星期美點 WEEK 15(6/4 ~ 12/4)

• 上司在公司做了多年後突然辭職不做, 消息實在來得十分突然, 完全無先兆預見, 幾令人詫異, 雖然相識只有半年, 佢都算係一個好人, 佢走咗我都覺得幾可惜, 短時間內連走兩個senior, 公司反而請返兩個junior算數, 無得救
• 公司封閉情度有如行緊封建制度一樣, 一早返到去話轉位就轉位, 都唔知當你係乜, 預早幾日通知方便執下嘢都唔係好難呀, 咩公司嚟?
• 打多次網球後, 技術真係好咗少少, 正手感覺好咗好多, 反手仍然一無是處, 未來仍需加倍努力
• 內心掙扎了很久的ipod touch同HP ipad 212, 終於選擇了前者, 一來貨源較多(ipad 212只於高登同298等腦場至見), 二來揾到間鋪賣上一版本的ipod touch, 平兩百幾, 實在太吸引, 忍唔住出手買咗
  
• 不知不覺很快地就三年了, 對我來說真的像一段蜜月期, 下一個三年又是否同樣可期, anyway, 這是一段美好的時光, 很高興能與另一半分享
• 忍咗好耐終於頂唔順個老爺router, 狠心地買咗個WHR-HP-G54, 一試之下上網速度果然快咗成倍, 早知晨早換咗佢, 轉過頭買埋MarioKart, $399入手, 以日圓高企下, 賣￥5,800的game以此價入手都算係咁, 不過用唔慣個呔盤, 用返最原始的GC手掣好過
  
• 氣温急升之下, 係時候將啲suit拎哂去乾洗了, 四套加埋又無成百幾銀, 想慳啲洗都唔得, 窮得很啊!
• 星期六玩咗部ipod touch成日, crack咗部機之後就不停download new function同揾source, 仲未揾完, 有排玩