星期美點 WEEK 21(21/5 ~ 27/5)

• 諗住專心提早清哂啲功課, 點知又俾人捉咗出街, 太可惡了
  
• 又有人challenge黃Sir, 上咗咁多堂都唔知規矩, 死而無憾啦
• 好耐無試過親自一手一腳寫成五版幾功課, 嘥咗好多時間, OB呢科真真惡搞
• 估唔到我會有資格去教人, 仲要係得半桶水的M.A., 我有十足把握誤人子弟!
  
• 成個禮拜都陰陰沉沉, 無得去游水, 個人零舍灰, 灰到爆嗰隻swallow就係我
• 終於睇完《極道老師2》, 結果有點無聊, 但都算係近期難得的一套好劇, 三十幾巴仙收視係你應得嘅
• 還在猶豫下一套要追的日劇是《H2》還是《在世界中心呼喚愛》, 有時間的話一定兩套睇哂
• 睇完桂神仙的情感與理智歐聯預測, 我除咗有一百成信心外, 仲笑到反艇
• 開始習慣食晏捱麵包溫書的日子, 但係起碼要捱到去八月尾, 點頂?
• 又睇中addidas一件超薄風褸, 仲要係紅到爆燈嗰隻, 我carry到嗎? 定係正正經經買番條褲先好呢?
  

星期美點 WEEK 20(14/5 ~ 20/5)

• 不知不覺, 上咗兩堂啫, 下個星期又要交兩個Assignment啦, 使唔使咁趕呀?
• 都話明Don't eat in the class啦, 都仲係有人challenge黃Sir, 真係抵鬧
• 好彩無去IT買嗰個袋, 同樣價錢走咗去買咗個musou同addidas袋, 都仲有找添呀, 名牌都係唔多啱我
• 購物清單少了一個item, 暫時剩番褲、鞋同錶, 要繼續努力
• 終於去咗apm參觀, 閒名不如見面喎, 人多但商舖不太多, 完全無興趣再去同人逼
• 有無人可以話我知PS3同一般祖國名產DVD機有乜分別? 個手制仲過癮, 成個回力鏢咁, 係咪方便喺loading時間內自娛
• 屋企隔離個泳池有紅蟲, 唔識死字點寫, 走咗去游咗個半鐘, 竟然俾我游到十個堂, 係咪要多謝啲紅蟲呢驅散人羣呢?
• 好Q乞人憎嗰隻不敗馬終於輸咗, 心都涼哂, 我真係好想同馬主講聲風向同跑馬無乜關係, 輸咗賴地硬唔該揾個好些少的藉口
  
• freefantasyfootball本週排名 : 3385(又升了, keep到呢個排名收league都唔錯了)

星期美點 WEEK 19(7/5 ~ 13/5)

• 禮拜六就衝咗去睇好想睇嘅《天國驕雄》, 戰爭場面真實到得人驚, 不過故事有點牽強。明明主角只是個爛鐵佬, 偏偏這麼英明神武, 以一敵百。又明明可以擁有江人, 有美人, 化干戈為玉帛, 又偏偏全部都唔要, 俾哂啲壞蛋, 叫「豬兜蠢蟲」好過啦!
• 好鬼鐘意個爛面皇帝, 因為我都好想爛下面
  
• Financial Management原來都幾惡啃下, 上咗一堂都唔知想做乜, 三成幾pass rate果然唔係嚇人
• 在OB課上重遇教我Business Law的黃Sir, 我好鬼鐘意佢果句“Don't eat in the class”, 真係好鬼powerful
• 一個值得紀念的九號晚上, 原本是天衣無鏠的計劃, 給一場無情大雨打亂了我苦等一個月的整個部署, 臨走時仲要俾個“阿嬋”破壞我個happy ending, 我想死...#$^*&@
• 朱古力雪糕加料送埋榴槤味, 抵食呀, 一份價錢兩種味道, 去邊度搵呀?
  
• 好想買返本“One Minute Manager”, 但係唔知買中文版定英文版好?
• 好日唔online, on親line次次都斷線, 呢啲就係所謂嘅“真正寬頻”, 收檔啦, 睇下人地BB100反省下啦
• 突然發現原來用Internet Explorer係上唔到呢到, 反而用firefox又超順喎, 有無電腦高手打救下我?
• freefantasyfootball本週排名 : 3532(狂升呀, 馬田斯同百無禁忌都梅開二度, 勁!!)

對於感情，有四個比較好的處理方式

對於感情，有四個比較好的處理方式，就是：無因、無求、無怨與無悔。

★無因：
當你愛一個人的時後，應該說不出為何愛她，也說不出愛她的什麼地方。

真正愛上一個人後，當你面對美景、美食、美好事物，就會希望她在你身邊；當你很憂傷、很慘痛、糟遇挫折的時後，也會希望她在妳身旁，這就是愛情。真正的愛是講不出理由的，實在看不出她有什麼優點、什麼長處，就是喜歡她。

★無求：
愛一個人並不是要從對方身上得到什麼利益，你愛一個人，願意對她好，因為你覺得很快樂。

為什麼我們要對感情無求？因我們不一定能給對方什麼，唯一能給的只有感情。

為什麼感情到最後變成是一種負擔，讓我們覺得失去了自由？主要是因為我們以為好的感情是完全擁有對方；妳們有共同的部份，喜歡一起做一些事情，但是也有各自獨立自主的部份，有自己的生活。

感情是一種付出，而不是一種得到，也不應計較對方能給你多少，因為你本來就是一無所有。

如果你的感情遭到阻礙，而你要堅持下去的話，你就必須甘心的堅持下去。

★無怨：
當二個人在一起確實很快樂、很美好的時候，所有反對的聲音都應該停住。

感情是二個人的事，它只要沒有違反法律、沒有違反道德、沒有妨礙別人，其實任何人都沒有批評的權利。感情既然可貴，就應要更小心翼翼地呵護才對，而不是有事沒事拿來考驗一下。

★無悔：
你如感覺好就好。不要去考驗愛情，但也不要害怕考驗，更無需害怕考驗會失敗。

如果愛情必需受到一些波折、一些打擊、傷害的時候，我們也能挺身去接受。

這個時代的我們，對於愛情必需要有一些共識：一方面我們不要高估愛情，因為愛情並不能讓我們克服一切、得到一切，也並不是全然美好。

另一方面，也不要輕忽愛情，因為『愛』是每一個人都有的天賦，千萬不要捨不得付出。

當你遇到某一個適合你，真心對你又和你相愛的人時就『選你所愛，愛你所選』吧！

努力地把你的愛情維持好。在這個愛情裏樂大於苦，它使你上進的力量大於墮落的力量，它使你得到的滿足大過於你想要的。

能符合這四個標準，這樣的愛情就可以持續下去。

★愛情是世界上唯一的、真正珍貴的東西，也是唯一值得追求的東西。

人生如果沒有了名利、富貴、權勢，仍然可能幸福；假如人生沒有了愛情，幸福的機會就微乎其微了！

在這個一切都變動激烈的時代裏面，每一個人都應該緊緊地抓住愛情，勇敢的迎接自己所得的愛情盡量去享受愛情的美好，避免它會帶給我們的痛苦和傷害。

星期美點 WEEK 18(30/4 ~ 6/5)

• 話都無咁快又開學啦, 係時候收拾心情上學去
• 禮拜一去佐敦攞書返學, 竟然低能到去錯書店, 真係硬膠無比
  
• 成個禮拜都係keep住瞓六個鐘, 個人開始散散地
• 終於睇中一對波鞋, 又係我的至愛puma, 紅色定綠色好呢? 不過個價錢好似唔多啱feel
• 禮拜四晚去了聽F.I.R.音樂會, 坐正大喇叭下面, 嘈到拆天, 震到甩肺, 真係想小喇叭, 好彩後尾都無咁大聲, 唔係一定爆血管
  
• 阿Faye夠氣唱足全場, 阿Real又作曲又唱廣東歌, 十分有睇頭。但係點解又有XX基份? 得閒唔該番去多謝Parco先啦
• 我竟然聽到有人話燕姿唱得好?! 唔係呀, 燕姿好明顯無乜點準備過啦, 連入兩首歌都入快咗啦, 我對燕姿的要求遠高於此
• freefantasyfootball本週排名 : 3967(又上番四千名內, 由於阿祖傷咗, 換咗用馬田斯)

星期美點 WEEK 17(23/4 ~ 29/4)

• 順利地過了probation, 老細不斷地說自己無睇錯人, 加人工加到破哂紀錄, 但自問真係未有甚麼貢獻, 認真哭笑不得
• 禮拜六返完工去了游水, 不過真係太耐無練過水, 池水又鬼死咁凍, 結果游咗五六個堂就攤咗響度, 曬太陽去了
• 終於撲到了五月五日F.I.R.演唱會的門票, 目的只為了睇燕姿, 不過十皮真係抵到爛啦, 非常感謝Anita同阿儀鼎力相助
• 袋、錶、鞋...購物清單長得不得了, 奈何銀包不受呼喚, 等多一個月先算啦
• 又有新同事加入, 已經是今年內第四位加入公司的同事, 公司的發展快到得人驚
• 乜話? BT Download電影罰廿萬? 咪玩啦, 你要消耗我click mouse dl的幾十焦耳能量, HD內耗損的磁粉的吸引力也沒有呀!
• 不聽本地音樂, 不看本地電影, 不睇本地電視劇, 其實我係咪香港人嚟?
  
• freefantasyfootball本週排名 : 3967(又上番四千名內, 由於阿祖傷咗, 換咗用馬田斯)

星期美點 WEEK 16(16/4 ~ 22/4)

• 有無理由過咗差唔多一半考試時間先話要改試卷呀? 晨早就做好條數啦, 你話改就改我咪又要重新做過一次? 呢鋪真係死得不明不白, 慶過辣雞呀!
• 嘥咗成粒鐘去寫埋e-mail去HKU SPACE投訴, 結果都係不知所謂, 叫我親自上去金鐘office check試卷? 唔銀使做呀? 你都傻嘅!
• 無道歉, 無調查, 剩係識得話先生overlook條question, 阿豬阿狗都知啦, 使鬼你講咩! SPACE給我的感覺就像是意見接受, 態度照舊。好學唔學學政府?
• 只考慮了半小時就買了那條DISNEY TIGGER手鍊, 幸好妳喜歡這份禮物, 就算買貴了也不緊要
  
• 禮拜日同一羣同事到大埔燒烤, 又熱又多人, 仲要無嘢玩, 搵笨, 結果隊了一jar啤酒, 有少少貓貓地
• 同一個月有兩個同事生日, 要夾錢買禮物, 窮上加窮
• 用了半年的firefox首次hang機, 會不會是裝得太多plug-in的緣故呢?
• F.I.R.的新碟《無限》果然讓我失望, 情況就如王心凌一樣, 新不如舊
  
• freefantasyfootball本週排名 : 4036(維持着差不多的排名, 要升上四千名以內十分困難)