星期美點 WEEK 24(11/6 ~ 17/6)

• 老闆開始追殺我, 要打醒十二分精神至得
• 花了我兩天做的O.B.功課竟然只得一半分數, 仲要俾黃Sir寫我離題, 灰到爆
• O.B. test, 只係溫咗兩日多, 最慘係無乜source去溫, 三條Questions只懂兩條, 剩番果條吹水收場, 仲要全場得我一個懶係有鬥志咁磨足兩粒鐘至走, times up那一刻就像解脫一般, 六張滿的吹水紙, 唔知有乜嘢結果呢?
• 另外果科F.M.又快要test, 真係想抖抖都唔得
  
• 禮拜六的端午節假期感覺上就像被別人騙了半日假, 十分唔抵
  
• 現在才發覺一天最豐富的一餐竟然係早餐, 問你死未?
  
• 好幾年無食過粽(係咪咁寫?), 今年竟然食咗兩隻梘水粽, 仲要係有人送的, 味道卻比想像中的好, 很懷念這種味道
• 終於買到啱身的新褲了, 突然發覺自己高了
  

小心讀每一個，再用一兩秒想一想

1.我愛你不是因為你是誰，而是我在你面前可以是誰。

2.沒有男人或女人是值得你為他流眼淚，值得的那一位，不會要你哭。

3.那人不是你所想般愛你，但不代表那人不是全心全意地愛你。

4.一個真正的朋友是向著你伸手，觸動你心靈的人。

5.掛念一個人最差的方式，就是你坐在他身旁，而知道你不能擁有他。

6.就算你不快樂也不要皺眉，因為你永不知道誰會愛上你的笑容。

7.在世界裡你可能只是某人，但對某人你可能是全世界。

8.不要花時間在一個不會花時間在你身上的人。

9.可能神要我們在遇到那位對的人之前先遇上一些錯的人，讓我們遇到那位對先生對小姐時懂得珍惜。

10.不要因為完結而哭，要為曾經發生而微笑。

11.這個世界永遠也會有一些傷害你的人，你要做的就是繼續去信人和小心你下次信的人。

12.在你嘗試了解其他人和盼望其他人明白你之前，先把你自己變成一個更好的人和了解你自己。

13.不要太努力去找，最好的東西是在你最預計不到的時候出現。

星期美點 WEEK 23(4/6 ~ 10/6)

• 六四指定動作-奠
• 一個不肯面對自己犯錯的國家, 又有何資格去批評別國的過失!
• 小病是福, 想不到我還有這種福氣, 不過只維持了一天, 就消失了
• 泳池不單有紅蟲玩, 宜家仲有便便玩, 今次仲有人同我爭?
• 今年七一無得去遊行囉, 咁難得嘅一日假期又要貢獻埋俾公司的週年晚宴, 有強權, 無公理, 七一精神不死, 長在心中
• 七三仲有一個更無聊的遊船河, 夾住中間的七二仲要返工返學, 呢鋪認真大檸樂, 真係想抖下都唔得? 都唔明嘥咁多錢為乜?
• 沉重的打擊無情地擊落了我, 被一個公認低智的同事瘋狂奚落《星際快閃黨》, 我體會到有甚麼比死更難受, 還是看《Batman Begins》算了
• 真係好邪, 邪到你唔信, 想買的兩條褲終於等到減價啦, 不過竟然試過後完全唔啱feel, 空歡喜一場

星期美點 WEEK 22(28/5 ~ 3/6)

• 曲奇餅其實我真係唔係太好嘅, 不過有人親手整嘅又點同呢!
• 很久很久沒有買書看了, 今次竟然一口氣買了四本書睇, 但係都唔知結幾時先有時間認真地看, 不過有六折又真係好抵玩
• 點解係「曾」唔係「憎」, 不想知道你飲的『香港水』還是『香港血』, 我只知道你面目十分「猙」獰, 請不要做一隻披著羊皮的狼
• 天氣開始熱, 心情也開始煩躁
• 一出糧又要留番三分一找咭數, 感覺上每個月都是白做, 儲錢原來是一個遙不可及的夢想
• 想買的東西總是被人搶購一空, 我應該安慰自已可以儲番個錢嗎?
• 唔知發乜神經買咗好多薯片, 食完塊面一定可以媲美個痲瘋病皇上
• 《星際快閃黨》是近期較為吸引的一齣戲, 大頭B的確十分搶鏡, 夠哂低能加低智, 啱哂我
• 頭髮長了許多, 係時候要剪一剪草
• 原來自己膠咗, 連轉編碼睇網頁呢啲basic嘅ie user technique都唔記得哂, 自貼一幅[我很硬膠]小丑頭像.jpg[/我很硬膠]