星期美點 WEEK 8(18/2 ~ 24/2)

• 公司成個system死機咗足足一個星期, 但係老細好似完全無動於衷咁, 佢有無諗清楚事態有幾嚴重o架, 又唔緊張個隻, 皇帝唔急, 唔通太監急咩?
  
• 一套從《強戰世界》陰影中走出來的史忽佬電影--《Munich》, 三小時的片長絕對是沒有悶場, 將一段為人爭議歷史為題材再一次重現於大銀幕上, 不得不佩服這種勇氣, 雖然我不是史忽佬fans, 依然值得讚賞
• 以為睇早場會少咗啲嘈喧巴閉嘅無頼, 那知道身後的兩位阿姐就真係笑足全場, 直頭當一套笑片咁睇, 完全無視他人的感受, 乜都傾餐飽, 好無feel, 真係跳入戲裏搶走Black September啲機槍掃低呢兩個粉人再慢慢睇
• 冤冤相報何時了, 很正面的一個訊息, 有意無意間的一記世貿的鏡頭, 薯仔同登登相信不會不明白, 世界和平? 只要有人類存在的一天, 這只是一個遙不可及的夢想, 不知這是否史忽佬想傳遞的訊息?
  
• 令我很感動的兩幕 : 放炸彈差啲炸死個細路女同阿夫拿同自己阿B講記住自己把聲, 真係差啲想喊埋出嚟
• 做佢個agent食兩家茶禮都幾發, 我公司有佢一半都偷笑
• 臨尾阿夫拿為甚麼要請個以色列阿頭去佢屋企食飯? 而他又為甚麼拒絕呢? 唯一唔明的地方
  
• Gmail開始進化了, 在Gmail的界面可以像G-talk般同其他user chat了, 雖然只是小小的gimmick, 但都睇得出Google的innovation, 期待往後Gmail有更多與衆不同的功能
  
• 財爺果然好學不倦, 繼上次引用狄更斯《雙城記》最好的時候, 最壞的時侯作告白時, 今次又引用Alan Greenspan的人生死亡及交稅論, 咁鬼博學有無意思做下特首指揮一下教改添呀?
• 其實做賊做一單可以劫走五億幾港紙, 數目之多可以夠香港政府的額外扶貧預算用五年, 財爺不妨考慮一下做賊壇新人王, 唔使咁頭痕啦!
  
• 報告報告, 被敵方粉紅炸彈擊中, 戰機重創墜毀, 敵方乃是前公司上司, ...... 我同你好似無乜交情喎, 做乜咁好心炸鬼埋我呀?
• 今次醒咗, 無嗌紅酒嗌啤酒, 仲要一圍坐得九人, 甚麼蟹鉗蝦球同翅通通打孖上, 呢餐酒真係抵到爆
• 星期四先要做人情, 跟住的星期六又要同同事BBQ慶祝生日, 估唔到今個月返廿八日都要銀包重創, 真凄涼
• Don't be evil, google
  
• 最近迷上呢隻---> here飛機game, 有得升level時仲有auto save, 好過癮
  
• 打劫一次銀行可以劫走五億幾, 足夠政府攞嚟額外扶貧五年, 諗諗下都幾悲哀, 做賊真係一個理想的職業