星期美點 WEEK 17(20/4 ~ 26/4)

• 出席了第一次的兄弟聚會, 發現結一次婚都超煩, 搞一次婚禮要兼顧的事原來可以搞幾日都做唔完, 我覺得自己一定會死梗, 點中哂死穴, 可以的話, 我一定會低調不已, 簡簡單單, 雙方食餐便飯便算了
  
• 主動出擊下點咗個超hea的跑腿甲去做, 我很有信心會做好呢份工, hea到爆
  
• 見到吳師傅真人, 完全無咗昔日的英氣, 成個人唔同哂, 一身部長的打扮無法想像出來, 感覺幾奇怪, 食物都係一般, 沒有甚麼特別, 聽其他兄弟說個橙最正, 真係......
• 閒話說來不少中學同學都有不俗的發展, 當教師, 賓架等當然不計其數, 做到去伊拉克當兵, 哈佛professor, 流行曲填詞人就一定絕無僅有, 母校果然名不虛傳, 絕對係出類拔萃啦!
• 又喉嚨痛又感冒, 天氣一轉就出事, 順個便請返日假抖下, 亦抒發一下失驚無神被老細當人球轉team的不滿
• 本星期出job到尖東去, 雖然不用過海, 返工時間同返公司差唔多, client位置在某大Night Club旁邊, 有日收工走時行過真係有姐姐過來拉客(我個貓樣似有$去滾咩?), 勁無say囉, 揾餐晏仔食下又難, 結果都係M記KFC頹食咗幾日, 真係無諗過出job頹食到咁
• 今期要追的日劇應該都係《極道鮮師3》啦, 睇過一集都不過不失, 啲學生揾個靚仔少少都無, 無以往的水準, 要追落去就真係有時間先諗
  
• Download咗另一隻internet broswer Flock試試, 雖然初初用感覺係幾新鮮, 個介面真係比Firefox好, 不過用同一個Gecko引擎下, 好多佢claim係兼容的firefox extension plug-in都用唔返, 無奈下放棄, 看來自己已被FF寵壞了
• 939發出盈喜, 08 first quarter已有RMB 32,129m profit(2007年為RMB 69,053m), 可否keep到呢個profit到年尾仍然言之尚早, 從股價無乜點抽上可以見出, 要開心仍然有一段時間了