星期美點 WEEK 21(20/5 ~ 26/5)

• 巴士阿叔一出, 誰與爭鋒? 五月之星寶坐手到拿來, 人人都佩服得五體投地, 破百萬次的片段下載, 就算側田露M字額都唔夠佢揪啦
• 從巴士阿叔學到兩樣嘢:
  1.你有壓力, 我有壓力(完全無諗過呢樣嘢 , 阿叔提醒咗我)
  2.未解決(老細問你解決咗個問題後可以大聲啲, 讓佢感受到巴士阿叔的氣勢, 仲點敢追殺你?)
  
• 文化沙漠中的社會, 充份在68X巴士中體驗出來, 假如用手機拍片嗰位仁兄選擇企出來仲張正義, 又或者其他乘客有勇氣同阿叔講下道理, 呢件事一定不會發展到正如阿叔所講未解決的地步, anyway, 我都無資格去講人了, 反正我都是那羣沉默的羔羊吧, 香港有電車男般挺身而出的故事一定絕無僅有, 就好像沙漠中見到綠洲的機會一樣
  
• 多謝google video, 多謝youtube, 巴士阿叔的故事令無數人發人深省, 無論你當係一齣鬧劇咁睇, 定係認真地反思整件事, 都大有裨益
  
• del.icio.us真的好好用, 很方便, 有時間真係要再重新執執所有tag
• 好耐無食過的韓燒, 終於有機會再吃了, 雖然啲食物唔算好好食, 不過有我的至愛牛仔骨, 已經收貨了
• Fossil黑色袋有人代勞下免費入手, 實在太好了, 返工唔使揹咁大個袋而又可以袋一兩本書睇, perfect!! 真的多謝一個傻瓜
  
• 去MK潮特買了兩件恤衫, 又要等幾個字, 返屋企拆咗又發現拆咗嘜頭, 無我想像中咁好, sales姐姐幾咁落力都係假
• 的起心肝執下個狗竇, 成年幾無清理過一執就大工程, 好彩有個傻瓜幫手, 唔係一定唔只搞半個鐘only
  
• 發現幾得意的小遊戲, 是利用了Google Map進行, 就算你地理攞A都未必識玩>>>click here
• 值得一再回味的 recruitment ad
  
  
  
  2004年7月，開車經過矽谷的101號公路，或行經波士頓哈佛大學廣場，都會看見一幅數學味十足的超大看板，上頭有短短一行讓人摸不著頭緒，看似數學式子，又像是網路公司廣告的文字：「自然對數基底（e）裡頭第一個十位元的質數.com」。
  
  這個沒有職缺，沒有一目了然的網址，正是Google的招人廣告看板。用意在吸引全美國數學最好的一群人：矽谷的工程師與科學家、在哈佛廣場閒晃的哈佛學生，以及麻省理工學院的天才們。
  
  如果碰巧具備夠好的數學底子和電腦科學素養，足以解開謎底：7427466391
  
  然後，應答者將會在答案的「http://7427466391.com」上頭，發現另一道艱深的數學題目，再次解開，才會被導引到一家公司的內部網站。謎底揭曉！這家故弄玄虛的公司，正是網際網路上近幾年來最有影響力也最特立獨行的公司：Google！
  
  Google的網頁上會這麼寫著：邀請您寄來一份您的履歷，用超乎常人的大腦跟追根究底的科學態度，加入Google一起解決許多複雜或甚至根本無解的工程問題。
  
  雖然這些網頁現已經移除，但我們從《翻動世界的Google》書中，提供你一個自我挑戰的機會。

星期美點 WEEK 20(13/5 ~ 19/5)

• 達文西紮馬=肥仔達民主黨被篩, 紥馬? 紮馬之後上馬, 上馬之後騎馬, 騎馬之後......墮馬, 我真係被你笑死, 超人即是超人, 超人歡朋, 果然不同凡響
• 真兄弟保鮮紙保唔到鮮漏氣? 肯定是冒牌貨假兄弟作祟, 買錯嘢啦!! 曾兄弟曾成成同曾權權就真係真兄弟啦, 少少的討好, 少少的巴結, 少少的說親, 少少的支持, 肯定唔會一鼻子灰, 仲會全力以赴, 做到最好添
• 親疏有別? 曾生說得對, 有人係為反對而反對, 慘得過呢個巿場上大把人受呀! 你有乜咁巴閉咪攤哂出嚟囉, 又睇下有幾多人會為讚成而讚成? 說親就梗係唔好周圍去說啦, 碰一鼻子都係自己攞嚟衰
  
• 三百萬起個隔音屏障? 屯門公園事件又再一次曝露出政府幾咁無能, 定係錢多無地方使, 頭痛醫頭, 腳痛醫腳, 這就是我最親愛的政府了
  
• 亞視有中資入股, 可以名正言順地中國化了, 好事一椿, 起碼「情陷夜中X2」肯定吸引過「火X黃沙」, 唔會火都嚟埋呀嗎!! 中央台化有乜嘢唔好先? 十大活躍港股有幾多隻唔係中資股? 中行IPO又唔好見你嘈? 低B夾低智
  
• 文革四十年, 中共越想收埋, 就越引人睱想, 就如性教育一樣, 如此顯淺道理連三歲小朋友都識啦, 中共高層焉有不知之理? 有錯不認, 何等難看, 死要面子, 充大頭鬼, 不過, 我相信歷史自有公論, 不容你如何否認抵賴, 一個連自己國家的歷史都認不清的國家, 有何資格叫別國認清歷史? 究竟係南京大屠殺定係文革十年的禍害影響更深? 死者更多? 明眼人自有真正答案, 豈容一鼠輩之徒所能愚弄!!
• 因為我們是為人民服務的，
  所以，我們如果有缺點，
  就不怕別人批評指出。
  不管是什么人，
  誰向我們指出都行。
  只要你說得對，
  我們就改正。
  --毛澤東(08-09-1944)
  
  廿年之後, 我們看到截然不同的文化大革命
  
  
• 又話係有紀錄以來最強勁的颱風, 誰知又係瞬間掠過即逝, 杜鵑, 你令我太失望了
• 又一位新同事加入了, 不知佢可以頂得幾耐呢?
  
• MI3令我有點喜出望外的感覺, 一幕幕驚心動魄的鏡頭所帶來的震撼, 無疑是近期最亮眼的視覺效果, 炸橋個下真係心都俾佢炸埋出嚟, 湯佬仲唔使替身親身上陣, 實在一絕, 再加上Maggie Q唔咸唔淡的廣東話(係有心定無意? 我好論盡變成......粗口咁)點綴, 不再是湯佬單打獨鬥, 真係做到有teamwork, 前半part實在拍得無話可說, 金像影帝荷夫曼的演技亦無可挑剔, 以商業片來說絕對在水準之上, 可惜尾段上海開始就好似趕收工咁, 馬虎咗啲, 危急關頭, 一介弱質女流竟然可以連殺兩賊? 絕對是牽強得過份, 不過整體來說已經非常不俗了, 值得入場睇
  
• 由荷里活影星湯告魯斯主演的電影《職業特工隊３》，由於涉及過多的上海負面形象，或無法在內地上映。
  
  新華社引述上海傳媒指，這影片對上海瑰麗的城市景觀，視而不見，主角剛出現上海的畫面，是隨處可見晾曬內衣及破爛衣服的竹竿，而上海警察出鏡時，更顯得身手笨拙，反應遲鈍。報道引述上海國際電影節組委會人士說，影片引進中國的時間將無限期延長。
  
  有古怪, 莫非中央不喜此等免費廣告? 解碼高手係時候做嘢
  

星期美點 WEEK 19(6/5 ~ 12/5)

• 三份報告, 三種調查, 三個截然不同的結論, 令人難以致信的公式呢? 答案係邊到搵到呢? 咪就係嘉亨灣囉, 審計署? 使乜驚呢? 一個司法覆核就打殘你啦, 問你怕未? 政府自打嘴巴, 好笑得很, 一齣鬧劇收場, 利益輸送? 就係咁簡單, 你奈得我何咩?
  
• 巴塞贏得精彩, 反勝兵工廠奪標, 列文真係好有義氣, 見自己個不失球紀錄玩到悶得滯, 自己趕自己出場俾艾蒙尼亞玩下, 咁好嘅義氣仔邊到搵到? 奇連士文有福了
• 高生終於要受牢役之苦了, 確實大快人心, 也總算天有眼了, 呢種咁嘅茂利快快給我通櫃
• 呃綜援可以唔使坐監, 強姦可以唔使坐監, 上網BT就要坐監, 我想請問法理何在? 不能否認, 法律面前, 窮人真的要XX, 香港偉大的法治精神萬歲!!!
• 網上睇到幾適合形容香港的法律精神
  一名從非洲搭小船偷渡西班牙的非法移民，上岸後精疲力竭的癱倒在沙灘上。不遠處，幾位觀光客正輕鬆的做日光浴。
  
  
• 羅太真係一個好波士, 考試局年年都犯錯, 仲敢話佢有公信力, 呢啲咁嘅波士去邊度揾呀? 大家唔恨得咁多o架, 有個咁疼錫下屬的好老細
• 估唔到連港大都會有人出貓! 甚麼求學不是求分數, 少咗幾分隨時down咗一個grade呀, 呢啲咁白痴嘅想法連三歲細路都唔會信啦, 何況係成年人? 李局長, 節省少少啦, 諗下點補鑊仲好啦, 年年都爆鑊, 幾多公信力都係假
• 微軟將會同雅虎合作, 共同研究新搜尋技術抗衝谷歌, 有競爭係好事, 不過我仍然睇好谷歌, 因為我深深認同DON'T BE EVIL的商業倫理概念, 微軟同雅虎的入口式網站我不敢苟同
• 連續兩日都OT到七點幾八點, 我想死, 好想快啲返屋企HEA下
• 連最嘆嘅政府工都轉做五天工作, 我都好想揾返份5 DAYS WORK呀!
  
• 發現自己買過的書都有不俗的銷量, 藍海, 世界是平的都穩佔一台灣大型網上書店中文書暢銷前十名, 好嘢自然多人欣賞, 同樣情況在香港出現的, 就是白粉報, 犬陽報, 怎不教人惋惜?
• SONY真係好鬼CHEAP, 部PS3的手掣明抄任天堂WII, 但不要緊, 我相信SONY抄不到任天堂的精粹所在--創意, 所以不打緊, 咪由佢抄囉, WE DON'T CARE
• SONY傳奇吹水王-久多良木健對電玩的獨到見解
  
  01. PS3的目標是4D
  
  02. PS3價格：「搞不好我定得太便宜了，把這些尖端科技的開發費用整個一起看的話」
  
  03.「請不要把PS3跟其他遊戲機相提並論，
  就像你不會把高級餐廳的消費跟員工食堂相提並論那樣」
  
  04.「可以讓大家有精美的遊戲體驗的話，價格不會是問題」
  
  05.「我PS跟PS2出的時候還不是一堆人喊太貴，結果大賣啊」
  「加上這次世代的圖像表現與網路服務所綜合的起來的效果一定會大賣」
  
  06. 誇口首發兩百萬台「當然我們絕對有準備到這個數量，如果沒有什麼
  地震或者被偷的話這個數量絕對沒問題，可以在這E3之前用這個最棒的
  舞台來發表我真是太爽了」
  
  07. PS3 是能撐10 年的, 賣貴一點不過分吧
  
  08. XBOX 360 只能跟 PS2 競爭
  
  09. XBOX 360 只是 1.5版, 連名稱都取不知所謂的360
  
  10. 要我現在拿出 PS3 來我能隨時生產
  
  11. PS3 將會很貴, 非常貴, 玩家們最好加班才玩的起
  
  12. PSP 簡直是個藝術品
  
  13. PSP是21世紀的 WALKMAN, 目標是 iPod killer
  
  14. 這十年來跟任天堂的關係越來越好...v(￣︶￣)y
  
  15. PSP 設計沒有問題, 口鍵問題請消費者自己適應
  
  16. 不歡迎第三方廠商在 PSP 上推出純粹移植游戲
  
  17. PS3完全針對「完全高畫質」設計，能達到1080p解析度，以及每秒 120fps 更新頻率，已經超越了目前電視的掃描極限...

星期美點 WEEK 18(29/4 ~ 5/5)

• 五月一到就即刻三十度, 香港無得救o架啦, 成個火爐咁, 點頂?
  
• 又有一個舊同事要走了, 數數下, 剩返一個人在公司有一年以上經驗, 其餘連我在內三人都未過probation, 雖則會有多過replacement, 但係情況比想像中要差得多了
  
• 五月才第一個星期就三十度, 往後的日子認真不好過, global warming? 再係咁落去地球都命不久矣, 唉!!
• 看了等了一段日子的迷失決勝分 (Match Point)
  
  Match Point解作一場球賽的決勝分。
  
  「懂得說『只要行好運, 不必做好人』的，才是真正了解生命的人。大部分人都不敢承認，生活上的很多事情都必須靠運。不由我們自己主宰的東西是那麼多，多得可怕，多得不容細想。就像在一場比賽裏，球可能擊中網頂，而在那一剎那間，你根本不知道球會掉向前抑或後方。只需那麼一丁點的運氣，球會向前墜，讓勝利歸於你。如球跌返網後, 結果便相反, 你便輸。」
  
  故事描述一個年輕人於社會中努力向上爬，而他的野心換來種種可怕的後果。男主角糾纏於兩個女人之間，難以抉擇，最終以極端的行為了結。故事發生於英國的上流社會，起用的演員亦全部來自英國，包括飾演夫婦的尊納敦邁亞斯和Emily Mortimer、介入他倆的富家少女史嘉麗祖安遜；而Matthew Goode飾演將禍端帶進男女主角世界裏的Emily弟弟。
  
  有時的確是很無奈, 做好人永遠無好報, 做壞人就富貴榮華享之不盡, 奈何自己卻沒有這種能力同膽量去做壞人, 人生就是這樣吧?(枉我仲以為會講好多tennis道理, 點之...... 自己醒得滯啦)
• 買了《一公升的眼淚》亞也的日記, 依然很難相信脊髓小腦變性症的殘酷, 也讓我覺得每天醒來能夠會走會跳已經是最大的幸福, 懂不懂得珍惜當然另作別論
• 維辛迪應該會落選西班牙國家, 雖然係有很大的失望, 但唔知點解, 忽然對西班牙在今年世界盃有很大期望, 希望有奇迹出現啦!
• 政府庫房又水浸呀, 成百億呀, 幾時會「還富於民」呀? 又抑或打救下我地呢啲草根階層呀? 唐唐講過交稅與死亡是人生不能逃避的兩件事, 但係有盈餘就應該回水佢咪又滑過關, 你估啲錢係邊到得來的? 肯定唔係天上跌下來先啦! 出得嚟行, 就預咗要還啦
• 五一黃金週, 滿街滿巷都係自由行, 真係連街都費鬼事行, 早啲返屋企好過, 最估唔到就係反而今年人數少過去年, 有埋敵視你都減少? 因乜解究呢? 周太幫到你, 望下個天啦, 幾大舊雲, 天氣咁唔穩定點會有人嚟呀? 咁都得, 服哂你, 周太
  
• 成報竟然可以拖欠薪金兩個幾月, 原來我舊公司好過佢一半有多
  
  成報大事記
  
  1939 . 05 . 01 由何文法創辦，出版半年銷紙已躍居全港首位
  
  1941 因日軍侵港停刊，戰後才復刊
  
  1951 何文法購入北角英皇道現址作建報社之用
  
  1980 年代 銷量曾達 30 萬份
  
  1981 成報大廈拆卸重建， 83 年入伙時不單變成樓高 25 層的成報大廈 ， 員工數目亦增加 近兩 倍 ， 高 峰 期逾 600 人
  
  1987 何文法有意將《成報》上市，但股東最後以 「 手續非常繁複 」 為由 取消上市
  
  1989 50 周年 報慶，員工兩度加薪，何文法亦捐款 100 萬元給公益金
  
  2000 何文法將《成報》以 1 . 5 億元售予陳國強旗下的 「 東方魅力 」
  
  2003 陳國強以 1 億元把《成報 》售予吳征及楊瀾的 「 陽光文化 」
  
  2004 《成報》再傳財政有問題 ，年中易手予由內地富豪覃輝控制的星美傳媒集團
  
  2006 . 04 員工 不滿遲遲未出糧，醞釀罷工
  
  2006 . 04 . 21 社長包雲龍、副社長兼總編輯郭一鳴同時請辭
  
  2006 . 04 . 29 23 名靜態、專題及攝影組 記者連續 3 天集體請假
  
  2006 . 05 . 02 23 人中約三分一人請辭 ，其餘復工
  
  我相信由此時開始, 成報已經走錯了方向, 由反共變親共, 立場180度轉變, 揾鬼去買咩?