星期美點 WEEK 43(22/10 ~ 28/10)

• 遲來的驚喜, 一直擔心不合格的F.M.竟然有B-, 真係要劏雞還神了, 剩下的就只有Auditing這科了, 加油!
• O.B.的成績都唔差, 有個B, 與預期中的成績一樣, 其實用這麼少的input得到這個成績, 已是相當不俗了, WONG SHI是我在HKU SPACE最尊敬的一位阿蛇, 以這個成績去完成他的課程我覺得相當滿意
  
• 星 期三上咗廣州, 名義上係做internal audit, 幫公司check數, 點知......, 上到去都成一點鐘, 原來得個十幾多job, 唔使三點就已經check好哂, 收得工o個隻添, 仲要懶勤力咁磨到六點至鬆人, 過到深圳都成八點多, 諗住早啲返香港之際, 竟然有同事提議開公數去小肥羊打邊爐(唔怪得之lunch食八蚊咁慳家, 仲以為你o也咁幫公司慳錢添), 在少數服從多數下, 唯有屈服, 食完都成十點幾, 搭的士返去時仲要整傷條腰添, 呢個trip嘅代價認真大
• 萬樂珠溝可樂係乜? 之唔係新一代環保型CO2滅火器囉, 絕無化學成份, 絕對environmental friendly!!
• 一直以來都好想睇nana, 聽完中島美嘉的GLAMOROUS SKY(nana電影版主題曲)後就更加想睇, 仲有一個禮拜都等唔切
• 飛越太空山? 我相信我沒有這種勇氣, 偑服!
  
• Deep Impact七戰七捷, 無敗之三冠達成!!菊花賞last段dash真係得人驚, 個勢睇住嚟贏咁, 點到即止。啱嘅, 好馬就無謂逼得佢咁緊要, 真係好想知佢下個目標係咪日本盃, 期待著下一集gallop racer有得用佢!!click here
• 菊花賞Sunday Silence子嗣包辦頭四名, 真係好屈機吓
  
• 十月二十七日, 收到一張很有價值的期票, 一切一切都有待三年之後兌現
• 睇到啲自己想買嘅嘢, 應該下個禮拜會出手敗回家