星期美點 WEEK 17(22/4 ~ 28/4)

• 返完星期五之後立即有得放short week, 認真perfect!!
• 臨急臨忙走去睇下有乜新恤衫要買, 未出糧先要破產, 窮到褲穿窿
• 發現自己著恤衫真係好怪, 無論係名牌定係街邊貨, 都係好唔順眼, 我都無眼睇lu, 很明顯我就係唔啱著恤衫的老粗, 因此都係頹買幾件算了, 何況無水買名牌呢?
• 求求其其, 是是但但, 隨隨便便在一夜間買了兩件長袖, 兩件短袖恤衫頂住先, 埋單差不多買到一件波衫連字, 陰公!!
• 諗諗下都好耐無買過波衫, 連睇都無時間去睇, 應該都係時侯清貨減價啦掛? 得閒出開去要八下至得
• 一星期新工作帶給我很多的啟示, 也許自己真的在舊公司呆得太久了, 不但沒有學到甚麼, 而且還浪費自己的寳貴時間, 我能應付得了這突如其來的工作量嗎? 我不知道, 唯有盡力而為, 一切從打字開始......
• 連續兩晚七點幾放工搭巴士走都塞到瞓得著覺, 人多到轉咗兩次燈都仲上緊, CWB真係好恐怖, 結果等成粒鐘至返到屋企, 我要完全give up搭巴士返屋企, 都係多點時間, 多點生活好了!!
  
• 每天都七點幾八點至走, 真的十分疲倦, 隻眼幾乎撐不開了, 肯定好快就要配眼鏡了
• 赫然發現等到頸都長的《一公升的眼淚》>>>click here實在太感動了, 當然係第一時間入手啦!! 奈何實在太窮困了, 等下星期出糧即敗云云
  
• 星期五又同班中學同學吃晚飯, 儘管只是在前一晚才約定, 又出奇地齊人, 某人真的很有面子呢!!
• 忽然很想考個車牌應徵港台司機開OT幫補下, 估唔到可以齋買報紙就可以搵咁多, 真令人羡慕呢!!
  

星期美點 WEEK 16(15/4 ~ 21/4)

• 無無聊聊地又睇了無記《電車男》第一集, 依然十分抵死, 不過主角的遭遇真係令人哭笑難分, 雖然作得有點過份, 但都不失為一套值得一睇再睇的日劇, 但係好奇怪首主題曲改咗做第二首歌, 唔係咁好聽, 不過無記唔同你整首中文歌都認真俾面lu
  
• 一個意想不到的復活節, 竟然有咁多時間hea, 發夢都諗唔到, 仲要俾老媽讚放假都係屋企咁乖仔, 也好, 正好有時間寫返個blog, 不致白費難得的一個長假
• 真係有少少後悔無跟團上大陸, 奈何打完通宵牌真的太睏了, 可惜可惜......
  
• 見完工才兩天就要返新工了, 雖然係急咗啲, 但係就俾對方的誠意價打動, 提早離開舊公司了, 也好, 反正已沒甚麽可以留戀了
• 真不明白為何到走的一刻老細先有時間去招呼下我, 說了一大堆另一個人離職如何不是云云, 去你的, 與我何干? 另一半時間又描述了一個公司外的恐怖世界, 彷彿在說, 外面的公司就是黑暗的, 我們就是如白衣天使般乾淨...... 呸! 你有一句說話去挽留我咩, 有意思加我人工咩, 講咁多廢話做乜? 完全係多舊魚, 講到自己幾咁偉大, 幾咁珍惜自己的員工, 假惺惺, 滿口仁義道德, 節省少少啦, 你出得咁嘅paid就預咗我會走o架啦, 講咁多大話搞到大家咁無癮又何必呢? 如果唔係為咗封reference letter同份糧, 晨早同你拍枱啦, 低B, 呢個bad ending十分無意義, 完全後悔沒有年頭就resign, 真笨!!
  
• 新工作, 在北角, 遠得多了, 要早半個鐘出門了, 趕時間就搭地鐵, 唔趕就等下巴士好了!
• 只要日日準時返工放工就有2%的人工做bonus, 為了這個bonus, 看來要早些睡了
  
• 投入文化界的懷抱, 總比玩物流好得多了, 起碼出去買書都有折先
• 第一天返新工作, 就撞啱有另一個同事要走, GM(原來係日本人)請咗成班同事出去飲茶, 很像在airtrans的情景, 希望不會再有bad ending了
• 第一天返新工就發現大鑊嘢, no T-shirt is allowed, OMG!!!!!! 好彩仲有個weekend去物色一下啲恤衫
  

星期美點 WEEK 15(8/4 ~ 14/4)

• 其實我唔係好明點解《本能2》會係一套三級片, 片中內容看來只有2B級, 對有啲想有嘢睇的觀衆肯定大失所望
• 原本諗住去奧海城睇, 點知有人遲到而最後去咗apm睇, 幸好apm的座椅都尚算大而舒服, 難怪睇睇下聽到有人瞓著咗, 仲要出哂鼻鼾聲嗰隻添, 係張櫈太舒服? 定係套戲太悶?
  
• 劇情來說實在太曲折離奇, 完全諗唔到邊個係真正的兇手, 莎姐最後道出男主角是兇手時, 看來亦疑點重重, 其實真正兇手是誰? 睇完我都答唔到你, 唯一可取的是年近半百的莎姐真係keep得唔錯了, 風韻猶存
  
• 不知不覺地一年了, 荷包又係時候要重創了, 幸好都無乜咭數要清, 都仲頂得住
  
• 盞鬼拉麵又真係幾盞鬼, 麵豉湯+中華沙律+日式春卷+吉列豬扒飯+凍飲都只係$38, 係香港咁嘅價錢可以食到咁多嘢, 都好難揾到lu, 何況仲有隻貓玩呢? 不過隻貓就真係污糟咗少少, 真係名副其實的污糟貓
  
• 終於都有講Google的書了, 當然係第一時間買咗啦, 不過最吸引我的, 是書後面的Google test, 啲問題好鬼難答呀!
  
• 呢個星期, 又炸彈, 又骸骨, 又煤氣爆炸, 世事嘅嘢真係好多時都估你唔到
  
• 辭咗職之後, 完全沒有被老細挽留, 睇嚟我啲工作表現都好麻麻下, 其實做咗一年有多都只係得呢個paid又係咪少咗啲呢? 突然有另一個比較高薪的同事又辭職了, 我立即有了這個問題的答案, 雖然有時係講心唔講金, 不過呢到我睇唔到有甚麼理由同佢講心囉!
  
• 終於等到復活節長假了, 第一日假期就去咗細路仔女友屋企開枱打牌, 進度認真麻麻, 打咗半日都只係八圈收場, 贏咗少少, 打到天光先有巴士返屋企, 好眼瞓, 都好耐無打過通頂lu
  
• 無記有《電車男》做啦, 很好奇會唔會有中文主題曲聽下
  
• 新的Apple MAC機可以選擇用Windows了, 雖然只係對應XP, 都總算係一個好好的開始, 對只有2% market share的Apple而言, 是一個增加市場佔有率的機會, 有無錢賺已經係其次
  
• Google又上返去$400, 又真係估佢唔到升得咁快, 真有你的, Google
  
• Google正式中譯為「谷歌」(harvest song), 個人認為認真麻麻地, 好似無古狗咁正
  
• 老友牛一, 在此謹祝生日快樂!!
  
• 有信心係好事, 不過泰利呢份自信又會唔會過份咗呢?
  泰利豪言世界盃囊中物
  四十年前的一九六六年，英格蘭在江東父老面前高舉雷米金盃；四十年後的二○○六年，英格蘭中堅泰利列出五大元素，從前鋒到後衛、從自信到經驗、從球員到領隊，都是他認為足以令英格蘭再度登上世界盃王座的理由。
  
  　　泰利認為，朗尼具備成為偉大前鋒的所有素質，除了大家耳熟能詳的「年輕、當打、有活力」之外，還有技術、速度、頭槌、射術、走位以及強健的體魄。泰利指出：「朗尼就像一頭猛獸，將會成為所有對手的噩夢。」
  
  　　效力「藍戰士」的泰利不忘賣花讚花香，形容車路士近兩季「贏得英超冠軍，同時在歐洲賽場上極具競爭力」，使陣中英格蘭國腳信心十足。事實上，泰利、林柏特及祖高爾三人都是英格蘭國家隊的要員，在車路士建立的信心有助他們帶領其他隊友衝鋒陷陣。
  
  泰利覺得艾歷臣應該為中堅位置人手充足而感到慶幸：「除了我之外，還有利物浦的加歷查、曼聯的裡奧費迪南、阿仙奴的蘇甘保、熱刺的京治。別忘了，我們還有皇家馬德里的活基治。」位位都是效力歐洲頂尖勁旅，所得的作戰經驗亦對英軍甚有脾益。
  
  　　泰利原來亦有迷信的一面，他指出自六六年捧走世界盃之後，英格蘭在大型國際賽僅曾兩度殺入四強，分別為九○世界盃以及九六歐洲國家盃，無獨有偶，當時的英軍主帥都事先張揚會在大賽之後離隊：「我不知道這算不算巧合，但是艾歷臣行將離隊人人皆知。」
  
  　　英格蘭陣中骨幹由四大勁旅車路士、阿仙奴、曼聯及利物浦組成，陣中成員大都嘗過捧走各大小獎盃的滋味。泰利認為，英軍眾人身經百戰，有豐富的歐洲賽經驗，今夏世界盃正是他們揚名立萬的黃金機會。
  

星期美點 WEEK 14(1/4 ~ 7/4)

• 愚人節收樂!! Happy April Fool!!
• 兩年前的今天, Google推出了Gmail, 容量為1G, 相比當時免費郵箱由幾MB至幾十MB, 不禁為之嘩然, 而且不是開放註冊, 有一個Gmail account實在是一個身份象徵, 同時亦加快了email服務之發展
  
• 一年前的今天, Gmail進化為2G, 其他最大的email account才1G, 而且每分每秒Gmail的容量亦不斷增加, 雖然增加的速度只是少無可少的10KB, 但不失為一個有趣的gimmick
• 今天, Gmail已經有2.7G了, 但是卻沒有任何新的modification公佈了, 作為一個Google忠實fans, 的確有少許失望, 不過, 沒有Google的搗亂, 我相信現時email一定只有幾百MB, 希望Google下年會有更多innovation吧!
• Short上腦-->here, 一個Gmail account係Yahoo auctions度賣緊賣緊$50, 數數下我賣哂啲invitation都值$5,000呀, 發達啦
• 呢個對答先搞笑
  問題 2
  mcconnell_brue (-): 平d得唔得? 2006-04-04 19:44
  答案
  bedokmall (88): 其他國家收美元50，我收50港元 2006-04-04 20:18
  
• 睇了《Inside Man》, 果然係一套典型Spike Lee的作品, 成套戲不停忽來忽去, 其實我覺得忽少啲可能會更加好
• 每一個角色的心理描述都很細膩, Denzel Washington同Jodie Foster不愧為兩屆奧斯卡影帝及影后, 每一個動作每一個表情都十分入戲, 一個是尋根究底的熱血警察, 一個是唯利是圖的財經記者, 各自懷着不同的利益理由去解決事件, 攻於心計, 令人心悅誠服, 故事情節亦屬緊湊, 絕對係一套值得推薦的電影
• 戲中唯一失敗的地方就是不停地加插審問疑犯的過程, 做到太明顯了, 晨早就知道破唔到案啦, 可惜可惜
  
• 老闆出完2 weeks trip返公司lu, 應該無乜機會再成日上網了, so boring!
• 終於辭了職, 內心有說不出的輕鬆, 爽呀! 已經完全沒有甚麼值得留戀的地方了。
• 一日不停地十幾二十日email搵工, 有email用copy and paste實在太方便了!
  
• 又要開始prepare interview了, 份CV都要重新執執了, 原來都有成年未掂過份CV, 不過要改的地方也不是十分多, 萬幸萬幸
• 見咗兩個agent, 無見工成年啲skill真係完全生疏哂, 下次要俾多啲心機至得
  
• 國米輸埋俾維拉里爾, 我地嘅目標又可以放響下季了
• 三月完全無一日public holiday, 四月終於有久違了的一日清明節假, 就係咁hea下hea下又無咗, 嘥料! 希望下星期的復活節會更有睇頭
• 用緊的電話台抽中咗有一個月秘書SMS服務, 當返緊工唔得閒聽電話時都幾幫到手, 抵讚!
  
• 睇完一個電視節目, 原來曱甴可以兩星期唔食嘢, 企鵝仲堅, 兩個月添, 睇住佢由肥企鵝變成瘦企鵝, 真係好搞鬼! 如果我有佢一半咁犀利就好啦, 慳返好多出街食飯錢, 啲錢就好夠使
  
• 真係要多謝PK有啲咁專業的翻譯, 佩服得五體投地