星期美點 WEEK 52(23/12 ~ 29/12)

• 國米2-1戰勝AC, 太美妙了, 除了要多謝迪達之外, 我覺得inter羸得實至名歸, 極有說服力, 不要忘記占美利斯還有一腳補射中楣吧, 所以, 不要怪迪達吧......要怪就怪甘比亞素射得太詭異!!
  
  
  
• 開始不計budget咁瘋狂地消費, 先在平安夜晚去Kowloon Bay德福掃貨, 首先去咗間舗頭仔一口氣買了六條呔, 有鮮(粉紅, 青綠, 橙同銀色)又有沉色(藍黑, 紫黑)的, 因執笠清貨, 買三送三, 埋單才$250, 我諗有排都唔使買呔lu
• 接着去了Cour Carre買多套老西, 摸上手感覺上CC的確比Playlord好了一個檔次, 因此, 六折折實二千一百幾都忍痛地就範, 乖乖地俾錢了
• 順手去埋Megabox參觀一下, 真係有少少失望, 地方無疑是很大, 但是吸引到你去睇下望下的店舗, 數落都無一兩間, 名店就絕無僅有, 很多店舖格局似賣中高檔的, 實際上啲product可能同MK啲小型商場差不多, 除咗有間B&Q同幾間賣兒童用品的店舗吸引到啲家庭客外, 實在好難諗到仲會有乜人去行, 地點又唔多就腳, 遠離地鐵站, 俾我下次就行德福好了
• 行完之後去咗恆香棧食晚餐, 賣點係不加味精, 點了撈麵同粥, 食落又真係幾清淡, 不過亦未至於無味嗰隻, 仲有少少鮮味嘅, 價錢都唔平o架, 因為係宵夜時間, 埋單都七八十蚊, 不過間唔中清淡一下都好嘅
• 最後去咗間土耳其雪糕店食咗個雪糕扒, 它為香港首間土耳其雪糕專門店, 直接入口的土耳其雪糕既煙靭又不易溶化。雪糕以一種流傳以有數百年、利用人手拉出雪糕的古法技術製造，並加入羊奶及中東地區特有的蘭莖粉，令雪糕更香軟幼滑。聽完黃小姐講好似好吸引咁, 於是又使咗$55買咗兩塊扒
  
  
  食落感覺係比普通雪糕滑少少, 不過食唔出好煙靭的感覺, $55得兩塊我覺得算係幾貴
  
• Boxing day去了Harbour City shopping, 在Gigasports用差不多八百元買咗對Rockport透氣氣墊皮鞋, 上網睇過它做皮鞋的理念就是要做最好穿的, 因此她的創辦人還穿過他們的皮鞋去參加馬拉松, 證明他們的鞋子很好穿, 試穿下果然比普通皮鞋舒服得多, 行過真係有種似穿運動鞋的感覺, 賣得咁嘅價錢當然係有返咁上下的質數嘅, 至於water-proof的功能就留待大雨的時間去證明了, 原本諗住儲錢買的LLOYD都要再押後諗諗了(要四位數至買到一對的看來要大幅加薪才有希望了)
• 買得多G2000, 都總要買件似樣返少少的恤衫, 人, 總要豪一次嘅, 五百幾買咗件Lacoste恤衫, 被個七折的價錢牌吸引咗, 不知道還會有咁的勇氣去買衫的機會嗎? 有, 都唔會係短期內的事了
• 第一次以auditor的身份去stock take, 估唔到都係咁辛苦, client是一個賣電子機板原材料的廠, 一板板的原材料要用剷車剷出剷入才有得點, 又要爬上爬落先點到, 結果點一日都未點完, 都幾辛苦
• 預先買了黃小姐的生日禮物, 是她最喜愛的Lascote黑色手袋, 少了一個煩惱
  

星期美點 WEEK 51(16/12 ~ 22/12)

• 告魯斯真係越老越可愛, 八場比賽八入球加三助攻, fit到爆燈, 米蘭打比有好戲睇
• 國米2:0贏埋卡里亞里, lead住第二位七分, 榜首優勢擴大, 奪標可期, 捷禾有球三十五碼外遠射中楣不入, 實在可惜, 不過已非常精彩, 不愧為國米隊中我最喜愛的後衛, 今年件一百週年紀念球衣燙字首選
• 病到要請了一日半sick leave, 想嘔又嘔唔出的感覺認真辛苦, 仲要無埋幾百蚊人工, 雙重打擊
• 睇完曰劇《Dream again》, 結局幾令人失望, 竟然同無劇大團圓結局無異, 田中玩哂啦, 要生要死任佢點玩都得, 死完又可以返生, 一切結果又打回原形, 真係幾無聊
• 原來結婚要人做兄弟都唔容易, 睇見一位中學朋友的境況有感而發, 人間冷暧, 有更深一層的體會, 未知到時我的情況又會如何呢?
  
• 17/12/2007 買入 大新銀行集團　　 02356 400 $17.000 $6,907.61
  之前睇好東亞, 現在則睇好大新和富邦, 睇好小銀行未來發展前景樂觀, 兩者取捨間選其入場費較低的大新, 至少會hold一年
• 平安夜有得早放兩小時, 感覺就像皇恩浩蕩一樣, 未知除夕及年三十晚又會否有得早放呢?
• 《Nights》出埋, 曾經是為此game而想買SS的遊戲之一, 過四百的價錢又買唔落手, 即管等下有無機會三百頭入手
  
• 歐聯抽中對利記, 平心而論真係五五波, 要出線就要睇下有無運仔啦!!
  
  

星期美點 WEEK 50(9/12 ~ 15/12)

• 剛剛過三年保養期的notebook harddisk亳無預警下突然死亡, 要特別抽空去高登睇HD, 原本諗住買死雞120G, 但因未知會否夾自己部老爺機而無買, 結果買了Fujitsu 120G, 貪佢唔啱有得換, 埋單又無$530, 希望Fujitsu生生性性唔好再壞
• 基本上好少用notebook, 個toshiba HD結果都頂唔到三年, 真係對toshiba失望, 之前先壞完散熱風扇, lan card, 下次又會死乜?
  
• 回家不久就聽到一聲巨響, 從窗外望見到炒車, 私家車同小巴輕輕炒埋一碟, 個意外位置剛好我五分鐘前經過, 雖然咁啱有工程進行中有鐵馬攔住而無剷上行人路, 不過如果真係撞正遲五分鐘行過都會嚇餐死
  
• $340買埋Wii隻賤兔2, 不過無乜點玩過, 睇人玩多, 都keep到有上一集水準, 多人玩的話一定要買
• 10/12/2007 買入 建設銀行　　　　 00939 1,000 $7.350 $7,458.66
  10/12/2007 買入 洛陽鉬業　　　　 03993 1,000 $16.360 $16,478.47
  諗住day low買實無死, 點知......
• 入完之後連續兩日HSI都跌七百點, 跌到個人都無乜感覺, 又無乜子彈溝溝貨, 眼光光睇人地執平貨, 想點?
• 英雄出少年, 一個細路寸林局長等十年都未有普選, 好嘢, 睇嚟佢未來成就絕對不在林生之下, 應該有本事去選特首
• 天氣乾燥, 飲水飲得少, 又開始sick sick地, 又疴又塸, 救命!!
  

星期美點 WEEK 49(2/12 ~ 8/12)

• 睇咗《真的想飛你》, 覺得都幾搞笑, 結婚呢家嘢真係無得兒戲, 一錯咗想返轉頭都幾難, 笑料百出, 輕輕鬆鬆過兩粒鐘絕對收貨, 男主角幾好戲, 夠抵死, 厲害
  
• 估唔到Playlord竟然會遲交貨, 講好星期五改好套suit有得攞, 點知等到星期六下畫先有, 連呢小小的service都做唔到, 賣得起呢個價錢就有少少失望
• 繼續幫襯G2000買恤衫, 原來奧海城那間是Outlet, 好多衫都比出面舖減價更平, 買咗兩件都係二百多少少, 我諗幾難會揾到間更平了
• Wii Fit一出炒到過千, 等下等下跌到$760就忍唔住出手買了, 玩落似Wii Sports, 不過踩上去塊板個感覺真係幾正, 而且幾sensitive, 遊戲就唔算好多, 有三四十個, 暫時都未玩哂, 值唔值呢個價就見仁見智, 希望任記將來會出多啲game對應塊板
• Wii美國剛好面世一年, 任記終於重拾昔日光彩, 取得市場領導地位, 可算飲得杯落
• 何博士講中咗, 年尾真係見四萬, 不過唔係金魚缸的四萬, 係立法會的四萬, 贏來比想像中更驚險, DAB鐵票認真厲害!
• 第一次做case就要由頭到尾一手包辦所有工序, 做落真係有苦自己知, 希望可以完完整整學到更多嘢啦
  
• 03/12/2007 買入 建滔積層板　　　 01888 1,000 $5.800 $5,906.52
  03/12/2007 買入 領先俄羅斯ＥＴＦ 02831 200 $49.350 $9,970.88
  再次入貨, 對俄羅斯個ETF充滿信心, 長線值得睇高一線