星期美點 WEEK 40(1/10 ~ 7/10)

• 十一的假期過得真快, 已經忘了這是一個月後第一次的正式約會, 不知下一次又要等到幾時?
• Uniqlo真係好恐怖, 竟然要排隊先入到場, 入面仲要係超多人, 搞到無乜心機睇下, 都係留番遲啲少人啲先去慢慢研究研究。
• 睇 了期待了很久的《小企鵝 大長征》, 很有discovery channel feel, 幾有意思。企鵝爸爸、媽媽可以為自己的仔女捱冷捱餓個幾月, 相比起一般的人類, 顯示出更崇高的親情, 生命真是十分神奇。假如可以加埋那些小企鵝成長的過程, 會更加完整, 更有說服力。
  
• 原本諗住睇英文版, 點知原來香港係無英文版上, 只有原裝法文版同廣東話配音版, 諗都唔使諗就揀咗法文版, 雖然法文聽得很悶, 但是事後看網上評論廣東話版原來更不濟。Bingo, 好彩無揀錯, 由始至終我都對自己的眼光很有信心。
  
• 你無睇錯, 我無寫錯, 我看的正是法語版, 因為我驚聽完廣東話版醫神阿Sa的配音會爆血管!
• 公司整咗條新狗帶, 橙色的, 好鬼啱feel
  
• 這個世界究竟有沒有不需要戰略部署, 不需要心思細密, 純真直接既愛情? 係唔係每一個人都要經過一番計劃和戰術分析, 將自己對愛人所做既事通通研究過後, 才可以用行動去回應, 才有機會令愛情成功?
• 太傻了, 實在太過傻了, 六個月所做的, 付出的真心真意, 原來都是白費心機, 被人懷疑的。這個世界實在太恐怖了, 當我所付出的一切一切換來的都是虛情假意時, 我又有否能力繼續去相信那個人?
• 假如沒有那發脾氣的兩天, 我現在會怎樣? 對於一向自傲的我完全失去了自信心, 心情低落至極點。我發現我為何那麼痛恨那些玩弄感情的人了。
• 灰色, 原來已無聲無色地入侵我的世界, 無論在學業上, 事業上, 還有最近的愛情上, 我找不到比這更適合的形容詞。一直以來, 我以為找到了自已喜歡的東西, 但是......我不是甚麼聖人、偉人, 只是一個平凡的普通人, 太多的考驗, 我無法承受得了, 還是早一點放棄好了。
• 人生就是那麼殘酷, 這是我今年心情最低落的一個星期, 我可以怎樣? 灰到爆燈的灰燕子