-1.38%
  6-3-2008	401.2	-1.65%
  6-2-2008	407.94	-1.49%
  5-30-2008	414.1	-1.52%
  5-26-2008	420.51	-1.76%
  5-23-2008	428.05	-1.54%
  5-22-2008	434.75	-1.58%
  5-21-2008	441.75	-1.67%
  5-20-2008	449.24	-1.41%
  5-19-2008	455.67	-0.95%
  5-16-2008	460.04	-1.42%
  5-15-2008	466.67	-1.86%
  5-14-2008	475.5	-1.74%
  5-13-2008	483.92	-1.65%
  5-12-2008	492.04	-1.66%
  5-9-2008	500.33	-1.50%
  5-8-2008	507.94	-1.42%
  5-7-2008	515.26	-0.60%
  5-6-2008	518.35	-0.56%
  5-5-2008	521.28	-0.21%
  4-29-2008	522.36	0.57%

星期美點 WEEK 24(8/6 ~ 14/6)

• 細佬買了PS3, 我就$570買咗隻《Time Crisis 4》連槍賀一賀佢, 都幾貴下, 玩完又無乜話好特別咁, 論畫面係好過Wii少少的, 但係支槍次次玩都要set過個位就幾麻煩下, 玩Wii的shooting game就輕鬆得多, 入碟拿起手掣就玩得, 乜都唔使set, 個feel正好多
• 股市又大跌一千點, 趺到個人都麻木哂, 無哂感覺了, 熊市開始了嗎? 我不知道, 但肯定唔會賤賣自己的資產囉!
• 費天王法網又輸俾拿度了, 仲要直落三盤埋單, 一set仲要捧蛋添, 失望至極點, 又要等下年嗎? 機會越來越渺汒了...
• 雲巴士頓真係咁勁? 意大利都要食三蛋, 我的如意算盤是荷蘭加羅馬尼亞出線, 且看後話如何
• $159買了Zelda的槍game(無要zapper, 因已有一個), 玩來幾易玩, 要過關不難, 但要攞高分就難少少(幾關都係銅牌過關走人), 看來要多少少時間鑽研下, 都有成27版, 百零蚊算是抵玩
• 第一次上華人會計師會的Audit junior Course, 比想像中還多人, 有120位, 個搞手仲話反應好熱烈, 大把人係Waiting list, 有幾巴閉? 上完第一堂完全係啲皮毛嘢, 之前HKU SPACE讀書時都學過哂, 又悶又嘥時間, 差啲瞓着咁滯
  

星期美點 WEEK 23(1/6 ~ 7/6)

• 老細預早通知有可能出job到大酒店附近的一間公司, 忽發其想, 要audit一間大酒店是否要替那些inventory stock take呢? 係都幾嚇人下, 哈哈
• 今年法網final又係Federer vs Nadal, 悶係悶咗少少, 且看一哥有否一破宿命之厄運, 我這個粉絲也沒有一半的信心, anyway, 加油吧!
• 終於請咗Friday half day同Saturday作為做兄弟的日子, 作為跑腿的我, 會有甚麼的工作呢? 拭目以待吧!
• 二佬豪爽地出手買了個24" mon同PS3, 豪得有點過份, 在這個通賬日日猛升的時勢下, 會否太過份呢? 我當然無權出聲啦, 不過有少少睇唔過眼啫
• 做兄弟當日, 七點五至出門口, 當時已是黑雨+雷暴+山泥傾瀉訉號高掛, 去到維記會合已濕了大半, 仲遲到添, 幾唔好意思, 怪獸踼拖加雨衣走過來, 頓時成為一時佳話, 待吃過早餐後, 跟著坐van仔到女家去, 路過一些溝渠, 落水像瀑布一樣壯觀, 石硤尾一帶更像池塘一般, 無怪乎怪獸會有那身打扮啦, 入門利是早已準備好, 一輪互相拉扯後便是遊戲了, 先有wasabi豆加麥芽糖, 然後有掌上壓超濃縮檸檬汁, 咁好彩又全部有我份, 好在無甩拖, 成功過關, 走時搬婚禮道具不幸遇上大風大雨, 想避都避唔到, 連傘都吹爛埋, 渾身濕透, 最慘係之後在van仔上完全無冷氣, 又濕又焗的鬱悶下回到男家過大禮, 兄弟團一行人在茶餐廰飲杯嘢, 之後去M記揾toilet點知連toilet都壞埋, 黑仔到咁, 好在黃金開咗先揾到toilet咋, 免得去公廁之苦, 很快大夥兒又坐那無冷氣的van仔到尖咀新世界註冊, 儀式又真係簡單而隆重, 律師頽噏幾句就閃咗, 做律師啲錢幾易揾呢! 完了後便影影相, 拋花球, 再坐van仔到酒樓, 充份明白甚麼是汗流浹背, 放低一切婚禮道具後, 三點幾才簡單地吃了些點心, 飲杯茶, 又準備開工, 不過都無乜特別的工夫要做, 直到晚上的婚宴了, 頂下(假)酒, 在新郎唱歌時做下人肉佈景板咁, 最後發生一段小插曲, 甜品紅豆沙裡傳出陣陣的特醇煙味, 結果每一圍枱都剩下許多, 幾鬼肉酸, 揾部長理論, 在新郎大事化小, 收返兩箱紅酒了事
  
  回到家裡已12點幾, 有點攰, 但見證了老友的一個完整婚禮過程, 確實值得, 亦羨煞旁人, 未知自己又有否此福份呢?