星期美點 WEEK 30(22/7 ~ 28/7)

• 無聊地看了《Shrek3》, 仲要係廣東話配音版, 我覺得真係一般, 可能我無那一份童真睇敵視你卡通片, 配音真係差, 成日喺度扮林狗超低能勁攪笑, 聽得多都悶啦, 唯一可取可能係片尾的史力B
• 去了Sony Style CWB旗艦店參觀, 地方真係好大, 亦有好多product試玩, 連我呢個不好Sony的人都讚嘆不已, 抵讚, 不過, 連一套MD HIFI都無, 作為發明MD的一分子, 總覺得差了一點呢, 睇來買HIFI只有選擇Onkyo了
• 份IS paper剩返兩個星期而已, 都仲未開始認真做過, 要嘔成五千字, 更加要quote reference, 要諗下請假去做了
• 書展又開始, 年年都人山人海, 都唔知逼來逼去為乜, 反正又無乜特別的新書要買, 又唔會有樂文田園等書店七折咁平, 真係有心睇書嘅人平時自會逛書店啦, 犯不着貼錢同人逼囉, 入場意欲係零
• 發現有個新的網上書櫃aNobil, 不過未有時間去研究點用, 遲下有時間至慢慢玩
• 英超挑戰盃, 利記連老樸都贏唔到, 真失敗, 十二碼仲輸埋俾叛將占士添, 都係老樸好嘢!
• Chivu快要得手了, 羅馬快啲放啦, 得返一年合約, 一千幾萬Euro賣去Inter有你so啦!
• 追緊兩套日劇, 一套係綾瀨遙做主角的螢之光, 描寫一個被愛神丟棄的女性生活, 魚乾女這個角色真係演得不錯, 原來傻傻地又QQ地的傻宮, Ayase一樣應付自如, 厲害! 再加上有藤木直人, 國仲涼子, 板谷由夏, 安田顕等熟悉面孔, 實在是今季不容錯過之日劇
• 另一套係父女七日變, 講一對父女交換身份後之生活, 有新垣結衣(兩年前睇龍櫻做緊配角時已經覺得佢一定會走紅, 果然...)做主角, 一定要睇啦, 第一集幾悶下, 希望之後無咁悶啦!!
  
  

星期美點 WEEK 29(15/7 ~ 21/7)

• 考試殺到埋身, 長駐HKU library, 又好在八月份無乜人考試, 鐘意坐3/F又得, 上4/F, 5/F定6/F都得, 十張枱有九張無人的, 太free太正斗了, 最正係有個24h開放的自修室, 星期六日library早收的話, 都仲有地方繼續咪書, 不錯
  
• 今期搭得最多的交通工具可能係970, 原來970啲班次都幾密, 唔使十分鐘就有一班車, 幾方便, 不過行旺角那邊就差啲, 一來多人上, 二來車多, 行得好慢, 差唔多成粒鐘至過到去HKU
  
• AFP考完, 低B嘅, 啲題目亂到九彩, 原來係因為word format transfer關係走哂位, CBS唔知點解可以set到條題目去到小數點後兩個位, 結果有多十五分鐘做, Essay答得還可以, 不過CBS都係Bal唔到, 保持一貫水準
• 考完一返到屋企老豆就扭斷鎖匙入唔到屋, 仲被人嘈點解唔早啲返去, 眞係啋佢都有味, 三十幾度下寜願買飯盒去公園食好過, 樂得耳根清靜
• 細佬又係勁喎, 長開電腦兩日無熄過機, 外掛玩online game, 完全無諗過大熱天時的影響, 有啲咁嘅屋企人真係該煨囉
• FM都考完, 同AFP一樣, 兩條Essay都答得一絕, 不過又係死咗響條計數度, 真係唔抵
  
• 忙裏偷閒睇了inter對國奥的比賽, 睇到青年隊的前鋒Balotelli同Slavkovski, 前者有一個助攻, 表現不錯, 後者後備上陣時間太短, 欠表現機會, 且看他們未來能否成為大器!
• 走咗阿耶拉, 補返過希古拿, 華西真係......
• 終於有機會去食OT半邊籃球場的Freshness Burger, 點了最普通的cheese burger, 跟餐配薯條同粟米湯, 加埋大約四十蚊到, 同Mos Burger差不多, 食物亦好新鮮, 個飽好軟, 生菜夠爽口, 薯條熱到辣口, 粟米湯亦OK, 總括而言都不錯, 不過去到十點都好多人吓, 搞到我要同個自由行細路搶梳化位(搶贏咗,YES), 值得推介
  
  

星期美點 WEEK 28(8/7 ~ 14/7)

• 賀!!費達拿温布頓五連冠, 第十一個大滿貫冠軍, 贏得係險, 但更有紀念意義, 再贏多年就破紀錄了
  
• 坊間評語不俗, 因此抽空睇了《死硬4.0》, 又的確有驚喜喎, 全場不斷地打打打打, 又飛車打直升機, 又貨櫃車撞戰鬥機, 啱哂我呢啲今期唔想用腦的人, 偷車扮車主開車那一幕幾好笑, 布叔仲老而彌堅, 值得一睇, 雖則好多地都幾唔make sense下
• 叧發現Maggie Q做奸角掂過做正派(MI3)
  
• E3開波, Wii形勢大好下再有多個強作消息, 要繼續維持強勢應該不難
  
• 就快考試, 都仲未温過, 今次仲要take 2科添, 大大鑊, 好在請了四日假去温書, 下星期返一日工咋
  

星期美點 WEEK 27(1/7 ~ 7/7)

• 目標仍然在想買套新的MD HIFI, 不過揾來揾去都只剩返display, 想買部新的都難, MD真係玩完? 但係我仲想玩喎
• 睇完《Fantastic Four : Rise of the Silver Surfer》, 覺得都還可以啦, 笑位係有不少, 不還有啲搞爛嗰隻, 反而打鬥場面少得可隣, 比蛛蛛俠3少成半咁多, 銀魔很型, 仲掂過F4, 如果多啲打鬥會更精彩, 奇怪在黃小姐比我更有興趣去睇
  
• Simpsons的fantastic floor, 夠抵死
  
• 終於去到Pepper Lunch試食了, 以為會揾好耐, 點知一去到Longham Place food court就見到個大招牌了, 由落order到有得食都只係兩分鐘, 最過瘾之處係有得自己撈匀啲料, 點了個黑椒雞扒飯, 黑椒味好濃, 好入味, 不過又怕啲雞唔熟所以煎耐咗變得好乾, 黃小姐的咖喱牛肉飯也不錯, 都係好有咖喱味, 有得食又有得玩, 可以再試, 下次應該會點扒類, 仲要記得加啲醬
  
  
  
• 拍板買了Sony NW-A806粉紅色4G MP3, 貪佢細部夠方便, 又可以睇片, 啲聲又不會太差, 揾到間舖賣$1,650(original price $1,828)仲有得俾credit card, 跟機的耳塞散買都值三舊, 以呢個brand計都算幾抵
  
• 買完之後又走咗去買部financial calculator for exam用, 諗住去百記扣cash dollar, 點知發現街舖平成三十幾銀, 結果都係俾cash幫襯下啲小舖, 留返啲cash dollar來煲醋
• 頂返AFP的賓佬又要cancel lecture, 咁遲至通知, 次次都係咁, 激死
• 英文test完成, 最輕鬆都係今次, 温都唔使温, 合格就算, 無謂白費心機, 不過仲要交功課呀!!