星期美點 WEEK 31(27/7 ~ 2/8)

• 在elements睇了Batman《The Dark Knight》, 可以用無懈可擊來形容, 特技畫面之震撼固然在預期水準以上, 配上院內座椅的SHAW音響系統的環迴震動效果, 效果之佳實屬前無古人, Heath Ledger活活地演出了小丑的奸詐殘忍, 入肉三分, 比較Batman, 更似是主角多些, 如此早逝確實令人惋惜不已, anyway, 以天文數字拍的商業片有此番水準, 非常難得, 無怪乎肯俾錢睇兩三次的人大有人在, 某戲院的3D film version過百元亦場場爆滿啦!
• 美中不足的可能是早前傳媒報導在香港拍攝的工作一早曝光, 又頭版又港聞, 慌死你唔知咁, 唉, 人家才在全套戲百多分鐘內佔了幾分鐘而已, 就打鑼打鼔通哂天, 何其大驚小怪!
• 題外話: 我真係見到Edison, Ms Wong見唔到, 莫非我時運高?
• Queries層出不窮, 之前的同事做到亂七八糟你唔出, 我執返正你又問長問短, 早知費鬼事嘥心機執屎啦, 學Joker那句: Why so serious?
  
  
• 34度, 著住恤衫返工同以前著T恤真係兩回事, 未返到公司在mtr內已經融哂, 回到公司真是以汗流面, 真係想死
  
• 唔使買林伯, 買咗Muntari, 希望是筆划算的交易
  國際米蘭沒有公佈蒙塔裡的轉會費，但是確認與這位前朴茨茅斯球員簽約四年。根據意大利媒體的報導，蒙塔裡的轉會費在1400萬歐元左右。與1年前700萬 英鎊的身價相比，朴茨茅斯做了一筆好生意。加納中場身高1米79，體重76公斤，在剛剛過去的2007-2008賽季中代表朴茨茅斯出場31次，進球5 個，其中聯賽出場27次，進球4個。這是一名實用性非常強的中場。
  
• 有時間真係去考返個牌, 不是會計師牌, 是車牌, 人工咁高, 日後有乜唔掂, 敲下門入一入X巢撈都係一出路
  據資方指出，現時司機的平均月薪為17,000元，而跟車工人平均月薪則為13,000元。代表勞方的李卓人，就話司機平均月薪介乎14,000元至15,000元，而跟車平均月薪則介乎9,000至11,000元。當中究竟誰是誰非，看來只有勞資雙方才清楚。
• 公司內的courier突然入咗廠, 全公司同事真係企咗響度, 方寸大亂, 此時此刻, 方知道老細唔係咁重要, 下面幫緊你的人先至係你真幫手
• 食開的雲南米線出了新的木薯粉, 不過食完不見得跟一般米線有大分別, 只是多了一分咬感