WINMX (廣東話親切版)

今日我照常返工, 做sale屎, 但鋪頭有部腦喎.
咁我響部腦度download 梗 macromedia studio mx 2004,
我無諗住響鋪頭用啦梗係, sale野用佢黎把鬼咩~
只係諗住download 完燒埋碟拿回家, 費事返到屋企至download.

過左一陣, 有2個客走入黎買野, 咁我梗係要同佢傾下計, 又估唔
到佢地會咁好傾, 乜都可以吹一餐喎~ 咁ge客真唔錯, 又寬佬,
隨手選左幾樣貴野.

當佢地埋黎比錢時, 見到我部腦,,
就問我「e~ 原來你都用winmx ga ?」
我「你又識ge?」
佢「我都有用過ar ma ~」
我「哦~」
佢「你單撈梗software ?」
我「係ar... 多謝你1萬2千5百9十9蚊~」
佢「好ar...」

佢伸手入腰間, 以為佢扲銀包啦~ 點知原來係手扣黎ga !!!
佢「我地係香港警察~ 你頭先所講ge野我地已經錄低晒~ 你無需要講任何野,
即刻跟我地走~」
我「.......=.=」
同時間, 出面有一批海關走左入黎, 原來一早埋伏好的!! 我奶野了=.=!!!!!

我e+ 都係保釋出黎架ja ~ 遲d仲要上庭鈴訊, 罰錢 + 保釋金 = 我成個月人工~
我唔想你地步我後塵ar, 唔好再用winmx la~