星期美點 WEEK 10(4/3 ~ 10/3)

• 一夜成名, 唔知做乜, set到一部printer可以print嘢姐, 就醒到叫我set成個department share一部printer, 我連砌機都未曉呀! 揾我把鬼咩?
• 上網dl一個driver裝完再重新開機姐, 呢啲咁basic嘅computer knowledge都唔掂, 咁嘅人仲可以掛住個director title, 呢個係咩世界?
  
• Sunday去咗一間叫"想不起來"的台式餐廳食lunch, 個名真係幾得意, 啲食物都OK, 不過如果啲豬軟骨飯唔係落茄汁會更加好
  
• 睇了很久前已經好想睇的《Cinderella man》, 果然是一套必睇的好片, 相信若非上年同類型電影《Million dollar baby》掃咗四個Oscar大奬, 這套《Cinderella man》的成就一定在後者之上, 有少少可惜


• 很欣賞Ron Howard的電影, 對很多情節的描寫都很細膩, 例如, 每一拳擊碎主角的骨骼聲, 可以如此入心入肺, 每一個觀衆歡呼或柴台的情景, 可以如此震撼

• 片中有很多感動位, 最令人感動的是潦倒拳王妻子溝水入牛奶俾啲細路飲, 被人cut電主角返去舊主乞錢一幕, 領取及歸還救濟金, 甚至係班細路偷聽收音機都令我印象十分深刻, 很大程度上是因為Russell Crowe(潦倒拳王), Renee Zellweger(潦倒拳王妻)同Paul Giamatti(拳王經理人)的出色發揮所致

• 其實唔係好明點解叫做Cinderella man, 係咪想講主角的際遇同灰姑娘一樣咁戲劇性?

• 美國1929年著名的經濟大蕭條(Great Depression), 造就了一個傳奇誕生, 2005年, 這個傳奇叫好不叫座, 莫不令人惋惜
  


• 睇慣了荷李活式的巨型製作, 一套低成本製作的小品格外啱feel, 絕對係誠意推介, 可惜已經落咗畫n世了
  
• 千里馬遇上伯樂, 潦倒拳王有幸遇上他的經理人(不惜變賣家產籌錢幫他), 那我可要努力尋找我的伯樂了!
• 很久無煮過麵, 呢次仲要煮俾第二個食, 結果當然係......見得下人啦
  
• 一口氣去田園同樂文買咗幾本書, 有歷史(睇完Munich好有興趣深入瞭解一下以巴衝突由來), 有會計(讀咗兩年accounting其實學過啲乜?......), 有經濟(呢本幾實用, 希望可以繼高SIR的淨雙丸理論後學到更多econ嘢), 仲有最有興趣的一本--《The world is flat》, 世界真係好大, 又變得好快, 睇咗一陣就覺得自己好out-date, 要快啲睇完至得
  
• 《Death Note #10》入手, 不過睇到第七期已經卡住, 個腦完全轉唔到, 都唔知幾時先睇到第十期?
  
• 鋸扒鋸到連杯茶都打瀉埋, 真係short上腦, 瘀爆
  
• 《FF12》成為fami通史上第六隻四十分作品, 有點意外, 尤其是人設不是天野喜孝同野村哲也, 不過滿唔滿分都係一個字-敗!
  
• 星期一一整晚睇Oscar, 沒有太大的驚喜, 印象最深刻係《小企鵝大長征》攞奬時拎埋啲企鵝公仔同《King Kong》狂掃三奬, 皆因兩套都係我有買飛入場睇的片
• 《Brokeback Mountain》八個提名都係得三個奬, 入場意慾減半, 李安贏了最佳導演, 卻失落了最佳影片給《Crash》, 不少人羣起大呼不值, 但我想問, 你地有無睇哂兩套戲先, 睇完先講啦, 理性啲啦, 香港人
  
• 星期二、三深夜就一連兩晚睇歐聯, 見證了車仔被巴塞淘汱出局, 摩連奴有咁耐風流, 你都有今日啦, 繼德國輸被意大利1:4後, 拜仁又以同樣比數輸俾AC, 德國波真係好唔掂!
  
• NDS lite終於出啦, 水貨炒到上$1800呀, 貴過十算呀陰公, 等行貨, 等行貨, 都唔知頂唔頂到, 唉呀!!
  
  
• 買咗兩期pcmarket, 發覺比e-zone更簡潔, 程度也比較淺易, 很適合我呢啲初階者睇