星期美點 WEEK 45(4/11 ~ 10/11)

• 太耐無抖下了, 完成了兩個assignment之後都稍為清閒一點, 不過都唔會抖得耐, 月尾就考試了, 除了做功課之外都無揭過本書, 仲懶過讀dip的時候, 呢鋪唔死就有鬼
  
• 揾咗Panasonic VS7好耐, 不過都係無乜地方有行貨, 就算有都係得啲舖頭仔, 最平都要成二千銀, 低B, 揾鬼買咩? 睇嚟買水機好了, 反正我讀P記QC好有信心
• 中咗Pocari毒, 一口氣買咗四大盒白粉自己冲來飲, 不過還差一個1L的樽, 要搵下先有得飲
• 第一次玩正版一星期內load唔到碟, 返黃金“猩猩”去換, 點知又耍我去代理度玩, 正黑店, 咪使旨意再幫襯你一分一毫, 同一隻碟啫, 一時又話花到唔肯換, 一時又話去代理換, 前後互相矛盾, 你唔好去死好過, 呢三隻黑面大猩猩唔唱衰你點對得住自己
• 睇了《死亡筆記: 最後的名字》, 很少改編電影的質素能比得上原著, 聞說很多人都認為電影版比漫畫更出色, 雖然我都仲未睇完漫畫, 不過睇完電影後都不能有更完美的佈局了。兩大男主角都演出神似, 海砂則勝在可愛, 相比之下, 我更喜愛做新聞報導員的片瀨那奈, 可能係因為佢穿得少吧, 呵呵!! 流克同雷姆都極為神似, 同真的一樣, 在如此出色的背景下, 這套戲焉有不大收之理, 即管等等睇下埋單票房收幾多吧!
  
• 過埋今日就再唔係二五仔了!