星期美點 WEEK 34(19/8 ~25/8)

• 山長水遠去咗天后咁遠interview, 等咗兩個字, 正式in咗又係兩個字, 自我介紹了一會, 之後問咗我一條好simple的問題only(你最大優點是甚麼?), 跟住就問我有無其他問題, 乜你好趕咩? 大佬呀, 話唒都過海嚟ino架, 使唔使咁樣呀? 你請我都唔做呀, 嘥哂我啲時間, 咩公司嚟? 一間代理好多名牌房車的車行
  
• 《加勒比海盜：決戰魔盜王》的確係有無可比擬的氣勢, 很多壯麗的背景, 笑位不少, 仲有三大巨星(尊尼特普,奧蘭度布林,姬拉麗莉)撐場, 票房焉有不大收之可能? 一切一切都是無可再挑剔了, 奈何故事好像薄弱了多少, 相對地欠缺了一個鮮明的主題, 故事開頭進展緩慢, 文戲太多, 好在最尾一part搶寶藏搶回不少分數, 故事偏短而無內容, 或許是因為分咗三部戲推出市場之故, 這是美中不足之處
  想不到上咗成個月早場都係咁多人睇, 第五行真係前得滯lu, 字幕好清晰, 不過睇成個screen就幾辛苦下, 殘念
  
• 一口氣睇完十集《白夜行》, 好勁, 好耐無試過一次過睇哂一套日劇, 雖然越睇越睠, 不過一去到次回預告片又忍唔住又click去下一集, 直至到最後的第十一集, 睇完都差不多朝早六點了, 眼瞓到死
  故事發生於1991年冬天，大阪某座建築中公寓發生一件殺人事件，同時受害人亦拍攝女童裸照販賣。受害人的兒子——桐原亮司為拯救小情人西本雪穂而殺死其父親。雪穂更藉此嫁禍其母親，更企圖與其母親自殺，結果雪穂奇蹟獲救。此事殘酷地奪去兩人間的「純愛」，十四年間，兩人無法公開關係，並多次掩飾事情的真相，等待案件有效期過後，然後在太陽底下一起散步，延續兩人間的愛情。
  電視劇主要由《在世界中心呼喚愛》的製作班底原班人馬攝製，當中男女主角由山田孝之及綾瀨遙這對經典組合飾演，主題曲則由前述劇集另一主要演員柴崎幸主唱。而編劇及導演亦與前述劇集為同一人。
  整套劇收視都不高, 平均只有12.28%收視, 不過, 呢套劇就攞咗唔少奬:
  * 第48回 日劇學院賞 (2006-05-02) 最佳作品
  * 第48回 日劇學院賞 (2006-05-02) 最佳男主角: 山田孝之
  * 第48回 日劇學院賞 (2006-05-02) 最佳男配角: 武田鐵矢
  * 第48回 日劇學院賞 (2006-05-02) 最佳女配角: 綾瀨遙
  
  
  
  閱後感: 甚麼是慘, 不幸? 睇完之後你就會有深切體會, 假如亮司唔識美穂, 或許不會有如此的悲劇告終, 當你行錯第一步時, 到你想去掩飾真相, 往往未能盡如人意。亮司對美穗的愛實在多得令人羡慕, 不惜一再加害甚至殺去影響雪穗幸福的人, 最後仲要自殺埋添, 反而美穗雖然可以倖存, 不過佢就失去了所有的東西, 名聲, 財富同一個最愛佢的人, 連亮司唯一留下的小孩都唔係屬於她, 無疑是最不幸的人。很喜歡最後結局時亮司臨死前指住美穗叫佢走的片段, 正好和第一集在火車站前的一切互相呼應, 不過今次身份互換, 結局之悲慘令人無限欷虛, 亦正是本劇成功之處
  睇完之後幾鐘意綾瀨遙, 除了樣靚之外, 我覺得佢做得幾出色, 應該會飲多幾罐Pocari支持下
  2006-11-11, 會唔會有一個光猛的太陽照耀著呢? 實在令人期待
  
• 原來做律師都唔係揾到好多錢, 睇下何俊仁就知啦, 做到咁出名, 仲要乜嘢奇難雜症都接埋, 都係去老麥high tea咋, 你估夠你去文華又或者係四季啲有錢佬地方呀? 唔怪得另一位有錢人賭王何生話唔識佢啦, 各位有志讀LLB者真係要諗清楚, 咁辛苦讀完, 搵得唔多之餘, 仲要冒住生命危險俾人揼, 真係無陰公, 好在有曾生一句話追到天涯海角都要追幫我吔消消氣, 唔係搵鬼人去讀law lu, 在此呼籲各有心人努力加油, 唔好俾人話打官司係有錢人的遊戲, 法律面前, 窮人未必含X, 當然包括一眾BT用家在內
  
• 有傳祖昆加盟蝙蝠軍團, 係真就係西班牙雙翼齊飛, 儘管無咗艾馬, 依然可觀性十足, 新華倫令人萬分期待
• 冥王星被國際天文聯盟重新歸為矮行星，我們熟知的9大行星變8大行星，日常生活也因此受到影響，像是天蠍座出生的人，就失去了守護星，加外天文館和教科書的資料都得重改。而不少人關心的占星，到底會不會影響到命運或專家的說法，星座專家微微安表示，冥王星原本是天蠍座的守護星，被剔除之後必須要跟另外一個星座公用守護星，所以對明年以後出生的天蠍座可能比較有影響，但世界局勢影響並不大。
  總覺得今年流年不利, 現在黑到連守護星都無埋, 點算?
  

星期美點 WEEK 33(12/8 ~ 18/8)

• 有得去in, 可能已經係一種賞賜, email apply得越多, 反而無乜聲氣添, 為何會這樣? 可能熱得滯無乜心去揾啦
• 忽然有機會去咗一間在67/F的公司in, 仲要對住無敵大海景, 成個維港一眼可以望哂咁滯, 確實係大開眼界, 三日之後仲去埋second in添, 不過睇來機會不大, 有少少可惜
• 不知不覺地, 原來delicious已經成為儲起我有興趣的recruitment ad.的地方, 不過又真係幾方便
  
• 1. 睇完《death note》, 好似比想像中好睇, 死神真係做得好逼真下(個人覺得佢有少少過瘦, 太過輕盈), 食蘋果o個幾幕都幾好笑, L整串燒亦十分抵死, 戲中加插詩織為月的女朋友, 乃漫畫中所沒有的, 看來亦比100%照抄漫畫好(雖則唔係咁鐘意月冷血到殺死自己女朋友咁邪惡), 整個故事鋪排亦不俗, 不過班FBI集體被殺一幕真係幾核突同低B(聽到有人笑咗出嚟), 我寧願用一個shot映著張報紙作交代好過, 子彈射出來的一幕真係嚇咗一下, 好愕然, 完全無心理準備瀨戶真係開槍, 差啲被佢嚇死, Overall而言真係唔錯, 有笑位, 有感動位, 仲想點? 可能有啲睇過漫畫的fans對劇情改咗唔係咁滿意, 不過我睇完都唔覺有咩問題, 完全值得俾錢入場睇
  2. 其實睇睇下發覺詩織幾面善下, 但又諗唔到響邊到見過, 到最後播返casting先知原來係追緊o個套日劇《My boss My hero》個miss, 嘩, 又嚇咗我一跳, 可能先入為主同睇慣咗, 我覺得佢miss look正同啱佢多啲
  3. 戲中討論kira的website, 估唔到真係存在
  4. 聞說香港方面因票房大收而決定下集同步上映, 確實係一個天大的喜訊, 唔知另一個死神雷姆又整成點呢? 真係好期待
  
  
• 好彩Hull收咗我讀degree啫, 唔係睇完下面個低B HKICPA ad一定激死, 唔知啲HKICPA member睇完會有乜嘢反應?
  
  
• 啱啱先追返年頭播映的日劇《白夜行》, 睇咗一集, 完全呆咗, 劇情緊湊到你眼都唔會眨, 好後悔只dl了第一集, 如果唔係一定一口氣睇哂全套, 好耐未試過呢種感覺
  
  
  可惜呢本小說無出中文版, 只有原裝日文版
• 真係頂唔順香港啲電影人, 賴BT之餘又唔反省下自己拍出嚟係啲乜, 比垃圾更垃圾, 我的三不政策(唔睇香港電視劇, 唔聽香港樂壇音樂, 唔睇香港電影)之延伸, 香港電影? 唔入場, 唔BT, 唔買碟, 吹咩? 放長雙眼睇下你點死
• 點先為之精彩的反駁文章, 睇下呢到你就知, 唔好介意係old news, 梁文道, 真係要俾一隻大母指你, 服!
  

星期美點 WEEK 32(5/8 ~ 11/8)

• 睇了《超劇場版 Keroro軍曹》, 都算係OK咁啦, 一個鐘係就係短咗少少, 不過節奏尚算明快, 無乜點拖劇情囉, 最搞笑係keroro變大後避開啲車同建築物一part, 難得在今次竟然有多少教育意義, fans當然一定要支持, 無睇過的都可以入場笑返一粒鐘認識下keroro的魔力
  
• 好耐無食過的韓燒, 美味依然


• 睇了以下的短片, 便開始追返《My boss My hero》, 故事背景同《我miss係大佬》極之接近, 不過今次係黑社會扮學生, 典型的日式搞笑節目, 一向都係賣飛佛, 何況女主角係靚女新垣結衣(原來《超劇場版 Keroro軍曹》入面Mirara係佢配音的)呢!
  
  
• 經過一個月的小休後, 重新回到搵工的路上, e-mail是每天都有send, 有回覆的只有一兩個, 是自己的不濟, 還是這些公司的效率問題呢?
• 信報真係易主予小小超, 很奇怪, 曹生點解會揀佢呢? 沒有更好的選擇了嗎? 一間幾十年歷史報社的價值, 只係二億八千萬, 買一層好少少的office都唔夠, 小小超會唔會志在個兩億幾呀, 出街跌都跌咗啦, 但又見唔到佢有乜誠意辦報, 用意不明
  
• 會考放榜, 總是有人歡喜有人愁, 年年有十優生, 全蛋生, 十年如一日, 完全無乜分別, 求學不是求分數? 唔夠分鬼收你咩? 一係你就學陳易希咁砌下機械人囉(港台可以諗諗除了校際時事問答常識外搞返個砌機械人比賽, 可以俾UST揀下卒添), 呢啲咁低B的slogan真係服到五體投地, 香港教改萬歲
• 其中一名十優生因母校阻撓唔想佢報十科而毅然轉校, 好一個高分低能的例子, 十A又點, 咁鬼反骨, 讀完出來都唔慌會有乜過人的成就, 呢啲人比十科U更令人厭惡
  
• 家下會考生何其幸福, 想當年邊有下面咁多節目呀?
  
  
• 888熄燈大行動, 我諗係得我呢啲傻仔參加, 屋企週圍燈光處處, 完全睇唔到有其他人響應
  

星期美點 WEEK 31(29/7 ~ 4/8)

• 最近沉迷咗落NDS上(應該話比以前更沉迷至啱), 舊game未清之餘, 新game又係咁出, 完全無時間抖氣, 相反PSP就暫時只有FM仍然進行中, 其他時間都係玩模擬器的吞食天地2, 真係幾嘥料
• 睇了一個舊中學同學的blog, 看來他的發展不俗, Star前Star後, 又點破業績紀錄云云, 可惜, 又是一個支持政府和諧的好漢, 道不同不相為謀, 唯有繼續祝福佢當甚麼Super Star吧!
• 一如書展一樣, 都係無去到動漫展, 其實好多漫畫都無繼續買下去了, 例如One Piece同網球王子等, 買返來睇一次又擺o係度屋企又無乜位擺, 所以買埋《死亡筆記》之後都應該唔會點買漫畫了
• 忽然發覺NDS有隻舊game幾好玩, 就係《戰鬥吧! 應援團》啦, 之前可能自己對音樂遊戲不太感冒而怱略呢隻game, 直到今天試玩過之後才發現真係幾好玩喎! 遊戲以誇張而逗趣的漫畫風格來構成畫面, 玩家將扮演熱血的應援團成員, 為了幫助各行各業需要加油鼓舞的人們, 而發揮應援團看家的本領, 提振加油對象的精神 與體能, 對抗接踵而來的逆境, 其中包括已經重考 3 年的浪人考生、被老鳥欺負的菜鳥上班女郎, 甚至是參與比賽的賽馬等, 總共有十五首歌(其中有ORANGE RANGE的「上海ハニー」, 呢首歌響Orange Days中妻夫木聰等人揸車去camp時唱過, 幾好聽, 估唔到到今日先知道個主唱同歌名), 首首都好熱血, 故事又抵死, 玩過包你上癮, 不可不買之佳作(同時應該幾耐玩, 因為都幾難玩)
  
  【収錄曲】
  ・One Night Carnival
  ・Over The Distance
  ・READY STEADY GO
  ・熱き鼓動の果て
  ・ガッツだぜ!!
  ・戀のダンスサイト
  ・ココロオドル
  ・上海ハニー
  ・スリル
  ・大切なもの
  ・太陽が燃えている
  ・狙いうち
  ・リンダ リンダ
  ・ループ&ループ
  ・ほか1曲
  
  
  高手, 佩服, 6160210, 真係變態
• 美版
  
  風格好唔同, 值得期待
• M記黑心樂園餐送Cars玩具, 快啲衝去換返隻McQueen先
• 一個三號風球就搞到咁大件事, 天文台長呢個位都唔係易坐
• Sega公佈推出三國誌大戰DS, 會有很多街機fans支持吧, 點樣將一隻card game移植到NDS呢? 那就要等到今年秋天才有答案了
• 睇完《子狐物語》, 覺得啲小動物都幾犀利, 可以做到咁聽話, 實在非常難得, 隻狗真係好得, 好多小動作都難唔到佢, 仲搶鏡過隻狐狸, 好似做埋主角咁, 相比之下, 個細路仔唔係咁討人歡喜, 少了一份童真的感覺, 結局都有少少感動嘅, 總括而言都算唔錯啦, $22(星期三百記電影中心指定電影買一送一仲有八折)真係超值, 仲抵過睇早場呀
  

星期美點 WEEK 30(22/7 ~ 28/7)

• 重新考慮去讀返個degree, 之前諗at least都要使兩至三年時間而放棄, 啱啱發現有間overseas U同HKU SPACE合辦出咗個一年讀六科就完成的degree, 的確是十分吸引, 已經報咗名, 不過名額只係得八十位, 唔知收唔收我呢?
• 事成的話, 真係要諗諗揾份唔使點OT的工作了, 唔係一個唔覺意肥咗一科要俾成萬蚊重讀就無陰公lu, 我諗無乜人afford得起
• 報咗呢個degree亦意味着向HKICPA劃上句號了, 上workshop要與手搶答問題的小學生式教學無疑令人厭惡, 但最頂唔順佢係人吔返緊工的時間打電話問你點解唔答或答錯問題, 問長問短, 俾你call兩call, 真係命都短幾年呀, 完全不明白邊個高人諗出來來的屎橋, 咁我不如去考ACCA好過
• [一切順利的話]下年呢個時候應該要挑戰ACCA了[/一切順利的話]
• 書展一如所料破紀錄地有68萬人次入場, 好彩無俾錢去一個「舊書散貨場」同人逼, 唔明? 睇下下面啦(很接近我的心聲, 超中point):
  
  《轉貼》副刊
  P44 都市日報 梁文道、邵家臻
  2006-07-27
  
  兵器譜
  書展不是甚麼
  
  書展這個悶局，終於有點起色？不過，這個起色並不是來自「入場人次68萬創新高」，亦不是甚麼「參展商營業額普遍增長逾10%」；事實上，所謂的「有兒童英語學習讀物參展商的營業額更增長35%」這種現象，在偽中產化的香港社會中，完全是可以預計的事……
  
  只是，書展完結時，又要來歸納。貿易發展局助理總裁周啟良表示，與其他展覽會吸引五至六萬人次比較，書展無疑是最受市民歡迎的活動之一，近年更成為城中盛事。城中盛事？盛在哪裡？盛了誰的腦袋？盛了誰的錢袋？
  
  回答不了這些提問，這也就是書展成為悶局的原委：我們的書展的圖像是怎樣？與第一屆的書展比較，今年的第十七屆書展，其形態可有愈見模糊？不可以說主辦者沒有努力過，但這些努力可有匯聚成河？或只是一堆接一堆在電腦屏幕上滾逐的活動程序表？
  
  當書展的成功指標不知應放在甚麼的軌道上……當書展日漸變得理所當然的散貨場的那一天，可會有暫時停止營業的勇氣？當主辦者的思慕只停留在營業率和入場人 數等數據之間……當發展書展正在變質，暗地裡受制於單一的商業運作邏輯的時候……當某些出版書籍少人惠顧，卻未有究其原因就立刻懷疑自己是否曲高和寡的時 候……當所有攤位都很專業地叫賣，以及在額頭上貼上「割喉價」、「有買趁手」、「不在乎表面裝修，只在乎價錢全港最平」、「一百蚊三本，任揀」的告示的時 候……當書展只不過是另一場討好別人的show和墟的時候……當我們的檢討結果只是為了保得住下年繼續搞下去的時候……當我們的書評愈縮愈短，短得像 catalog一樣的時候……當我們從不雀躍多談「讀書」是怎樣的一回事，而只營役於「兒童讀物成最暢銷書種」，以及「用成千蚊買精品」的銷售策略的時 候……
  
  我想這些都在說明著一個訊息：書展不是甚麼？或者保守一點，問：書展不只是甚麼？
  
  跟我們一起思考「書展不是甚麼」的，是香港出版總會文化發展委員會召集人張倩儀。她對通宵書市有保留：「成功的書展是將人流控制得宜，讓入場市民均能走到 攤位前看書、挑書，而非像行年宵般人逼人。」說到底，買書與買橘是應該有具體入微的分別的。書展如果真是書「展」的話，它所展示的，應該不只是消費、消 費、再消費的單調而重複的拜物活動而已。
• 
  
  你無睇錯, 我無貼錯, 真係SERECT, SONY...
• 《Touch! Bomberman Land》卡關中, 玩咗幾日都未打得爆, 好難玩, 尤其是要解謎(苦手), 看來要暫時放低一下
  
• 今個星期輪到佢了, マリオバスケ 3on3, 水喉佬點樣打籃球呢? 拭目以待
  
• 本週日本銷量:
  DSL 262,453
  PSP 35,938
  一張很亮眼的成績表, 很奇怪為甚麼有如此大的差距, 諗諗下, 原來粉紅色今個星期出咗, 想不到NDSL對女孩子的魔力也不少呢? 接下來九月出黑色又會有幾大的銷情呢?
  
• 找到上星期的日本最新數字:
  
  
  最新消息係NDS《動物之森》已經過三百萬銷量了, 即是差不多每三個有DS的機主就有一隻《動物之森》, 任天堂真的很強, 好嘢!
  
• 書展之後緊接又有漫畫展了, 連帶死亡筆記最後一期都會出埋, 期待度會比書展稍為高一點點吧
• Carrick值￡18.6m? 費Sir真係老糊塗囉, 一個係國家隊無正選的球員都值咁嘅價錢, 我係熱刺主席的話肯定掩住半邊嘴笑住同你簽轉會contract囉
• 國米正式正名奪得上年意甲冠軍, 也是球會上的第十四個意甲錦標, 也許有人會批評為含金量不足, 但是我認為這是對乾淨足球的一種賞錫, 我們絕對當之無愧
  

星期美點 WEEK 29(15/7 ~ 21/7)

• 小病初癒, 都只不過捱咗兩三日就好番唒, 比想像中快好多, 呢一年幾以來甚少運動反而無乜點病過, 真係幾奇怪下
• 好像今個星期才開始自己的假期, 在家裏上網, 打機, 瞓覺, 睇書, 全部都係一啲平時返開工無時間去做的一些事, 十分享受這段無拘無束的懶人生活
• 宜家先發現原來自己買咗好多game同書都無乜點掂過, 仲有套日劇《一公升的眼淚》都未睇哂, 希望呢個假期可以清理下呢堆被遺棄的寶物啦
  
• 平時又唔見掛黑雨喎, 點知我一唔使返工天文台就即刻整個黑雨贈慶, 不過好彩只係在深夜掛, 朝早已經除下了, 其實天文台用意可能同李生一樣, 叫大家勤力啲做事, 橫風橫雨都要照返工, 正!
• 睇咗《Cars》, 假如問我邊間公司整的卡通片令我有俾錢睇的意欲, 我可以答你一定係PIXAR, 製作人之認真絕非一般公司所能比擬, 呢間令Steve Jobs翻生的公司果然不同凡響, 多次的動畫製作都是是不可多得的佳品, 今次亦不例外, Lighting McQueen真的十分搶眼, 應該說是搶聽, Owen Wilson的配音真是一流, 表現十分稱職, 另Luigi同Guido兩個Ferrari fans講的意大利文(定係西班牙文?)都十分抵死, 假如睇港版配音的話就係你損失了, 片頭的一蚊雞劇場同片尾的過往PIXAR動畫人物客串登場亦十分有睇頭, 真係好少可以片尾播Credits時仍有大部分觀衆留低睇埋, 呢兩小時可謂十分抵睇, 真係要講多次:PIXAR, 你好嘢!
  
• 完成了NDS《Mario Kart》的50cc, 100cc, 150cc同mirror mode所有賽道, 去到後面啲賽道都幾難玩下, 除咗紅龜殼外, 後面啲車又成日出到藍龜殼, 一次玩下手中三四次龜殼, 對手又追得貼, 想攞第一少啲運氣都幾難
• 這個星期會出NDS《Touch! Bomberman Land》, 用支筆玩炸彈人會有乜特別唔同呢? 真係要玩過至知囉, 睇下個廣告先啦
  
  
• 好快書展又開幕了, 相信去的機會不大, 年年睇新聞見到都迫鑊甘, 仲叫我俾錢入去同人迫? 我就無咁多閒情逸致去貼錢買難受了, 經濟好返咁多, 捨得俾錢入場的人肯定多過上年, 入去同啲一年至買一次書的人爭, 使唔使呀?
  
• 其實我好佩服唐唐, 見到有盈餘之際仲整個GST出來俾大家歎, 仲叫大家唔好reject佢住, 要理性討論, 升斗市民人工加得少, 通脹週期又來了, 要接受5%的額外支出又談何容易, 人人剛剛先收完綠色炸彈, 大家諗住有退稅啦掛, 點知整件咁大嘅禮物, 想唔同你嘈都幾難, 未見其利, 先見其弊, 呢三百億的估計收入, 又有沒有計少了市民減少消費的意慾呢? 我覺得收入有成三百億未免太樂觀了 , 又即管睇下一衆支持街坊鄉里的DAB黨員會否敢同唐唐say no?
• 今期至愛係肉骨茶, 貪佢夠正直, 話之你係天皇老子, 過咗營業時間就明天請早啦, 腰骨伸到直一直, 勁!!