星期美點 WEEK 50(10/12 ~ 16/12)

• 最後的考驗終於到來了, 考完之後腦袋真的一片空白, 完全及刻意地忘記所有有關auditing的東西, 就算身邊的同學仔不停地高談闊論也漠不關心, 只想衝出去醫下個打哂鼓嗌哂救命的餓肚子
• 試卷其實不是太難答, 奈何真的是唔多夠時間去死鋤爛背, 事倍功半, 要合格卻是綽綽有餘
• 考完試的一刻有種彷如甩難的感覺, 完成整個course的考試更像是一種解脫, 又有少少的失落, 兩年幾的時間就此過去了, 換來一張沙紙又是否值得?
• 是繼續升上degree去? 還是直接報考CPA牌? 彷如置身一個人生交叉點, 不知所措, 幸好還有一個月的時間去考慮, 不用着急
• 考完試後的第一個好消息--國米勇挫AC三比二, 可以鬆一口氣了, 阿祖, 馬田斯, 費高, 華朗同甘比真係無懈可擊, 我相信我們離冠軍的日子不遠矣!!
• 星期二抱着一個幾期待的心情出了MK百記睇《如果愛》, 睇完之後, 完全沒有預期中的感動, 失望! 明顯地戲中的編排是有一定的心思, 可惜的是某些游水潛水的鏡頭重覆得太多了, 未能帶出男女主角互相糾纏的氣氛, 不知道是否近期沒有甚麼港產片充撐場面, 可以得到一致的好評, 恕小弟缺乏這些藝術細胞, 完全不懂得欣賞
• 睇到一半時個喇叭都頂唔住嗌救命, 竟然不斷發出沙沙聲, 勁無癮, 好在都算做好快回復正常, 唔係比班人拆咗都唔知咩事, 值得一讚係張櫈好大好舒服
• 下個目標係《King Kong》
• 下星期就係世貿會議開始啦, 鬼唔望你乜嘢共識都達成不了, 一大羣自私自利的屎忽鬼狗咬狗骨, 剝定花生去睇戲
• 究竟會唔會有汽油彈? 燃燒彈? 炸彈? 真係幾令人期待! 胡椒噴霧? 唧唧唧, 哎吔, 無哂添, 點算好?
• 假如那些甚麼十七連勝值得放煙花、燒炮杖時, 爪皇凌雨榮登世界馬王又有沒有受到應有的榮耀呢? 馬會之大細超絕對表露無遺!
  

星期美點 WEEK 49(3/12 ~ 9/12)

• 面對整個course最後一科, 也是最難pass的auditing, 心裏反而有說不出的平靜和安寧, 感覺良好, 噢, 好楊利偉feel
• 其實上完太空之後, 先去香港, 再過澳門是否中央的一個指定動作?
• 其實讀完成科auditing學到啲乜? 真係得啖笑, 嘥三千幾學識咗三個字----true and fair, 揾笨!!
  
• 很想今個星期請一日假溫書去, 不過另外兩個同事要上上海公幹, 想請半日都難, 惟有自求多福, 啲醒腦藥一定得
• 成個禮拜都忙到甩轆, 一個人要去做兩三個人的工作, 要開票, 追數, 出statement, print invoices, 入票, 覆電話, 覆e-mail......仲要失驚無神被老細捉住問呢樣問o個樣, 有得日日準時走都還得神落!
• 溫書的時間真的不夠用, 最慘又請唔到假, 又要打番場天才波定生死了!!
  
• 二十五萬人上街, 隔着中央圖書館的玻璃幕牆看來, 雖然不如七一的遊行壯觀, 但是人數之多仍可覆蓋整個維園, 我們的訴求是清晰不過, 憎生同阿爺聽與不聽卻是另一件事了
• Yahoo e-mail unread message突破一千了, 我需要去慶祝嗎? 完全沒有清理的意慾, 反正也不過是1G容量的2%吧!
• 下週就是米蘭打比了!! 總有一種莫名奇妙的感覺, 覺得國米一定可以一吐多年烏氣, 吐氣揚眉似的, 就算唔瞓都要拼命支持!!
• 忘記了DL《一公升的眼淚》, 真的是太忙而忘記了, 惟有在考完試後先再追番之前無睇的幾集
• 太好了!! 考完試後幾天就出《Gallop Racer 8》了, 大可玩個痛快, 呵呵
  

星期美點 WEEK 48(26/11 ~ 2/12)

• 話都無咁快又到十二月啦, 今年時間好像過得特別快, 很好很好
• 時間過得快的同時, 又見證自己所有的目標一事無成, 四分一世紀的光陰已成過去式, 以後的人生是否也是這樣荒廢掉, 值得深思
• 還有一星期就要考試了, 戰意上升
• 原來星期二去百記電影中心睇戲都只不過是$35, UA的優惠相對起來也不是十分吸引吧!!
• 星期二睇了《Oliver Twist》, 為的是體驗一下原著作者狄更斯同大導演波蘭斯基的功力, 雖然不過不失, 也不失為一套老少咸宜的小品, 可以一睇
  
• 原本應該下星期就要上上海出trip了, 但是由於飛機那邊有巨型shipment要走貨, 連帶自己亦暫時唔使上去住, 由我留低看守大本營, Lucky!! 又可以唔使上去住, 實在太好了!!
• 公司印咗大量月曆枱曆, 老闆要送去他的大客戶, 每個staff各一個, 嗰度加埋成三百個, 自問既不是力大無窮, 同時又樣衰衰又無禮貌, 笨手笨腳, 出到去都影衰哂佢啦, 點解會欽點咗我陪佢去送咁搞笑嘅?
  
• 出到去仲要同佢單對單一齊食飯, 我都未坐低就幫我點咗海南雞飯, 都唔緊要啦, 最慘係啲雞生生地先至慘, 佢仲要前後問咗我三次啲雞好唔好食, 我真係唔識點答佢好?
• 幫手送月曆做下運輸都好嘅, 起碼唔使屈響公司咁鬼悶, 有時間出去睇下見識下都唔錯嘅!!
• 十二月四日的遊行, 假如唔係下星期要考試, 我諗我都會參加的, 但係我諗人數加埋一定比七一少得多, 無論如何, 我都只是想表達出我們爭取民主的訴求, 就算阿爺一聲不行我們也絕不放棄