星期美點 WEEK 46(12/11 ~ 18/11)

• 許久沒有試過拿滿分的喜悅了, 沒想到竟然在auditing這科上取得, 實在驚喜萬分!!
• 重新點燃起心中的熱情, 堅定不移地要將auditing這科攻陷, 爭取最好的成績
• 天氣開始轉涼了, 實在大快人心, 也許廿幾三十度的日子待得太久了, 都是冬天好, 寧願無衫着凍死都唔想流汗熱死
• 條頸巾戴落又真係幾啱feel, 幾合心意, 沒有甚麼抗拒感, 實在太好了
  
• 大老細由歐洲回歸, 即刻被修理了一頓, 其實追數迫人個個月清帳, 是理所當然還是矯枉過正呢? 開得成二十幾個員工的公司, 連個少少的AR都不能予人方便, 寬限一頭半個月, AP又拖到人成年咁滯的時候, 呢間公司的財務狀況實在令人擔憂, 都係做定準備走人了
• 仲想開多間branch, 有鬼錢開咩? 真係想錯你個心呀!!
  
• 幸好飛機個邊突然有大批貨要走, 連帶我都暫時唔使上上海branch住, 呢啲咁吃力不討好的工作真係避得到就儘量避。唉!! 一去就要成四日先至有得返香港, 撞啱考試就真係大檸樂!
• 聽到老友的申訴有關工作上的不滿, 搞到要查醫生紙咁無癮又真係幾無謂, 真的概歎好工難求, 好老細就更難尋了, 自己都身同感受, 寄望大家一齊捱埋今年, 下年揾過份更好的!
  
• 好耐無買過game啦, 最近終於買返隻之前好想買的《Donkeykong Junglebeat》了, 只係賣$110咋, 比想像中平了許多, 當係自己送俾自己的生日禮物, 得閒要攞番個鼓出嚟打下發洩下至得, 鬼叫呢排個人咁鬼躁狂
• 假如一年前睇中隻股票只係每股百多元, 但係又無錢買, 一年後升到四百幾元股, 你都咪話唔慘情呀! 假如自己安慰下自己, 那隻是google, 是美股, 無direct investment in Hong Kong, 內心會唔會好過啲!
• 繼續情迷Endless Story同Glamorous Sky中, 實在太好聽了, 百聽不厭