星期美點 WEEK 17(22/4 ~ 28/4)

• 去了OT的Triple-O's食漢堡, 沒有想像中好味, 自己點了Veggie Burger餐, 黃小姐點了個Chicken Strips餐, 合共盛惠$112, 實在有點貴了
  
  
• 我自己個Veggie Burger就太多汁了, 同埋個包烘到燶燶地同唔知點解有塊酸瓜係上面, 個包大到食到啲汁咇哂出嚟, 薯條太乾, 淪落至要點茄汁食, 不過真係唔覺得值咁嘅價錢囉, 黃小姐就覺得包乾之餘又燶燶地, 雞胸又乾, 唔夠汁, 大家意見一致
  
• 上網睇完各方意見發現原來汽水轉milk shake要加$20, 好後悔無幫Miss Wong加$20轉士多啤梨味milk shake, 下次請佢飲返補返數
• 還是覺得MOS burger最好, 價錢公道, 份量剛剛好, 味道又好, 炸雞超正, 又有專人送上, 又就腳, Subway也不錯, BBQ醬令人回味無窮, 係衰在無咁就腳同跟餐只有曲奇或薯片揀, 感覺上最差就係Triple-O's了
  
  
• 最近有兩位同事都買了NDSL, 任天堂果然魅力沒法擋, 難怪不少女星爭住做代言人(定係R4?)
• 最近好似無乜戲想睇, 悶絕, 唔怪得戇豆放大假票房都收成二千萬
• Auditor走了, 走了依然忙個不停, 除了月尾要趕埋數外, 仲要對每個客sales是否meet target, 百幾個客咁多, 仲要逐份contract對, 對到人都癲
• 收到二月時抽中的三倍cash dollar了, 等成兩個月仲以來無咗添, 多$92使真係幾好, 不過無乜購買慾
• Siena 1-2 Inter (HT: 1-1)
  
  Scorers: Materazzi 18, (pen) 61, Negro 21.
  
  Siena: 1 Manninger; 2 Negro, 83 Rinaudo, 46 Gastaldello, 21 Rossi; 22 Alberto (7 Frick 66), 14 Galloppa (77 Antonini 76), 8 Vergassola, 23 Eremenko; 9 Corvia, 10 Chiesa (35 Cozza 80).
  Subs not used: 18 Benussi, 5 Brevi, 6 Codrea, 38 Bartolucci.
  Coach: Mario Beretta.
  
  Inter: 12 Julio Cesar; 13 Maicon, 2 Cordoba, 23 Materazzi, 16 Burdisso (6 Maxwell 51); 4 Zanetti, 19 Cambiasso, 21 Solari (20 Recoba 62), 5 Stankovic; 8 Ibrahimovic (15 Dacourt 70), 9 Cruz.
  Subs not used: 1 Toldo, 11 Grosso, 77 Andreolli, 91 Mariano Gonzalez.
  Coach: Roberto Mancini.
  
  Referee: Nicola Ayroldi (Molfetta).
  
  Booked: Burdisso 48, Manninger 58, Materazzi 62, Vergassola 86.
  國米終於奪得意甲冠軍, 提早五輪奪冠, 儘管含金量不高, 堂堂正正得來的第十五個意甲冠軍依然值得高興, 可以諗諗買返件波衫賀一賀佢, 不過要揾到想熨的Maxwell或Andreolli應該會好難
  
  布蘭卡都o係度喎

星期美點 WEEK 16(15/4 ~ 21/4)

• 重新遇見做呢行最神憎鬼厭的生物 - auditor, 我俾佢吔煩咗一個上畫已屬萬幸, 其他同事俾舞足兩個星期就真係多得佢吔唔少, 成日問攞呢様, 攞嗰様, 俾original佢又驚佢拎走唔還, 影個copy俾佢又嘥紙同時間, 真係好鬼煩!
• 臨走仲送份大禮俾我, 俾返哂啲original document我file, 真係阿利吉蒂, 好彩呢輪唔使返學, 唔係的話我一定會死
• 最近迷上食腸粉, 甜醬加辣醬正到無得頂, 一星期食三四次都唔厭, 對auditor的怨氣亦一掃而空
• 《明日的記憶》令我印象深刻, 不是那些看起來頗為鬆散的劇情, 也不是那些得了怪病而同病魔對抗似曾相識的過程, 而是渡邊謙近乎完美的演技, 最難忘的是佢辭職離開時連反骨仔都向他鞠了一躬(可能是日本人的禮儀也不定), 同埋最後遇見的老伯說的一句:「活在世上便可以了」, 知足常樂, 多一些欣賞生命, 又有多少人做得到? 無論如何, 這個藍絲帶獎的確實至名歸
  
  
• 慶幸自己沒有錯過這齣好戲, 眼涙是流不了, 但心裏的感動卻非筆墨所能形容, 值得推介給你與另一半一同欣賞
• 睇完此戲後獲得了一份肯定, 一直緊持寫blog果然不錯, 以後就算有乜三長兩短, 都仲有呢到的一切, 一切的回憶都不會消失
  
• 《燃えろ！熱血リズム魂 押忍！闘え！応援団 2》會在17/5推出, 正!!
  
• 國米由半場輸0-2至追成2-2完場, 繼續保持不敗, 係有啲運仔喎
• 阿媽發神經扔掉所有TOD2攻略, 買唔返的, 我足足down了一個星期
  

星期美點 WEEK 15(8/4 ~ 14/4)

• 覺得連續五天的復活節假期好像完全無放過一樣, 兩天糊混了, 玩了一天, 兩天做功課, 毫不客氣地吝嗇, 浪費了一個悠長假期
  
• 從來無想像過一個research presentation可以咁難做, 揾料quote source一日都做唔完, interpretation起貨又搞幾日, 前後加埋差不過用了一星期去做, 可能係我太低智吧!
• 雖然可以用中文present, 不過還是堅持了講雞腸, 一來用廣東話present真係好核突, 話哂都叫做讀緊間英國大學, 二來好多terms用中文講總是怪怪的, 用英文又變成不中不西, 不倫不類, 三來是個人的一份固執與堅持
• 結果當然係有少少失望, 好多points都唔係好夠時間講, 流暢度經之前另一科Financial Reporting鍛鍊後有所改善, 不過與想像中還有一段距離, 整體來說不過不失吧!
• 還差一篇五千字論文便完成這一科Independent Study了, 不過完全唔知自己學到些甚麼, 十份呃錢
• 又要交學費了, 這三個月又要白做了, 淒涼
• 去了極之出名的Subway(全球最大的franchise- 超過27,000分店)食, 低B地講廣東話落order, 瘀到爆, 原來係個賓賓來的, 完全來不及反應轉nicam, 之後只有手指指點了個 Italian BMT®(6"Genoa salami, pepperoni, ham, cheese and standard vegetables), 加了BBQ醬, 食落又幾滋味, 尤其個BBQ醬係前所未有的惹味, 食完都仲想試多個, 不過又驚食唔哂而走咗, 要雙份可以平十蚊, 下次可以再試
  
• 有唔少人因為玩翻版Super Paper Mario而死機, 食得鹹魚抵得渴, 呢啲嘢完全夠咎自取啦, 還有面子post去怨人, 無賴見唔少, 咁抵死嘅真係第一次見
  

星期美點 WEEK 14(1/4 ~ 7/4)

• 請咗兩日假準備考試, 不過一日用咗去玩G1 Jockey, 實際上只係温了一日多啲, 有點懶, 祝我好運吧!
• 除了Consolidated Balance Sheet個dividend夾唔到外, 其餘題目都做得唔錯, Cash Flow bal到, Essay又背到足寫到兩版, 有返啲運仔, 可以輕鬆地放返個復活節假期了
• 賞月果然係好馬, 守住好位一衝就過哂, 爪皇凌雨亦贏得漂亮, 今年女皇盃一定十分精彩
• 不知不覺, notebook三年保養又就快到期, 續保一年要成$1,800, 當然不會考慮了
• 突然揾得返細個好鐘意食的辣味卷, 咖喱卷, 現在食返滋味依然無窮, 一於大手買入
• Silva仔Long Shot仔咁掂令人意外, 繼國米之後, 對車仔又入一球世界波, 西班牙兩大黃金左翼同時在Valencia出現, Vicente後繼有人了
  
  
• 抱住幾大的期望去睇《魔疫》, 結果係有點失望, 前中段都覺得還可以, 到後面女主角和撒旦對抗要玩埋隕石撞擊又未免太誇張, 結局去到一半已經估到, 開頭以為係一套寫實片, 睇完至知係一套科幻片, 真係...