星期美點 WEEK 48(25/11 ~ 1/12)

• 第一日返工就遲咗五分鐘, 原來南昌站繁忙時間係多人到等兩班車都上唔到, 未來的日子我也許要更努力做一條沙甸魚了
• 食飯時間我主動地問咗阿頭係咪一齊食, 點知佢竟然一本正經認真地答呢度啲人唔會一齊食, 會分開食, 我即時O哂嘴, 無哂反應, 三秒之後先開始有down down地的感覺
• 平日收七點鐘, 以呢行來說算是收得早了, 唔知peak season又會係收幾點呢?
• 諗諗下, 份新工人工少咗, 又要俾錢搭車, 返工時間又長咗, 都算係幾攞嚟賤, 有時都覺得自己太過心急去轉工, 唔知會否禍不單行
• 第一個星期六就要返工了, 感覺像返得果幾個鐘都唔知為乜, 做得呢樣又做唔切第二樣, 嘥時間又嘥車錢
• 去咗元朗西鐵站燒烤場BBQ, 食物尚算不過不失, 不過計埋車錢就唔算係平了, 可能去MK揾間任食打邊爐或韓燒會更好
• 地鐵九鐵合併, 有幸都在最後一天搭到一次西鐡, 發現原來都幾貴, 唔怪得咁少人搭啦!
  
  

星期美點 WEEK 47(18/11 ~ 24/11)

• Master Cup費達拿對費拿, 果然強弱分明, 3:0收場, 費天王不在最佳狀態下仍然輕鬆取勝, 實在太強橫了, 下年應該會至少平了森柏斯的大滿貫紀錄了
• 我最喜歡的一個fans banner: SH!! QUIET++ GENIUS AT WORK......
• 無去區議會選舉投票, 算是對某高官說宣傳已足夠的無聲抗議, 今年投票率之低落亦算是一個反映
• 星期四HSI落到兩萬六點, 要坐艇的日子可能會繼續下去了, 奈何無乜銀兩再去溝貨, 得個望字, 渡日如年
• 完成在舊公司的最後一天工作天了, 心情比想像中更平靜, 做到七點幾至走, 不過仍然未清理好手頭上的工作, 留下一大堆爛攤子, 好在走得及時, 否則...
• 估唔到英格蘭再輸多次俾克羅地亞, 卡臣可能發夢都未諗過自己會正選上陣, 一上場就騰哂雞咁先送一球, 重要關頭下只要打和都出線, 仍派一個新丁上場把關, 麥卡倫應該死得眼閉吧!
  
• 臨急臨忙去咗Playlord執咗套suit, 連改工埋單一千九百幾, 計落成一個星期的糧了, 真係好肉赤, 完全地over budget了
• 雖然去G2000睇唔中啲suit, 不過都執返件平平地的恤衫, 盛惠$59大元, 平到你唔信呀!
  

星期美點 WEEK 46(11/11 ~ 17/11)

• 第一次參與stock take, 一去就去了四天, 早成半個鐘出門口, 搭86C去到沙田倉原來都要八九個字, 放工先凄涼, 好似同全世界爭車坐一樣, 打哂蛇餅咁, 上到車都唔好望有個位坐下, 有日忍唔住倉行出去第一城等86, 結果都係差唔多, 嘥氣!
• 好耐無試過體力勞動咁辛苦, 但係是一個幾好的體驗, 點完返公司做返自己嘢就立即有「太好了」的感覺, 不過要趕返失去四日時間執埋啲手尾就......
  
• 費天王第一場大師賽就輸咗俾干沙里斯, 狀態認真一般, 要出線就不能再輸了, 頂住呀, 費Sir!
• 大師不愧為大師, 上返少少就連贏迪維丹高, 羅迪克同拿度, 費天王要驘第四個大師賽機會大增
• 為咗返新工又要買多套suit, 想平平地買會有乜選擇呢?
• 好耐無試過食韓燒, 平平地百幾蚊兩位同Miss Wong食咗餐晏仔, 飽到想嘔, 都有一大段日子未食過咁多嘢, 好滿足
• 睇咗《命運迷牆》, 有湯佬梅姨等巨星睇, 將三個不同的故事, 大學教授同學生, 兩個自願走上前線當軍的大學生, 同記者及國會參議員之間的較勁, 都幾有心思, 不過片長只有個半鐘, 以西片來說都算短了
• 估唔到Wii版Bio Hazard Umbrella Chronicle要成四百七十, 完全out of my budget, 即管等等會否跌價
• 跌完市後又升返千三點, 呢個市真係難捉, 新手來說交返少少學費在所難免
• 又老一年, 好在星期日唔使返工, 生日有得hea下都算難能可貴了
  

星期美點 WEEK 45(4/11 ~ 10/11)

• 睇咗電影版《Hero》, 都算幾特別! 有齊電視版SP所有人去拍, 誠意可加, 不過劇情無乜驚喜, 結局又覺有些馬虎了事, 不過不失啦!!
  
• 一入完市, 星期一就跌了千五點, 真係一盞股海大大明燈, 呢隻大潛艇有排坐, 1398差唔多仲去到最高位入市添, 呢次真係誤信奸人了!
  
• 估唔到BABA升成兩倍咁堅, 用望遠鏡睇對手呢招真係work, 一手執萬三銀呀, 家下要揾位入都幾難, 科網股返嚟啦!!
• 又要應付auditor了, 相信會是最後一劑了, 加油!
  
• 終於confirm有offer了, 要在auditing方面重新開始了, 辭職真是一個極痛苦的事, 好難再揾到份咁hea的工了, 有點依依不捨之感
  
• 08/11/2007再追買入883:
  08/11/2007 買入 中國海洋石油　　 00883 1,000 $14.200 $14,316.28
  即日已經跌到$13.94, 不過長線唔怕再追