星期美點 WEEK 52(23/12 ~ 30/12)

• 從圖表顯示，wii在港上市首日掛牌，已高開2800點，比在美國首日的招股價2000點高出40%，每首賬面淨賺800(未扣除手續費)，由於場外散戶在市場紛紛吸納，導致價位曾在首星期急速升穿3000點直到3500點歷史高位，大戶開始在該價位逐步出貨，不出半個月已回落到2000點樓下，同時成交量大曾。當股價跌至1900點後急速反彈至2800點，由於市場臨近長假期，大戶減慢出貨量，迫使價位目前仍企穩2500點。
  由於該廠還未公佈在亞洲區的銷售計畫，而市場對wii多抱著觀望態度，價位將會繼續牛皮。從技術走勢上睇，2000-23000點的支持力很強，如能跌破2000點心理關口，將會直指1600點-1800點區間位。
  
• Wii果然一如所料炒得起, 早買真係有so, 諗返自己個入手價實屬超值
• 與其用埋啲下三流的屎橋去宣傳, 倒不如慳返嚟正正當當地度下點改善下自己個image好過, 以下係一個活生生的例子
  .
• 睇咗《踢躂小企鵝 (粵語版)》, 係呀, 你無睇錯, 真係側田版呀, 其實無想像中好睇, 一來劇情太夾硬來(我諗唔明為何唱歌同跳舞係水火不融, 同埋點解跳舞可以救返啲企鵝, 唱歌唔得咩?), 二來本人對側田無乜好感啦! 來本人對側田無乜好感啦!
  
• 聖誕假期難得地有三天時間做自己嘢, 一日瞓, 一日上網, 一日玩Wii, 多一日寫blog就好
• 好耐無細心地上過高登, 一上返果然笑料不絕
  1
  2
• 好得人驚, 台灣地震震到香港都feel到, 唔怪得連海底光纖都斷哂, 令原來上網慢到喊的網上爬帶我重回56k年代一樣
• 公司的交換禮物($50以下, 點買?), 竟然抽中敵視你米老鼠保温杯, 肯定拎返屋企都唔會用, 都總比抽到電動風扇好, 連一向無抽奬運的我都再抽中埋兩天假期, 不過有得放的機會極微...
  

星期美點 WEEK 51(16/12 ~ 22/12)

• 一個活潑好動同事的父親剛剛過身了, 一時之間變得沉默了, 除了由衷的祝福外, 發覺人生真係好化學, 變幻無常, 讓我更懂珍惜身邊的一切
• Wii價格高高不下, 相信同廢柴香港代理慢遜遲遲未有行貨公佈有關, 更加慶幸自己買得及時, 想買機一齊過聖誕的朋友就要捱貴機了!
• 三星期內第五隻Wii game入手, 正是前排屢屢標價$4xx的The Legend of Zelda: Twilight Princess($360入手), 唔知會唔會打得爆機呢?
• Wii「天氣預報頻道」服務於20-12正式啟動>>>詳情
• 連Wii版Opera都有得下載了, 以後打機卡關上網揾攻略就唔使再要開電腦了, 方便多了>>>詳情
• 卡巴斯基一過期部desktop就high嘢, 宜家啲電腦病毒真唔講得笑, 希望救得返啦!
• 我諗無人會認為可以有後衛打倒掛入波掛, 假如係佢你又會點睇呢?
  
  
  
• 濺兔真係夠哂抵死, 入面啲mini game比華叔果啲更癲更喪, 比我想像中更好玩, 掂呀!!
  
  
  
  
  
• 在信X忽然發現joi有新碟出, 細看之下雖然只是精選碟, 但都有十七首之多, 相比陳綺貞的枕頭式EP, 無疑更為吸引, 亳不猶豫就買了, 臨走時竟然撞到了陳生, 寒喧了幾句, 感覺上有點奇怪
  
  《專輯介紹》
  蔡淳佳 / Joi 蔡淳佳 淳佳精選17首
  
  六年前 我們和這個熟悉聲音擦身而過六年後 她的堅持讓我們不再遺憾錯過【Joi 蔡淳佳 淳佳精選17首】千挑百選蔡淳佳17首最好聽 今年唯一沒有主打歌 都是你想聽的歌！ 在日出前絕不倒下 在音樂前絕不後悔不倒不畏不妥協的溫柔堅強 不聽不能不感覺的溫暖力量 蔡淳佳，紙片人的纖弱身形讓人以為她的個性可能也是如此；但是她一開口，一唱歌，剎那你會明白，原來，溫柔可以很堅強，而溫暖彷彿是一種力量，因為蔡淳佳。 18歲那年，蔡淳佳從2000名對手中脫穎而出，讓音樂人許\環良大為驚艷，獲得一隻許\多人夢想的唱片合約，而蔡淳佳卻在完成四年的學業後才決定踏入歌壇，全心投入夢想的音樂世界。 1999年那年，蔡淳佳隻身來台為出道作準備，背負著許\多期待與壓力接受一連串的考驗，2000年11月發表自己在台灣的第一張同名專輯作品；那兩年，許\多現在線上的知名歌手都在台灣初試啼聲，不乏大家現在稱呼的天王天后字輩的歌手出道。那是一個擁擠的時代，不確定你心裡還記不記得有個女生叫做蔡淳佳，但可以很肯定的是，那年冬天你心裡一定住進了一個叫做蔡淳佳的溫暖聲音。六年來，蔡淳佳從發片歌手再回到驗光師平凡生活，然後再回到歌手身份發光發亮，在外人看來有低有高的起落，對這個獅子座女生來說，都是全力以赴，一次比一次更好的人生體驗，因為她有自己的堅持，一次做好一件事的堅持。音樂路並不容易，蔡淳佳知道。隔了六年時間在台灣再度發表屬於自己的第二張專輯，時間並不會是問題，誠懇是最有力量的武器，因為她的聲音早已經住進我們的心裡，只是等待著被喚醒而已。再次認識她，她的不倒決心是很溫柔的卻很堅強，她的溫婉歌聲流露一股淡淡暖意卻很有力量；今年冬天，她要讓我們聽見她的音樂決心！
  

星期美點 WEEK 50(9/12 ~ 15/12)

• 國際賽日難得有時間入馬場, 好似有成六七年無入過去了, 個沙圈真係靚咗好多, 不過真係人山人海得緊要, 有五萬一千幾人入場, 好開心見到愛駒如Dance in the mood同Admire Moon, 亦見證了牠們落敗, 尤其是賞月輸得令人氣憤, 有乜可能留得咁後o架, 武豐真係響後面賞月囉, 我的十倍Win就係咁溜走, 真嘔血! 買Win輸個鼻, 買PQ就跑24, 34, 整定又輸錢收場, 一百個大洋咁上下啦, 黃小姐比我更勁, 小輸兩個半, 睇嚟以後要揾佢幫手相下馬先得
  
• Admire Moon真係好勁, 賽前在沙圈出跑道好似風一樣, 兩三秒就跳到閘前, 完全唔使力咁, 唔怪得留到無雷公咁後都可以一條直路衝上來僅僅輸俾馬后級的Pride啦, 呢隻三歲馬仔都唔少嘢, 我覺得佢將來的成就未必差得過Deep Impact, 希望遲下Gallop Racer或者G1 Jockey有得用佢啦!
  
  
  
• 馬會啲新機的確幾方便, 有得用touch screen投注, 不過收錢要人手入機就慢好多, 我都係鐘意劃飛多啲, 起碼啲紙都硬淨啲, 收錢入counter差不多唔使等即有錢收, 都係舊嘢好
• 買Wii好過買股票, 三日內失驚無神地又升返上$2,700淨機, 班批發, 炒家肯定肥過豬頭過聖誕
• 兩個人一齊玩Wii那份樂趣有如十倍之多, 情況如玩NDSL一樣, 任記呢招與衆同樂認真殺哂, 彷彿讓我睇到強者回歸的希望
• 華叔真係好正, 由GBA的轉轉轉到NDSL的劃劃劃, 再到今次Wii, 每一次的動感玩法都玩得好開心, 尤其感動的有玩返歷代任天堂的mini game, 如Mario, Zelda, Nintendog同Animal Crossing, 最後果關跳舞都好抵死, 跟住嚟做肯定笑死你隔離果個人, 就算我買貴幾十都抵返哂, 呢隻係跟機必買
• Wii Play就比較遜色少少, 玩咗幾次就有些悶, 不過當買過手制都抵啦(Wii Remote賣3,800Yen 而Wii Play只係4,800 Yen)
• Wii Sports都幾得嘅, 上youtube見到啲人打boxing打到痴哂線就知啦, 我就主力打tennis, baseball同bowling啦, 反而諗住會好易玩的golf就不易玩上手, 遲下先玩住, boxing就運動量太大喇, 唔係好啱我呢啲老餅, 總括而言唔過三百蚊都值得考慮一下
• Wii第四game-Rabbits Party $330入手, 有排玩
  
• 想買多個nunchuk同埋色差, 奈何炒到十算樓上, 叫人點買得落?
• 驟眼睇好似唔錯, 唔知香港有無得抽呢?
  
• 真係唔明有乜可能玩到飛飛甩手制咁激-->>.<<---咁樣玩應該無死啦掛
• <轉貼>
  SONY發言人Dave Karraker就表示，他認為Wii目前的熱賣只是一時現象，因為消費者對Wii的玩法感到很新鮮，不過他認為這不長久。而PS3代表的高科技才是長久吸引PS忠實玩家的作法...
  記者（WING報導）
  
  最近SONY PS3霉運不斷，而且主機銷量遠遠不及微軟Xbox360與任天堂Wii的熱絡，尤其Wii與PS3發售幾乎同時期，但Wii是短短三週破百萬台，而 PS3還在為了產能不足掙扎，一連串的低迷氣壓也逼得SONY高層不得不跳出來放話，甚至以攻擊對手的方式企圖轉移焦點...。
  
  根據華爾街日報的消息，因為目前任天堂Wii銷售奏凱歌，甚至北美在耶誕節前就能達到150萬台，而PS3目前在北美連30萬台都達不到，懸殊的數量差距 也讓 SONY慌了，甚至以攻擊對手的方式來轉移話題，如SONY發言人Dave Karraker就表示，他認為Wii目前的熱賣只是一時現象，因為消費者對Wii的玩法感到很新鮮，不過他認為這不長久。而PS3代表的高科技才是長久 吸引PS忠實玩家的作法，他認為PS3玩家會忍耐度過目前PS3缺貨危機，接下來PS3銷售情況也會越來越好。
  
  姑且不論這位SONY發言人是講話酸溜溜還是信心十足，但是直接以攻擊Wii的方式來安撫人心，的確不是很適當的方法，代表SONY這次真的慌了...。 而且慌了的人還不只是 SONY，其他遊戲廠商也對目前PS3的低迷氣勢很惶恐，如THQ公司就表示目前PS3一連串負面消息，根本讓他們不敢貿然投入PS3陣營，如果PS3情 況在沒辦法改善，他們（THQ）將大舉投入Wii的懷抱。
  
  即管睇下你撐得幾耐? Sony你唔好咁早收檔呀!不過睇怕都幾難lu

星期美點 WEEK 49(2/12 ~ 8/12)

• 考完試成身鬆哂, 儘管考得不算太好, 一切都拋諸腦後, 置之不理了
• 真係無諗過SMA可以出得咁straight forward, 只係將ACCA paper改過啲figure就出, 係唔係易到咁呀, 定係我吔level太低, 將貨就價呢?
  
• 從發售首日的$4,000連Zelda, 到三日後的$2,150淨機, Wii的價格回落幅度令人咋舌, 因此, 原本諗住低過$2,000至會入手的我終於都毒發了, 連華叔一同入手, 埋單合共$2,530, 都算係一個合理價吧!
  
  
  
  
  
• 好耐無試過同班friend一齊食飯了, 今次一出就係補祝自己生日又唔使俾錢, 真係幾唔好意思吓!
  
• 除了華叔外, 另兩隻game分別以合理價(其實只係正價, 無炒價都偷笑)入手, 分別係Wii Play($398)同Wii Sports($280), 前者跟game送一Wii Remote確實超值, 後者亦低於$300, 實屬一併入手之選, Zelda就要等過了炒價先至會買了
  
  
  
• 估唔到今年內會兩入任記NDSL同Wii, 睇嚟都係同任記結下不解緣, 誰叫我是玩任天堂的遊戲大的
• 期待以久的《SAW III》, 幾欣賞中文翻譯做《死神在齒》, 因為宣傳poster就係用三隻牙仔代表第三集, 其實成套戲又同牙無乜關係喎, 睇完又覺得無想像中咁恐怖, 雖然都有啲核突畫面, 如鐵鍊勾住全身表皮, 切咗隻腳以打開腳獠, 開腦同鑽頭骨, 仲有扭斷四肢等, 但故事都尚算完整, 將多位故事人物串連在一起, 帶出整個遊戲目的是jigsaw design俾Amanda以改其殺戮根性, 亦帶出要寬怒別人的訊息, 很奇怪有兩個妹妹仔遲咗大半個鐘入場跟住睇咗幾分鐘就嚇到走咗, 反而真係薑係老的辣, 坐我旁邊個阿伯完全無任何反應, 定係佢一早就瞓著咗呢?
  
  

星期美點 WEEK 48(25/11 ~ 1/12)

• 全力迎戰兩科考試, 一年無考過試固然令人擔憂, 實際上只係得三日温習更加添不少壓力, 此時此刻只有盡力而為吧!
• 發覺HKU library的確比中央圖書館好, 一來好似多啲位, 二來氣氛真係適合温書, 更難得係開到晚上十一點, 雖然遠咗些少, 都不失為一個温書地方首選。
• 美版wii應該出了, 未知價格如何?
• 考試期間無乜嘢好寫, 轉貼威威一文攝下位:
  討紅蛋黑手文﹗/曹宏威
  2006-11-20
  我對用蘇丹紅餵飼雞鴨，使蛋類生色，用紅彤彤假彩去騙人的做法十分氣忿！在這裡要破例破口大罵，希望罵出道理來。
  
  我剛隨水務署水諮會赴東莞視察供水設施，在當地港商經營的一間酒店度宿，翌晨吃了一碗罕吃的早粥，裡面送口小點就有半隻紅彤彤的鹹鴨蛋，氣忿之一是我少吃早餐，只因大家的活動有此一項才饞咀吃粥暖肚，這種容許入侵的機會不多，竟然也沒放過，真箇激氣，氣忿之二是紅彤彤和黃橙橙的我都一視同仁，卻沒選擇，酒店的餐食部替我揀「山埃」，這種買袋中豬（a pig in a pocket）的做法使我感到無限受騙，因為對方也不見得比我聰明，而且，這種為虎作倀的笨人可以從銷售色素的飼料商數起，以至養雞鴨戶、賣蛋商、食店買手、餐食部部長一大串人，都不求甚解地去獻身成為幫兇，我為科普掉眼鏡而氣忿！第三個氣忿難平的是平日不吃蛋黃，這回破格地不想暴殄天物，卻不想自己做了白老鼠，因小失大，有違我一向的做事原則而氣頂。我估計，這蘇丹紅不一定是最致癌的同類蘇彩第Ⅲ，吃了半隻毒蛋紅，它只可能減我壽一日而已吧，然而，我神傷的絕非此逝時，卻是兇手的不法和不恥！我大大地激忿。
  
  我認為：先從自己做起：今後我更要建立起一個減少將自己暴露於不必要受傷害的氣氛，蛋黃是黃、就不需要加紅，紅蛋黃沒半點增值，愚行止於智者，對於紅蛋整色整水代表一個做假文化的兆始，我們不停打假，但科學要講分寸，落力要知先後，口唇天生雖潤雖紅，有人仍嫌不夠凸出，要加水滴滴感、要塗紅鮮鮮色，還有超真實的為上色而上色：綠的、白的、黑的，要你恨得咀它！我們又要不要也去打假？我看單拳難敵四手，商場文化是個大系統，求真和求錢不是天敵，要在這裡面靜靜地起革命，推倒不良商人之心不可沒，但要人家塗慣口紅的腿色，你先要淨咀去對人，不陪人家去瘋癲，天生就是美色，先懂自己欣賞真天分，對於有人有需要補色的，你也要原諒她的吃藥處境，冷眼對紅唇，先別為了上色的紅唇而沸騰，做旺了假文化！
  
  紅鴨蛋的元凶不可能找不出來，更不可能不施以重刑，他不是笨蛋，蘇丹紅不應亂用，他不會不知，他是明知；以明知騙無知，政府不能不用盡手段，捉拿歸案而繩之以法，政府應該在國檢局之外，設立一個部門去解答商工新點子的法理問題，使養雞鴨戶可以知所問：市間出現飼料新配方，能使蛋黃紅彤彤，是否不法？使市民有所答：吃這笨蛋，可會傷身？
  

星期美點 WEEK 47(18/11 ~ 24/11)

• 真攞命, 最後一星期的tutorial加lecture都仲要上三堂, 仲要無乜點睇過本書, 貼士又不多, 下星期就考試了, 睇來凶多吉少
• 可幸的是Auditing Assignement都執到唔少分, 都不枉我花了幾星期的時間揾資料, 唔知SMA又如何呢?
• 請咗四日假去考下星期的兩個考試, 埋單計算無咗千幾銀, 認真窮上加窮
• 睇了《驚濤搶救》, 之前都沒有太大的期望, 結果亦在意料之內, 是一套典型的花旗國英雄主義的電影, 最印象深刻都算係拯救隊同海軍互串, 又或者係帶位員講的「驚滔搶救」吧!
  
• 同一日內兩買P記產品, 一部係係上星期睇中的SV-SD370, 另一部為VS7(鴨記新加坡行貨入手, 問你死未?), 連埋之前的DC FX7同兩張SD card, 仲有一個鬚刨, 睇來我都算係一個P記fans了
  
• 唔講唔知, 今個月係火狐月, 睇見firefox搞得越來越有聲有色, 實在大快人心也, 還不快去下載FF2.0?
  
  

星期美點 WEEK 46(11/11 ~ 17/11)

• 我諗都有六七年無去過海洋公園了, 今年生日去到真的是耳目一新了, 見到熊貓(不過瞓著了), 海豹, 鯊魚等, 當然唔少得水母啦, 人方面比想像中不多, 沒有老友經常掛在嘴邊的人山人海之感, 如果唔係太大風而停了登山纜車一小時, 應該唔只玩到摩天輪(一pair男女不可不玩), 翻天飛鷹(無乜特別, 勝在唔使點排隊), 觀光塔(年紀大, 無咁刺激的遊戲係啱我多啲)同越礦飛車(好似仲恐怖過坐過山車), 由早上十時直至晚上七點幾, 免費玩了一日, 不亦樂乎! 啱哂我呢啲死窮鬼!! 連尾班巴士都miss埋, 無$搭的士, 要行返出去香港仔隧道先有巴士, 最後在CWB的啃得雞食嘢, 這個生日過得還算不錯
  

  寄件者 就快發霉的FX7

  
  

  寄件者 就快發霉的FX7

  
  

  寄件者 就快發霉的FX7

• 真係收到Pocari支筆, 想不到summer的遊戲到今日都仍然有禮物派, 係無人玩定係我得閒之過呢? 也罷, 反正唔使俾$, 不過都好欣賞大塚的CS, 簡簡單單的寄來一支筆, 已經令我好滿意了
• 今年的十一月十一日對我來說仍有重種意義:
  1. 《白夜行》內案件的法定調查期限
  2. PS3正式發售(雖然不喜sony, 但個人覺得極有可能係sony最後一部console)
  3. 中環天星碼頭舊址最後一天運作(非常可惜, 香港人又少了一個回憶)
  
• 收到恆生credit card statement, 鐳X有P記鐳射有P記SV-SD370有新promotion, 連1G sd card只售$690, 有點動心了