星期美點 WEEK 30(23/7 ~ 29/7)

• 大獲!大獲!大大獲!! 俾地鐵張宣傳海報吸引咗, 我竟然會俾錢去睇我一向睇唔起的韓國片, 仲要係勵志片《我的馬拉松》, 不過套戲都確幾感人嘅, 完全沒有半點冷場, 值得入場捧場, 絕對好過睇齋sell明星的那套白痴港產片
• 看見人家男主角為了演那自閉症馬拉松選手, 跑了十公里, 減了二十幾磅, 我對那些香港大哥大、 大姐大還有甚麼期待? 不如拍多幾過廣告好過把啦, 拍戲, 既浪費你體力, 又浪費我眼力, 實屬不智!
• 百記電影中心比我想像中易搵, 雖然地方不大, 設備不算最先進, 但勝在坐得舒服同價錢合理, 值得推介, 下個目標會係March of Penguins
• 今個season想看的日劇已有四套了, 有排追呀, 點算好?
• 開始追看電車男第一集了, 又真係幾惡搞喎, 電車之嘔心核突, 邊有可能襯得起我高貴大方的伊東, 真係一朵鮮花插在牛糞上囉! 最抵死係搵番電影版的男主角山田孝之客串一角, 夠哂絕!
• 看見電車自己唱生日歌俾自己聽時, 又覺得佢幾可憐喎, 俾我一定真係跳落去! 諗番起自己, 雖然都係一事無成, 但總算幸福得多了, 至少我已經有了一個可以依靠在身邊的人, 有了人生以後要發奮的方向!
• 好似都無幾可會一個月內買三條褲, 仲要係同一個牌子添, 問你死未?
  
• [邪惡mode/on] 很難得遇見一個靚女sales如此好的service, 不知道為甚麼又如此的不幸, 試了三次才試啱對鞋的size, 仲要三次都係佢穿埋鞋帶加綁埋添, 十萬個唔好意思[邪惡mode/off]
• 點解啲香港人好似前世無睇過書咁, 一窩蜂咀咁擁住去書展, 我又不見得有甚麼吸引了, 至少我不會做文化沙漠下的一條應聲蟲!